放假

正如琴日所講啦,
因為幾個原因,
所以今日放假都冇特別去邊。

反正得閒,
於是去AEON買餸o既時候,
順便影下啲平時唔會影o既相咁啦。

上圖係藥房。
無錯, 係藥房,
前面有一個露天停車場,
內部面積大概三個藍球場咁上下啦,
SIZE係香港已經可以稱做藥倉=.=
但係係日本, 呢個SIZE先叫做正常。

日本o既藥房, 同香港一樣,
唔單只買藥, 仲有日用品等等,
不過比香港多o既,
係佢地仲會有賣化妝品、零食等。
如果再大啲o既藥房,
仲會有埋啲豆漿呀、蔬果呀咁,
已經可以稱做超市......

上圖係日本o既便利店「LAWSON」,
同樣地一樣多分店o既仲有「Family Mart」、
「SevenEleven」、「Sunkus」。
不過日本o既便利店, 隨左食物、藥物、個人護理用品之外,
仲會有一啲簡單o既日常用品如文具、
針線等。

記得有一次係紅磡o既seven聽到幾個日本遊客o既對話,
女: 「睇下入面有冇咯」
男: 「(用左五秒行完間seven) 都冇乜野賣o既」

同香港差唔多,
便利店可以交埋水電等,
仲有簡單o既銀行服務例如存款、提款、入數等。
不過唔同o既便利店代理唔同o既銀行,
唔係間間都做同一間銀行。

上圖係小弟住嗰頭最近o既地鐵站。
平時大家聽得最多都係JR,
其實唔同縣市都有市營或私營o既鐵路。

上圖係小弟成日去買餸o既AEON。
佔地大概個零運動場咁上下啦。
但之前同加藤交談,
佢話呢個AEON已經叫做細個=.=
我就同佢講,
呢個SIZE已經夠係香港起一個SHOPPING MALL......

一入去已經有一個好大o既範圍賣單車及有關用品。
單車服套裝以至單車o既鏍絲都有得賣......

再過啲係寵物用品,

然後就到超市o既範圍。

發覺日本人o既生果都幾單調,
基本上得柑、蘋果、蕉、菠蘿、士多啤梨, 係咁上下......
橙都唔係成日見有。

菜都唔係好多揀,
日本人食黎食去都係椰菜=.=
另外黎黎去去都係菠菜、豆苗(唔同香港嗰啲),
大白菜、蘿蔔、薯仔、洋/青/白葱。

熟食都唔少,
不過多數以煎炸野為主。

上圖可以見到超市o既冰山一角。

小弟成日行黎行去都係地面超市嗰層,
今日難得得閒,
於是閒逛埋上面睇下乜架科。

二樓(即係香港o既一樓)主要係服裝,
(日本地面叫「一樓」)
男/女/童/運動裝+手飾、服飾等。

上到三樓更加勁,
有書局、遊戲中心、旅行社、
傢具、床上用品(唔好諗歪)、FOOD COURT等。
根本就係一個商場=.=

係書局打左陣書釘。
本來打算係大街某快餐店食,
不過見food court啲烏冬幾正,
於是係food court食左個咖哩烏冬+白飯+兩件天婦羅,
食到反肚都只係830yen。

番到房都只不過係三點,
餘下o既時間就對住個電腦。

唔係睇動畫,
而係上網SEARCH唔同o既遊日本方法,
最主要係比較下搭鐵路、巴士、船, 黎移動o既時間、
上落客地點、同埋價錢。

另外又睇下旅遊書,
睇下去邊度玩咁啦。



唉......

希望老闆之後真係會出足糧啦,
如果唔係小弟而家點search都冇用......