冇興趣o既朋友可以「回上頁」。
有興趣o既朋友, 可以睇番ASL第一、二天o既文章:
http://japsleevefish.blogspot.hk/2013/08/animelo-summer-live-2013.html
http://japsleevefish.blogspot.hk/2013/08/animelo-summer-live-2013_25.html
第三日( ﾟ∀ ﾟ)ｷﾀ━━━!!!
等左咁耐都係等呢一日!
有水樹奈々 o既呢一日!!!
不過因為今日咁星光熠熠o既關係,
買票都好難買到,
所以只係投到個爛位......
容後再講。
因為賣物部o既貨唔係每日更新o既關係,
經過之前兩日o既洗禮,
已經渣都冇得淨.......
反正都冇諗住買野,
所以今日預到好炆先到場,
由N gate入場去400level o既402門。
小弟係402門o既位置,
係場o既兩翼。
睇落好似好近個stage咁,
但實際上因為係半空o既一個露台,
所以都幾遠下。
仲要因為遠離下面啲人群,
氣氛冇咁high。
一如以往, 本來場入面係播住輕快o既音樂,
但一轉播《we will rock you》, 即係話表演就快開始。
都係嗰句啦,
因為日本o既演出都係唔可以影相的,
所以以下會只有純文字描述,
請見諒。
同埋所有描述都只係憑記憶,
如果有錯, 唔好找小弟悔氣......
繼續有trailer with cut-in 介紹歌手,
今日第三日睇, 睇完晒成個trailer series,
都唔係好知個trailer想表達啲咩......
有冇人可以解說一下…......
有見第一日, 一開始就搵茅原実里黎開場,
今日日搵邊個開場都大概有個譜。
無錯, 就係水樹奈々!!!
可惜配o既唔係田村ゆかり。
果然要見到佢地同台演出,
除左係なのは啲function之外, 都幾困難……
先係水樹奈々同宮野真守合唱,
《オルフェ》同埋《SCARLET KNIGHT》。
一出場就由呢兩位猛人出場,
真係男女觀眾通殺!
一黎就已經消耗左唔少UO
誓估唔到o既係,
接住落黎已經係「後ろから這いより隊G」出場!!!
舊年只不過係唱左短短o既一首。
今年當然都係唱番首本名曲《太陽曰く燃えよカオス》,
二萬七千人一齊 (」・ω・)」うー！(／・ω・)／にゃー！
熟練度比去年更高,
真係唔講得笑!!!
而到左《恋は渾沌の隷也》更加係不得了,
熟悉首歌o既朋友都知道,
呢首歌一開始已經不斷
＼(・ω・＼)ＳＡＮ値!(／・ω・)／ピンチ!
＼(・ω・＼)ＳＡＮ値!(／・ω・)／ピンチ!
要跟住call黎條條fing的話,
真係少啲體力都暈係度......
（ﾟдﾟ ）ハッ
三日裏面啲call最齊o既都可以話係呢兩首!!!
接住有今年第一年出場o既竹達彩奈。
其實小弟都唔覺得佢係歌手,
再加上佢唱o既歌係…………傳說中o既………..
《ライスとぅミートゅー》...............
同animelo一啲關係都冇!!!
其實如果唔係肥達粉絲,
平時只係睇下動畫而已的人,
根本唔會知有呢首歌o既存在……
但全場人都好似一早受訓練過咁啲call勁齊.......
宅都可以宅得好專業@_@
小弟都只不過係初哥orz
《ライスとぅミートゅー》,
呢首係一首咩o既歌?
未聽過o既朋友可以去試聽下:
竹達唱左一首就交個場俾野水いおり,
小弟斜後面班野水いおり粉絲即刻發晒癲。
講到野水いおり近期代表作,
當然係《デート・ア・ライブ》ED《SAVE THE WORLD》啦~
野水いおり仲要跟番PV一樣,
渣住嗰架兩輪自動平行車セグウェイ(Segway)出場@_@
都真係幾擔心佢會唔會踩錯油門衝左落台......
唔知咩係Segway的話,
可以睇下《SAVE THE WORLD》PV, 或者上網search “Segway”。
係藍色o既螢光棒海之下,
第二首係《問題児(以下略)》o既主題曲《Black † White》。
受水野いおり要求, 唱到「1,2,3」o既時候,
大家都跟住一齊大聲唱。
唱到「ためらわーずにバン!」o既時候,
仲會有人做開槍o既姿勢,
真係唔係現場都唔知有呢啲call……
其實真係好想知,
啲call可以係邊度搵到, 睇定黎練......
登場, 同野水いおり合作,
唱出一首陳年舊歌---《Get along》
大家還記得當年亜視播o既《魔劍美神》嘛???
小弟記得有套咁o既野,
但實在係唔記得啲劇情同埋首歌......orz
好似話係黒崎真音揀呢首歌唱的......
不過黒崎真音一閃即過, 同野水いおり一齊離開,
接手o既有 i☆Ris, 唱出《プリティーリズム・レインボーライブ》OP: 《§Rainbow》
好可惜, 小弟冇睇過呢套動畫.......
跟住落黎, 會場變左豚養殖場,
因為出場o既係小倉唯!!!!!!
「君に Baby Sweet Berry Love ホントノキモチだけ...」
全場變晒粉紅色~
小弟唔係話十分熱愛小倉唯,
但呢首歌實在係幾好聽, 又趁小倉唯,
所以小弟都好enjoy!!!
話說斜後面班野水いおり粉絲, 旁邊就係小倉唯粉絲......
第二首係一首可圈可點o既歌,
就係《カンピオーネ!》o既ED---《Raise》。
首歌唔係話唔好聽,
不過搵小倉唯黎唱, 好似同套動畫唔係咁夾囉。
anyway, 黎到ASL都唔理得咁多, 氣氛好就得!
全場螢光棒變晒鮮紅色,
「愛は 鳴りやまない歌
愛は 導きの扉」
有小倉唯, 就當然唔少得石原夏織,
組成ゆいかおり啦。
小倉唯超快換完衫, 同石原夏織出場,
此時, 會場螢光棒分為兩隻色,
就係小倉唯 o既粉紅色, 同埋石原夏織o既藍色。
唱o既歌係串燒兩首《ウェィカッ!!》同《Shiny Blue》。
首歌小弟未聽過, 不過都幾好氣氛,
啲call都幾易捕捉。
出左一堆女歌手之後,
係時候服務下啲女性,
首打o既係鈴村健一。
雖然己經有坂本真綾為妻,
但出場時仍忘不了調戲小倉唯~
意譯
「頭先小倉唯bb換衫超快, 究竟係點換架呢? 大叔我很興奮」
鈴村健一唱左《シロイカラス》同《ポジティヴマンタロウ》,
第一首係《CØDE:BREAKER》o既OP, 小弟棄左番左以唔識,
第二首直頭唔知乜頭乜路......
跟住出場o既有小弟my list之一o既小松未可子,
唱出《終わらないメロディーを歌いだしました。》
唱完之後仲話:
「終わらないメロディーを歌いだしました、を歌い終わりました。」
搞gag www
不過小松未可子唱低音, 真係好夾佢把聲~
第二首係《レントヘッド》。
小弟仲諗住佢會唱《宇宙海賊》o既《透明な夜空 〜瞬く星に包まれて〜》、
《未來航路》、或者係《Sail away》添.......
小松未可子兩首慢歌之後,
又係萌萌組合o既時間,
由「petit milady」唱出《鏡のデュアル・イズム》同埋《100%サイダーガール》。
兩首都唔係話好出名o既歌......
小弟想high都high唔起......
萌完正經番, 有いとうかなこ。
講起いとうかなこo既動畫,
今年一定係《ロボティクス・ノーツ》同埋《シュタゲ》啦,
果然就係唱《トポロジー》同埋《あなたの選んだこの時を》
《ロボティクス・ノーツ》套動畫, 小弟就麻麻,
不過兩首ED都幾好聽, 而《シュタゲ》o既歌更加係冇甩拖。
但最緊要o既係いとうかなこ o既live, 同聽CD冇分別!!!
好歌唔好停, 接住有比卡超,
呀唔係, 係ぴかしゃ 出場www
一個搞笑藝人(無誤), 竟然係唱一首好認真o既歌,
《美しき残酷な世界》。
不愧為聲優界o既藝人,
日笠陽子應該都唔係太多機會係咁大型o既場合唱慢歌,
但唱《美しき残酷な世界》o既時候一啲冇話袪場。
本身期待佢會唔會唱多隻歌,
但結果只此一首......
聽完一首咁悲壯o既歌之後,
氣份突然180度大轉變,
全場紅卜卜~ 由富永TOMMY弘明唱出ジョジョo既主題曲,
《ジョジョ ～その血の運命～》
睇動畫o既時候, 無論係OP o既動畫定係首歌,
一聽就已經覺得好有氣勢好正,
現場聽, 加埋全紅o既螢光棒:
「ソ・ノ・チ・ノ・サ・ダ・メ」超感動。
相信富永TOMMY弘明亦都好激動,
因為曲完首歌之後, 佢好興奮咁講左一大堆野,
但唔知佢講咩......
唔係小弟日文唔好, 而係佢真係講到上文唔接下理,
不過GET到佢係大概想覺,
能夠唱到呢個歌, 係好多o既巧合同際遇造成的,
叫大家亦都要珍惜機會, 咁上下啦。
以為富永TOMMY弘明離開, 上半場就會完啦,
點知大螢幕出現左ジョジョ第二部最後嗰幾個shot,
ジョセフ・ジョースター禁着部walkman,
播出o既音樂, 聰明o既大家都已經估到,
正正就係第二部o既主題曲:
《BLOODY STREAM》!!!!!!
帶住黑超、金頭髮o既coda主曲,
令本來已經好high o既會場再推向更高峰!!!!!
小弟第二次黎ASL, 但係冇乜機會,
會場o既氣氛好似呢個moment咁高漲!!!!!!!
然後今次真係中場休息喇,
再唔休息就真係休克架喇......
今日o既中場休息, 唔似之前兩日咁有餘興節目,
總算可以真係休息番下......
上半場似男歌手作結,
下半場又以男歌手開始,
仲有邊首丫......咪又係「先輩全裸」......
先黎《マジLOVE2000%》,
接住有《マジLOVE1000% -RAINBOW STAR ver.-》
小弟實在頂唔順套動畫所以冇睇到,
但呢兩歌實在係太出名喇,
想唔識唱都幾難,
所以全場除左腐女之後,
一眾男性都有份嗌call......
開左個頭唔好俾佢停,
跟住有キタエリ........吓?
經去年一役, キタエリ出左名「空気読まない」(唔睇場合),
有《紋》唔唱走左去唱一首冇乜人識o既album 歌.......
一開始唱「神さまのいない日曜日」OP《birth》,
同頭先唱完ED o既小松未可子相呼應。
雖然係咁, キタエリ果然係キタエリ,
講句「今年はアニタイいっぱい歌うよ~」.......
仲要話首歌係仲未正式錄音......
《Sha-le-la》......
動畫電影「アルヴ・レズル -機械仕掛けの妖精たち-」o既主題曲......
真係搵鬼識......
キタエリo既choice 果然係好有問題=.=
好在最後有小松未可子出場,
同キタエリcross over, 先叫正常番啲。
唱出串燒歌《Black Holy ～ Happy Girl》。
大家仲記唔記得上半場黒崎真音出過吓場,
同野水いおり合作唱左首?
當然唔會得咁少啦, 黎緊有黒崎真音擔正大旗,
唱出《UNDER/SHAFT》同埋《君と太陽が死んだ日》。
《UNDER/SHAFT》就係「ヨルムンガンド」o既主題曲,
因為啱啱做完冇耐一冇理由唔識,
但《君と太陽が死んだ日》係N年前「学園黙示録」o既眾多ED之一,
小弟老早就已經唔記得左......
不過係黒崎真音o既出道作, 所以唱得特別有感情。
然後出場o既有 南里侑香 同埋 いとうかなこ,
合作唱出「機動戦士ガンダムSEED」插曲《暁の車》。
另外南里侑香一個唱左ヴァヴァヴァ插曲《Mother land》
同埋「ブラッドラッド」片尾曲《BLOODY HOLIC》。
不過兩首都唔係特別好聽,
所以小弟o既印象唔太深刻.......
跟住落黎呢位出場o既仁兄,
就未出聲, 淨係睇到個樣都覺得煩o既宮野真守......
《カノン》同埋《ULTRA FLY》,
小弟就唔多熟喇, 所以稍事休息,
不過啲女性就好high。
黎到呢度,
第三日o既ASL開始黎到壓軸o既階段。
先黎有スフィア, 唱出「アラタカンガタリ〜革神語〜」
o既主題曲《GENESIS ARIA》。
套動畫實在係有啲悶, 所以小弟棄左番,
但首歌唔錯, 所以都記得點唱。
スフィア有四個人, 分別著住四種色o既裙,
而大家就跟據喜好, 揀鍾意o既顏色。
統一顏色o既會場係好壯觀,
但咁樣四隻色分散晒o既會場,
別有一番風味。
第二首係「バクマン。」片尾曲《Pride on Everyday》。
首歌o既都幾輕快, 會場氣氛亦都越來高漲。
第三首係電視台o既スフィア節目主題曲《LET・ME・DO!!》。
小弟唔係話スフィアo既忠實粉絲,
所以唔知呢首歌,
不過呢歌旋律同埋call都幾易上口,
所以聽聽下都好自然丁以跟住HIGH。
然後就不得了~
全場粉紅色~有17歲教o既幹部、
王国民o既心之所向~~~
田村ゆかり是也~~~!!!!!
一出場就話「一人ぼっちですけど、田村ゆかりです」
(意譯: 雖然得一自己一個人, 大家好我係田村ゆかり)
揶揄剛才o既四人組合スフィアwww
音樂奏起:「めーるめるめるめるめるめ」
就係《俺妹》插入歌《めてお☆いんぱくと》。
雖然心裏一直期待ゆかりん唱呢首,
因為ゆかりん今年都有幾多歌,
所以聽到佢真係唱呢首時, 真係開心到飛起!!!!!!
「喉からCD音源」已經係眾所周知,
但當ゆかりん唱出首歌中間o既獨白:
「銀河の果てから......(略)......行きまーす」
真係完完全全同CD一樣,
合埋眼真係完全以為播緊CD!!!!!!
就係「.......行きまーす」之後,
小弟同一眾王国民都不禁大聲叫喊~~~~
太感動了!!!!!!
唱完之後, ゆかりん完全入晒戲,
ゆかりん:「加奈子のこと、好き？(大家鍾意加奈子嗎?)」
觀眾:「うおおおおおおおおおおおおお!!!(OHHHHHHHHHHHHHHH!)」
ゆかりん:「うっへ、オタクキッモ! (哇, 死宅真惡心)」
觀眾:「ありがとうございます!!! (多謝!!!!!!!)」
果然特別喜好o既大朋友都著實唔少www
ゆかりん:「…っていう台詞だからね、ゆかりんはみんなのこと大好きだよっ
台詞黎架啫, ゆかりん最愛大家)」
観客「うおおおおおおお!!! (OHHHHHHHHHH!!!!)」
正一一啖砂糖一啖fee www
第二首《W：Wonder tale》同埋第三首《Fantastic future》,
都係幾適合演唱會o既歌,
加上王国民o既一體性, 真係超級high,
出盡奶力咁跟住啲call同埋螢光棒,
三首歌已經攰到死......
最後, 到壓軸o既軸出場喇。
仲諗住一黎會好激啦,
點知一黎係溫柔o既鋼琴伴住奈々さま唱出,
「宇宙戦艦ヤマト2199 第七章」ED 《愛の星》。
啲一早燒定UO螢光棒o既朋友即刻呆晒www
不過呢首歌的確好適合水樹o既藍色螢光棒!!!
繼ゆかりん之後又一「喉からCD音源」,
呢啲不用多講, 歌唱力不容置疑。
奈々さま真不愧為奈々さま,
要搞興個場乜都唔洗做,
唱歌就得, 唱出《BRAVE PHOENIX》。
老實講, 小弟見今日o既artist list有日笠同奈々さま,
一直都好期待佢地會合作唱《不死鳥のフランメ》,
不死鳥就係不死鳥喇, 不過係《BRAVE PHOENIX》......>.<
果然兩個人o既合作唔係咁易睇到......
雖然冇《不死鳥のフランメ》,
但連續唱出兩首シンフォギア o既 OP,
大家都知時日無多,
所以所有朋友們都拎晒啲UO螢光棒出黎燒~
何其壯觀!!!!!!
於是,
第一次一連三日o既ASL就係大家缺晒氧o既情況下完滿結束了~~~~
沒有留言:
張貼留言