「偕樂園」 以及 「築波JAXA太空中心」之章節
並非動漫為主, 而係以一般觀光目地參觀
對動漫、聖地巡礼冇興趣o既朋友
可以用 Ctrl + F 然後 鍵入key word跳到有關章節
******
今朝神咁早0545就起左身,
香港時間都只不過係0445=.=
咁早起身做乜,
當然就係開始聖地巡禮啦,
因為check過時間表,
今日運行o既《ガールズ＆パンツァー》o既火車,
啱小弟schedule o既只係得兩班,
其中一班係早上0642......
琴晚到水戸時已經凌晨點幾鐘,
黑潻潻乜都睇唔到,
而家經過車站,
先見到原來車站點面有個《水戸黃門》o既雕塑。
(《水戸黃門》係日本經典o既古裝劇,
受歡迎程度大概就好似當年o既包青天咁啦)
講番《ガルパン》
因為《ガルパン》o既線路係私鐵(鹿洗鉄路), 而唔係屬於JR,
所以本身以為小弟o既JR 7日pass唔用得。
但原來大洗鹿島線個站係JR水戸駅入面,
而入左JR站之後,
唔洗再過閘就就可以到大洗鹿島線o既月台。
等小弟仲買左由水戸到大洗o既車票添(310yen)......
小弟到達時都只不過係0625,
但一如所料, 架《ガルパン》火車已經泊左係月台。
早起的鳥兒有蟲吃,
時間尚早, 車上冇乜人, 可以慢慢影。
各位看官慢慢睇相。
真係大眼啲都睇過龍......
因為早左好多到o既關係,
上車影完相都未夠鐘開車,
所以唔洗跟住架車去到大洗再搭番轉頭。
用番JR pass原站出閘......
下一個目的地,
去番個大路o既景點先。
(其實都唔係好大路)
日本有三大名園,
岡山後楽園、金沢兼六園 同埋 茨城偕楽園。
之前兩個小弟都已經去過
詳情請參考........
今次去偕楽園就去齊喇。
正常應該係由水戸駅北閘搭巴士去的,
但頭班車差唔多係九點鐘先有,
小弟行程又趕, 於是步行過去。
其實如果有地圖的話,
行過去都唔係話好遠同埋唔太複雜,
行十五分鐘就到。
到達偕楽園之前,
會經過好大o既一個湖,
其實都係以前偕楽園o既範圍,
不過而家係叫偕楽園公園。
七點半左右到達偕楽園。
其實偕楽園比較出名o既係梅林,
而家o既偕楽園,
基本上有五分之二都梅林,
到左梅花季節, JR更加會有特別班次駛經偕楽園。
(平時唔會停呢個站)
不過而家仲夏之時, 又點會有梅花睇丫。
唔少得竹林。
(自從有個fd同小弟講過一次之後
「捉人 深處 強姦」呢個term揮之下去......)
庭園入面有個泉,
以為冇咩特別啦,
其實真係冇咩特別。
只係話呢個小噴泉係以前建造庭園o既時候整o既,
以前冇pump呀嗰啲野,
所以呢個泉係利用庭園內水壓差黎造成的。
另外偕楽園仲有一個出名o既景點,
就係 好文亭 (上圖&下三圖)。
小弟睇過下資料,
覺得好文亭除左歷史性之外好似冇咩特別,
再加上好文亭九點先開始開門, 同小弟個schedule唔配合,
所以係好文亭前面玩左陣手機(「ラブライブ スクールアイドルプロジェット」),
磨到差唔多時間就走人。
唔知往後有冇機會會睇到偕楽園o既梅林呢。
頭先提到,
好文亭九點先開始開門,
同小弟個schedule唔配合,
所以冇等好文亭開門。
有咩schedule配合唔到?
咪就係搭《ガルパン》列車去大洗,
黎個《ガルパン》聖地巡礼囉。
因為《ガルパン》聖地巡礼先係main dish XD
繼今朝0642之後,
第二班《ガルパン》列車就係0954出發。
今次到達車站時,
列車仲未開門,
所以可以影到今朝影唔到o既車門部份。
同場已經有大約十個呀宅,
同小弟一齊係咁禁快門XD
到達《ガルパン》聖地,
茨城 o既 大洗。
第一件事, 當然唔係出閘,
而係衝上對面月台,
影《ガルパン》列車o既另一面啦。
除左列車之外,
大洗駅亦都有好多《ガルパン》o既佈置!
冇睇過動畫o既人經過,
都真係睇到一頭煙。
仲有啲大o既海報呀、掛畫呀、燈箱呀咁。
******聖地巡禮圖片: 第七話 車站大堂
因為大洗市內好大範圍都有係動畫登場,
加上小弟行程趕急, 只有兩小時左右,
所以唔租番架單車又點得呢。
咁啱小弟租o既係最後一架,
跟小弟後面嗰個呀宅掛住影相, 慢左一步嚕~
單車係由車站負責的,
要租單車的話, 同票務處職員講聲就得。
按金1000yen, 實租200yen, 抵到爛!!!
同票務處職員吹水, 問佢多唔多外國人黎,
職員好高興咁話:
「全靠呢套動畫同埋你地(呢班呀宅),
每日都有好多人黎大洗」
所以真係唔可以睇少ACG呢個產業。
其實香港真係想推廣旅遊的話,
可以學下江之島呀嗰啲, 俾啲錢動畫公司,
整番套以香港為舞台o既動畫丫。
(雖然《R.O.D》《Full Metal Panic》同《シャナ》都有出現過香港)
******聖地巡禮圖片: 第七話 車站便利店
上網睇前人o既聖地巡禮,
話本身只有三分一係《ガルパン》展品,
到後來, 如大家所見,
成個案內中心都係《ガルパン》o既野......
咁到底而家係案內啲咩?
案內中心有《ガルパン》聖地巡礼o既地圖,
不過因為小弟一早已經係網上print左出黎,
所以用私火o既。
不過呢度冇得賣。
要買就要到大洗市內o既商店慢慢搵。
劇中第十話出現過o既坦克型吉列豬扒。
就已經見到架觀光車,
都係《ガルパン》圖案......
******聖地巡禮圖片: 第十二話 車站外
******聖地巡禮圖片: 第十二話 車站外雕塑
開始入城喇 \(^o^)/
除左動畫入面出現過o既聖地之外,
市內好多店都放左動畫入面出現過o既人物同坦克o既紙板。
同樣地, 地圖可以係頭先o既觀光案內中心得到,
不過為數眾多, 唔好話小弟得兩個小時,
就算係一整日都未必影得晒。
小弟睇過有日本人, 用左兩日幾o既時間影齊六十幾個人物紙板。
小弟而家都係行過見到影下算。
其實宅在其中(下圖)
考眼力, 大家睇唔睇到有啲咩《ガルパン》相關o既野?
本來小弟都有興趣想買的,
不過細看, 圖案o既印刷有待改善,
所以放棄冇買到。
直頭仿做左件工衣,
不過好似成萬幾yen......
咁啱有另一位呀宅行到店較入面影。
小弟聽到店主 (呀婆) 同一個熟客 (都係呀婆) 講,
「放左啲紙板, 啲人黎到都係得個影字, 都冇幫襯買野」
小弟心諗, 唔通妳想啲呀宅幫妳搬個盆栽由茨城番屋企咩。
話時話嗰兩個自製o既木板好核突。
一路向海邊前進,
好快就到主角們逛街o既購物中心已經係旁邊。
而呢個購物中心亦都有出現係戰鬥場面。
*****聖地巡禮圖片: 第四話 購物中心外
如果唔係影唔番動畫嗰個角度......
其實係觀光設施, 位於購物中心o既旁邊。
*****第四話場景 聖地巡禮圖片: 第四話 購物中心停車場
*****第四話場景 聖地巡禮圖片: 第四話 購物中心內1樓まいわい市場
*****第四話場景 聖地巡禮圖片: 第四話 購物中心內1樓噴泉
*****第四話場景 聖地巡禮圖片: 第四話 購物中心內2樓
*****第四話場景 聖地巡禮圖片: 第四三話 購物中心內2樓
由購物中心望向個觀光塔,
可以見到《ガルパン》o既主角們等緊大家www
*****第四話場景 聖地巡禮圖片: 第四話 觀光塔
預左俾佢呃上去架喇,
不過成人都只不過係330yen,
唔算貴, 豪俾佢。
已經可以見到《ガルパン》o既餅乾等緊大家去買......
然後, 由觀光塔望落去頭先o既購物中心,
又係一個動畫鏡頭
*****第三話場景 聖地巡禮圖片: 第三話 購物中心全景
咁難得上到黎,
都睇下市內其他地方o既......
不過又真係冇乜野好睇......
由觀光塔走人o既時候,
見到有勇者踩住《ガルパン》單車黎巡礼,
於是小弟即刻上前問佢借黎影相。
其實呢架痛單車可以係頭先o既購物中心租借,
一共五款, 共十架。
不過因為手續麻煩, 同埋小弟啲時間唔係咁夾, 所以冇租到。
如果唔係小弟都會成為勇者o既其中一員!
詳情請參閱購物中心官網
http://rmat.jp/a/d/2037682
番番入大洗市入面,
繼續尋找劇中鏡頭。
除左以上見到o既漫相關之外,
市入面都有唔洗受動漫影響o既變化,
例如下圖, 其實係街角o既一個工地,
但就貼左呢張告示, 寫住
「受到炮轟之影響, 現正修建中」
*****第四話場景 聖地巡禮圖片: 第四話 水產店魚忠
*****第四話場景 聖地巡禮圖片: 第四話 旅館福本樓
*****第四話場景 聖地巡禮圖片: 第四話 肴屋本店
所以顧唔切啲度等等
*****第四話場景 聖地巡禮圖片: 第四話 坦克撞埋肴屋本店前一刻
話說, 間店好似係下圖中間呢位大叔的,
唔知現實中o既店主又係咪咁o既樣。
本來o既戰場,
而家變左露天小茶座,
不過係for戲中人的......
唔記得左講,
除左可以係大洗市入面搵坦克、搵人物o既紙牌公仔之外,
仲可以搵印仔=.= (上圖左上方咪有個墨水盒o既~)
不過小弟實在係冇時間......
睇落好似唔係影左好多相咁,
其實兩小時已經過左,
小弟仲要係到最後一秒先飛單車番火車站 (好孩子不要學),
然後衝上月台趕火車。
最遺憾o既係, 唔可以到大洗o既磯前神社參觀......
今次o既失敗,
最主要歸因於冇事前做好功課,
以致未能好準確咁到達未拍攝劇中鏡頭。
而開頭太過遊閒, 影埋晒啲唔關事o既紙板都係敗筆之一......
Anyway,
小弟要前往另一個景點,
都係茨城入面,
但距離大洗兩小時車程, 距離水戸個幾鐘車程。
目的地係茨城築波o既JAXA太空中心。
小弟自細就對天文好有興趣,
不過中學物理成績唔太好,
所以冇係呢一方面發展,
但仍然時不時去下太空館o既講坐。
咁啱茨城有JAXA太空中心,
當然要黎參觀下啦。
由大洗番水戸, 再搭JR到荒川沖駅,
轉巴士廿分鐘, 再步行五分鐘就到。
JAXA太空中心, 免費對外開放,
當然唔會俾你去到啲辦公o既地方啦......
其實之前PLAN行程,
決定黎JAXA太空中心之後,
先醒起呢度都係一個動漫聖地,
就係《宇宙兄弟》喇~~~不過小弟睇睇下嫌劇情太DUM,
所以棄左番......
築波JAXA太空中心有三個對外開放o既展館。
第一個主要係資訊中心,
大家可以係嗰度報名聽講座,
又或者參加免費導賞。
第二個係比較細o既展館(下圖開始),
入面有兩個area:
一個係主要俾小朋友睇介紹片o既地方,
另一個係精品售賣部。
小弟一見到啲記念品, 真係不得了。
每一樣都好吸引。
唔似得香港太空館嗰啲, 小朋友見到都唔會想攞上手o既野,
仲要係十年如一日......
最吸引小弟o既係呢個星座早見匙扣!!!
(「星座早見」即係「星圖」)
即刻買兩個送禮自用。
(上圖上面數第二排)
另外仲有呢件地球圖案o既衫。
就咁睇相好似冇咩特別,
其實個圖案係用好多細珠仔組成 (下圖),
而且整佢幾下, 唔似係洗兩洗就甩嗰種, 幾紥實,
貴就貴啲, 不過小弟都毫不猶豫咁買左件。
穿著後評:
啲珠仔都真係好隱陣,
洗衣機洗左六七次都唔會甩,
除非你自己特登用手搣甩佢。
另外, 著上身時,
因為珠仔折射地球圖案o既關係,
睇起黎個地球啲雲好以會郁咁,
再加上有少少螢光,
晚上著十分受注目。
(唔好點小弟相!!! >.<)
件衫真心抵買!!!
***
當然唔少得《宇宙兄弟》圖樣o既T-shirt啦。
上、下圖係動畫中出現過,
現實中都真係用黎訓練太空人耐性o既全白砌圖。
現實版o既太陽能電筒(LED)www
仲有第三個館, 係最大o既展館,
入面放左好多日本製造o既衛星、火箭、太空艙模型。
同香港太空館唔同, 香港太空館主要係介紹天文知識,
而日本o既太空中心主要係宣揚自己o既成就。
如果大家唔係仔細睇每一個展品&介紹的話,
應該兩小時左右就已經可以睇晒要睇o既地方。
係時候走人, 不過小弟o既趕頭趕命之旅仲未完結。
其實今日o既《ガルパン》之旅仲未完結。
有睇《ガルパン》o既朋友,
記唔記得有一幕, 有個坦克形狀o既吉列豬扒登場?
無錯, 今朝係觀光案內中心都介紹過,
就係嗰個啦。
但現實中嗰間叫Cook Fan o既店, 原來唔係係大洗,
而係離大洗十公里外o既地方。
仲要只有一架巴士由水戸站開出,
搭廿分鐘先到, 尾班車係2040......
於是小弟又搭番一小時o既JR到水戸駅,
(點解要由水戸去完JAXA, 再番番水戸?
聰明o既朋友應該估到)
然後搭巴士到總站, 再行十分鐘先到。
(JR到站同巴士開出只有兩分鐘時間......)
於是, 小弟旅行史上最大o既不幸發生了!!!!!!
明明話下午1130~1430, 晚上1730~2100,
但小弟1825去到, 間店都仲係冇開燈,
行埋去門口睇下......
「因為店員集體培訓, 晚上暫停營業」
^%&#(*#&%&@*^%#(&*)(@$#)
有咩可以慘得過搭兩個鐘車黎到,
發覺間野冇開門=.=
賴死都冇用, 唯有係門口影入店入面,
影兩張相走人......
本來諗住食唔到就算啦,
不過諗諗下, 越諗越唔憤氣......
有種鬥氣o既心態,
於是決定修改聽日o既行程,
聽晚再黎過!!!
番番水戸, 晚餐由預定o既吉列豬扒,
變左老麥......話時話,
小弟黎過日本咁多次,
又住左一年working holiday,
但係食日本o既老麥都係第一次......
好在小弟係用pass, 七日內任搭JR,
浪費o既只係時間同埋來回660yen o既巴士錢。
夜晚晚, 小弟一條魷, 懷住再接再勵o既心情,
搭番兩個幾鐘o既JR,
由茨城番番東京, 今晚住係上野o既網吧。
時間已經係晚上兩點幾三點,
聽日又要六點幾爬起身......
沒有留言:
張貼留言