做老闆真好=.=

係度搞清楚一件事,
經過多方打探之後,
發現原來係冇大老闆的。
嗰個散發住大老闆氣場o既人,
只係細老闆o既朋友,
教細老闆點做拉麵店。
所以由始至終都只係得細老闆一個老闆。

不過為左方便唔係日日睇小弟BLOG o既朋友,
之後仍然叫細老闆做細老闆。



基本上而家一、三、五、日晚,
都係細老闆落舖幫手。
(其餘日子係細老闆娘)
不過條友, 與其話係幫手,
不如話係黎倒亂......



成日嗌話幫手切葱,
但切到鬼死咁粗......

冇野做就每隔兩分鐘嗌一次悶,
然後望住你要你俾反應=.=
大佬小弟成晚都要準備聽日o既食材冇停過......

然後悶到頂唔順o既時候,
就好以今晚咁叫啲FD黎食野,
點呢樣點嗰樣,
結果有客黎都基本上係小弟一個人做晒。
仲夠膽死走埋黎同我話
「你都做得幾快手」

大佬,
係咪你幫我做呀!?

ANYWAY,
都唔係話真係太忙,
只係頂唔順條友啫。
但小弟又唔會傷埋啲腦筋同佢煩,
佢同啲FD飲飲食食唔係我隔黎,
壓力仲冇咁大。
(雖然平時都唔係好理佢架喇XP)