玉華園

京都HKY小姐o既母親黎左日本探佢,
之前問我有冇野想要,
於是托佢媽媽幫我買兩本旅遊書。
而我媽媽亦都托佢媽媽帶野俾我,
咁啱HKY小姐今日黎大阪,
於是順道俾野我。

約左三點半左右係難波會合。
咁啱今日早更係黑田,
而黑田又住難波附近
於是兩點幾放左工之後,
黑田就車我去難波,
慳番程車錢。

三點左右到日本橋,
HKY小姐仲有排都未到,
於是行下日本橋,
順便食埋個午飯。

去到一間叫玉華園o既中國餐館,
亳不猶豫就走左入去。



一個set lunch都只係880YEN,
比係小弟打工嗰間拉麵店又係880YEN,
得個拉麵同飯,
絕對係抵得多。

叫左個炒牛肉絲定食。

左上方係普通生菜絲撈醋+麻醬,
中間係紫菜豆腐蛋花羹,
上面中間係日本漬物「しばつけ」,
右上方嗰碗係藥水味大菜糕。

雖然係中國餐館,
但炒牛肉絲o既味完全係粵菜o既味道!!!
雖然我唔係話十分掛住香港o既食物,
以前住hall都係好又一餐唔好又一餐,
但食到粵菜o既味道,
不其然有種感動。

其實十二月搵工o既時候都黎過呢間餐館問,所以個老闆都認得我。
傾左幾句咁啦。

雖然對方唔係講廣東話,
但始於大家都係身在異地o既華人,
始終有一種親切感。

發覺已經開始撈亂啲普通話發音,
因為一來廣東話同普通話有幾分似,
然後日文又同廣東話、普通話有啲似,
廣東話就唔係搞錯o既,
但有啲字已經唔知自己係講緊普通話定係日文=.=

ANYWAY,
四點幾HKY小姐先到達難波......
同行o既仲有一個女仔叫HSY,
係我中學prefecto既師妹!!!!!!

世界真細小~小小