颱風

今日迎來小弟係日本第一個颱風。

雖然香港o既颱風命名已經俾人話冇氣質架喇,
但日本o既颱風命名比香港還要簡單,
由每年第一個颱風計起,
叫 颱風一號、二號, 如此類推......
而今次o既颱風係四號。



睇番過往數字,
日本六月份o既颱風數目,
只有 0 同埋  2 兩個選擇。
即係話六月一係冇風,
一黎就黎兩個。

你話唔係咁邪呀馬?
就係咁邪,
而家o既四號係六月第一個,
第二個係邊?
咪就係啱啱經過左香港嗰個囉......

預計22/6會吹到黎日本......
小弟仲諗住22/6去旅行添=.=



講番四號。
之前新聞講到好係威係勢咁,
話颱風混埋梅雨, 降雨量會勁到爆。
但今日傍晚颱風登陸近畿地方,
( 近畿: 大阪, 兵庫, 京都, 奈良, 和歌山一帶)
都唔係好大風大雨,
一啲都冇打風o既feel。

睇番新聞,
中心風力先得35m/s。
不過睇直播, 四國呀、和歌山嗰邊,
啲雨落得幾勁......

如果颱風五號同四號一樣咁弱雞的話,
小弟照去旅行都唔成問題~~~