福岡水族一日魷 --- 福岡MARINE WORLD (+ 早見沙織演唱會)

 

今次係去福岡睇演唱會,

咁通常都會stay多一兩日睇下有咩做o既,

見到福岡都有個水族館MARINE WORLD,

所以諗都唔洗諗就納入行程。

上圖o既海獺, 就係MARINE WORLD o既鎮館之寶。

因為係旅遊BLOG o既關係,

演唱會o既事, 小弟就放最後先講,

先講左水族館MARINE WORLD先。

由博多駅搭大半個鐘JR到海ノ中道駅,

再步行10分鐘就到達MARINE WORLD。

MARINE WORLD個造型都幾奇特,

但非常令人印象深刻。

成人2500羊, 唔算係貴, 都抵。

入到館內, 採光十分好, 加上今日都好好天,

十分光猛。

係當眼位置, 當然會有手信販賣店, 不過陣間臨走再睇。

有樣野一定要check o既, 就係館內唔同活動o既timetable喇。

包括戶外海豚表演、海獺餵食及表演。

咁啱而家11點鐘, 外面進行緊海豚表演。

出去望吓。

訓練員特登叫海豚係邊位跳水,

淺濕邊位o既觀眾(上、下圖)。

啲人濕到淋晒。

睇完海豚表演, 入番室內睇魚魚。

水族館自己有個Apps,

下載左並開啟Apps對住魚缸入面啲魚,

就會自動顯示魚o既名字。

小弟試過, 辨認率十分高, 可惜只有日文。

不過小弟覺得, 就俾英文名你又點,

只會係一大堆拉丁文學名。

介紹有明海一帶o既漁業歷史同埋捕魚用具。

海龜缸

淡水濕地館 (上、下圖)

每個水族館o既核心一定係一個大水缸,

當然, 全日本要數最大o既一定係沖繩嗰個美ら海水族館。

(六日五夜 石垣沖繩中同魷 --- 第五日 万座毛 + 美ら海水族館 + 自製琉球玻璃杯)

(七日六夜 觀禮帶團沖繩魷 --- 第六日 美ら海水族館 + 万座毛 + 琉球の牛)

而且美ら海水族館仲係單塊玻璃,

而MARINE WORLD都仲會有幾條柱頂住。

「哈氏異康吉鰻」, 俗稱「花園鰻」。

日文名叫チンアナゴ, 直譯的話, 即係何B鰻......

水母缸一定係最吸引o既展覽之一,

可以企係度睇好耐都唔厭。

然後有海豹館。

話係全球第一個柱式o既觀賞設計。

就係下兩圖呢個喇。

可惜小弟捕捉唔好時機。

另外仲可以睇到水族館背後o既飼養工作。

鯊魚館

唔同o既鯊魚標本。

時間差唔多,

係時候去睇下MARINE WORLD o既重點之一,

海獺。

小弟已經早廿分鐘去到, 但已經插針都插唔入.......

食飯先, 係水度自由活動。

同大家打個招呼。

魷魚係佢o既主要食物之一。

仲有貝類, 例如帶子。

你真識食。

一舉手一投足, 都不斷佔據大家o既memory。

投籃challenge。

當然佢唔係真係掟個波咁勁,

只係需要佢遊埋黎塞個波落個桶度。

以人類年紀黎比較,

呢隻野明明已經係一個七十幾歲o既大叔,

但仍然令唔少女士狂叫「卡哇依」,

諗落都幾好笑。

最後講個byebye。

都已經下午茶時間, 小弟係時候食野。

係大魚池隔黎就係食店,

大家可以坐係魚池旁, 一邊食野, 一邊揀魚(誤)。

上、下圖係lunch peak hour o既清況,

全部都係人, 排隊排到傻。

而小弟兩點食嗰時, 已經係唔洗排隊, 而且揀到好位坐。

不過代價係有啲食品已經售罄。

(下圖貼左紅色label嗰啲)

叫左個漢堡扒, 好Juicy~

仲有舊熱石, 俾你切一塊, 燒一吓。

Perfect。

食店個電視播住啲婚禮片段,

似乎係可以係度辦婚禮。

係咪可以即場揀魚食?

再行埋個海洋生物o既骨頭標本展覽。

真係有好多唔同種類。

諗住等夠鐘睇埋個大水池餵魚,

所以係手信店睇吓。

都幾多唔同o既產品,

唔同著眼點o既人都總會揀到想要o既野,

而小弟就買左一件有海獺圖案o既T-shirt。

最後睇埋個大水池餵魚。

啲魚群開餐之餘,

隻魟都開緊餐(下圖)

整體黎講, MARINE WORLD幾好,

日本啲水族館、動物園, 暫時都冇令小弟失望過。

一家大細可以係度玩足大半日至一日。

去完水族館,

番番博多睇戲, 好彩未落畫。

聽朝就走人,

臨走前一晚, 當然要食もつ鍋,

已經係黎九州o既routine。

地道o既明太子真係好好食, 唔覺意又番兜多一碟。

行吓NITORI,

見到咁多材料, 簡直係男人o既浪漫!

小弟都幾鐘意做少少手作仔,

如果香港都有得咁樣材料任揀就好......

講番今次黎日本o既目的,

早見沙織演唱會。

係CANAL CITY HAKATA舉行。

為左排物販, 一落機就狗衝過黎,

開賣45分鐵前到達, 已經有成百米o既隊。

今次個位唔算前, 同時係邊位。

以上就係兩日快閃o既行程