八日七夜 北首都圈 毒撚魷 第七日 --- 俺妹痛列車

第七日o既活動 

可以話係繼ASL之後, 小弟期待已久o既活動之一。

就係坐 千葉モノレール 俺妹痛列車!!!!!! 

多得佢延長服務期間(本身六月底收皮),

小弟先得以係ASL行程內一坐俺妹痛列車!!!!!

行程第七日嗰朝成個朝早,

用左黎朝拜俺妹痛列車!!!

不過上月台之前,

首先係要去買《俺妹》限定車票。

有追POST o既朋友應該記得,

小弟幾日前先買左張架?

http://japsleevefish.blogspot.hk/2013/08/blog-post_21.html

無錯,

但因為張飛o既圖案分平日同假日兩款,

上次買o既係平日,

今次要補番買假日嗰張!!!

車飛就好少話賣晒o既,

成功購買之後,

小弟就上台月,

開始一整個早上o既車河~

詳細都冇乜好講喇,

大家睇相啦~ 

「俺妹号」入站喇!!!!!!

上圖可以見到,
都有好多毒宅同小弟一樣,
係度起勢咁影起勢咁影!

車箱有兩邊,
一邊係黑貓, 一邊係桐乃,
先係黑貓呢邊。

然後殺入車箱入面影~

「小心車門」

「車門附近擠迫, 請盡量行入車箱中間」

「18/8全世界同步播放」
睇左嚕~

「將手機設為震機」



當然唔少手扶手吊環,
每一個都唔同!

 lovely my angel あやせ (>3<)

點解會有電磁砲???

「優先座附近請關掉手機」

「如非緊急事故, 否則不可使用此門」

「請讓座予有需要人士」

其實唔係細心睇的話,
個車箱都唔係話好毒XD



係總站落車, 影桐乃嗰邊o既車身。

因為月台唔係話咁闊,
所以影唔晒成架車箱,
再加上未關上門, 有啲畫影唔到。

可以點做?
咪就係黎係月台,
等架車開走時影囉......

好在呢條線路, 一個來回都只係廿分鐘,

加上總站停幾分鐘,

 半個小時架車又番番黎,

趁車門未開, 影埋啲關門相先。

係車頭發現作者 伏見 o既簽名!!!

係另一個總站落車,
補番啲黑貓o既相。

萌死!

當然, 上面幾張,
都係留係總站目送架車o既時候影的......

趁架車未番黎,
去車站票務處入貨先。

戰利品(課金)......


再影啲車箱入面o既相。
難得黎到,
梗係有理冇理乜都影左先。

下面一堆係車樑上o既廣告。

大家睇就睇得好開心呀,
其實上面o既相已經花左四五個鐘影,
再加上事前study好個行車time table,
先可以算係順利咁完成。
所以話其實聖巡都唔係講咁容易,
需要具備行動力、腦力、體力等於一身。
大家千萬唔可以睇小啲呀宅!



除左車箱o既外觀、內飾之外,
唔少得o既, 當然係以動畫角色o既聲音作車箱廣播。
小弟點會錯過!!!
好可惜, 執行里時執漏左錄音筆......OTZ

唔緊要, 而家科技先進,
手機都錄得, 只不過音質就冇錄音筆咁好架喇......(T_T)

事實上, 自俺妹列車開動以來,
youtube上都已經有唔少人POST左啲錄音上去,
不過自己錄o既過程、成功感、同 臨場感受, 又係另一種享受~
大家唔嫌疑棄的話,
可以click下面o既錄音,
百分百小弟自己錄!!!
(比較多野聽o既係出入總站, 及離開千葉駅o既段落)

千葉みなと→市役所前

市役所前→千葉

千葉→栄町

栄町→葭川公園

葭川公園→県庁前

県庁前→葭川公園

葭川公園→栄町

栄町→千葉

千葉→市役所前

市役所前→千葉みなと

題外話。
同樣都係錄音,
同小弟坐同一班車o既呢位老兄認真犀利,
大家睇下佢啲裝備!

佢拎住嗰支好長o既黑色棍,
其實係錄音咪,
每到差唔多廣播o既時候,
佢就會將個咪頭貼住車頂個擴音器,
務求錄盡每一粒聲,
同埋帶住headphone即時check住音質,
真係冇得輸......

下圖就係列車廣播o既發音口↓

最後,
係千葉駅旁o既S0G0四樓有個平台,
可以近距離睇到千葉モノレール駛過。

不過因為趕住要去ASL o既關係,
小弟只有一次機會影!
呢個時候只好運用問朋友借o既廣角鏡一用!

只得一次o既機會!!! 黎喇!

就咁, 愉快o既俺妹痛列車之遊就黎到呢度,
跟住係ASL 2013 o既最後一日,
會開另外一篇文章寫。

多謝各位捧場
m(_ _)m