冇興趣o既朋友可以「回上頁」。
首先講下咩係Animelo Summer Live (ASL)先啦
Animelo, 呢個字,
結合自Animation(動畫) + Melody(旋律),
簡單講即動畫o既歌曲啦。
Summer Live唔洗多講喇架,
即係夏天舉行o既演唱會。
(結果都係講左=.=)
ASL係自從2005年開始,
每年夏天都會舉行動畫界o既大型音樂會,
開始o既時候係一連兩日,
由2013年(去年)開始變左一連三日,
係埼玉Super Arena 舉行。
三日o既演出歌手、歌曲都唔同,
不過全部都係當年出名o既動畫歌。
小弟自2012年去左第一年之後,
本來話完成心願, 唔諗住再去,
點知食過翻陳味, 心思思,
結果去年(2013)都係黎左。
諗住去左兩年, 乜都夠皮啦,
點知適逢今年十週年,
又有個藉口去了=.=
再加上搵到原因氹左屋企人黎日本,
於是小弟stay behind, 結果都係出席左今年o既ASL......
有一點同之前唔同o既係,
今年小弟係高登開左post,
估唔到又真係搵到幾條毒拎一齊去ASL,
與其話係一齊去, 其實係各有各去,
然後係會場碰頭。
好喇, 講番番正題,
吸收去年太遲去到買唔到周邊o既關係,
今年晨早就去到會場。
售物部0900開始賣野,
小弟約0850左到就到左
埼玉Super Arena
一早就已經排晒長龍。
其中一位高登巴打石原已經排ブシロード條隊,
而另一位巴打Pow就排會場週邊,
小弟就去左同Pow會合。
只見一望無際o既人龍,
時間只係0900 ↓
附帶一提,
石原巴打o既購買訂單 ↓
小弟同pow生排左差唔多成粒鐘,
先排得到到我地買野,
只見有幾樣野已經售罄......
不過已經賣晒.........
你班毒拎唔係成日屌呀山本寬架咩?
《WUG》o既週邊你地又買喎
買左啲之前都唔會買o既野,
例如係螢光棒同毛巾~
T裇都買左兩件。
其他係幫石原同Pow買的
下面係其他攤檔o既賣物list
你班毒拎, 口裏說不, 身體卻很誠實......
↓ ねんどろいど唔係即場賣,
只係做下promotion
本來想買啲《ラブライブ》o既野的,
不過今年啲週邊唔太吸引,
所以小弟只係買左件polo T就算。
想買o既野買晒, 同其他巴打會合,
小弟今次有幸搵到五個巴打一齊上路,
除左頭先提過o既石原、Pow之外,
仲有ling, 劍、同 lok。
下圖就係我地一行六人食lunch時影o既相,
唔係影得衰, 而係特登影唔到樣。
上圖右至左係石原、ling、Pow
下圖係 劍 同 lok 。
眼利o既朋友會發覺,
有三個都係藍井エイルo既粉絲。
啲T已經賣得七七八八......
紅色毛巾已經冇晒.......
好, 入場
以下係第一日場內o既花牌:
七位新人聲優, 能夠踏上呢個大舞台,
係幾值得祝賀的~
會場宣傳單張選輯:
係就遠啲, 但勝在arena 夠氣氛, 又唔太貴。
一支UO KINGBLADE
一支初代KINGBLADE 10
一支KINGBLADE 10 II
一支大會限定KINGBLADE 10 II
古參o既朋友都知道ASL就快正式開始。
大家都亮起手上o既螢光棒,
預備迎接2014ASL o既開幕~
因為會場係唔俾攝影的,
所以之後關於表演內容,
只會有文字而冇圖, 請見諒。
就算有相, 都係上網搵的。
好, 終於入正題,
就係第一日o既演出內容喇,
先係今年出場list
01 SKILL / JAM Project
02 Wings of the legend / JAM Project
03 Breakthrough～Rocks～レスキューファイアー / JAM Project
04 FOOL THE WORLD / 茅原実里
05 境界の彼方 / 茅原実里
06 向かい風に打たれながら / 茅原実里
07 OVERDRIVER～ZAQNESS / ZAQ
08 Alteration / ZAQ
09 Trust in you～デート･ア･ライブ / sweet ARMS
10 7 Girls War / Wake Up, Girls!
11 タチアガレ！ / Wake Up, Girls!
12 アイドル活動！～Signalize!～ダイヤモンドハッピー / STAR☆ANIS
13 SHINING LINE* / STAR☆ANIS
14 With You / With Me / 9nine
15 君が笑む夕暮れ / 南條愛乃
16 Dragon Soul～空・前・絶・後 Kuu-Zen-Zetsu-Go / 谷本貴義
17 ビュンビュン! トッキュウジャー / Project.R
18 Fight 4 Real / ALTIMA
19 Burst The Gravity / ALTIMA
20 CYBER CYBER / ALTIMA feat. Wake Up, Girls!, STAR☆ANIS & 9nine
21 未来聖闘士Ω～セイントエボリューション～ / 流田Project
22 アニメじゃない～夢を忘れた古い地球人よ～ / Project.R×流田Project
23 恋はみるくてぃ / petit milady
24 スキ キライ キライ 大スキ♡ / petit milady
25 暁の水平線に / 第一航空戦隊 旗艦二代 赤城・翔鶴
26 提督（あなた）との絆 / 金剛型高速戦艦 金剛・比叡・榛名・霧島
27 FANTASTIC TUNE / 小野賢章
28 Butter-Fly / 和田光司
29 IGNITE / 藍井エイル
30 シリウス / 藍井エイル
31 Believe / 藍井エイル & 黒崎真音
32 X-encounter / 黒崎真音
33 sister's noise / fripSide
34 black bullet / fripSide
35 only my railgun / fripSide
36 WHITE BREATH / T.M.Revolution
37 INVOKE / T.M.Revolution
38 ignited -イグナイテッド- / T.M.Revolution
39 HEART OF SWORD ～夜明け前～ / T.M.Revolution
40 OUTRIDE / アニサマオールスターズ
41 ONENESS / アニサマオールスターズ
---------------------------------------------------------------------------------------
勢估唔到帶頭o既會係JAM Project,
因為之前兩年都係由みのりん (茅原実里) 開跑的。
一開始唱出超級機械人大戰o既「SKILL」同埋「Wings of the legend」
對唔住, 小弟冇打開機……
不過兩首歌都幾好聽, 好rock得起,
一下子將所有人帶入演唱會氣氛。
成個場o既燈光、螢光棒都係紅色。
最後唱埋《ノブナガ・ザ・フール》 o既第二PO「Breakthrough」。
---------------------------------------------------------------------------------------
突然燈光轉暗,
大家都自然地將螢光棒轉做藍色。
螢幕上出現傳統和風建築背景, 出場o既係みのりん,
唔知係有心定無意, みのりん唱o既正正係
《ノブナガ・ザ・フール》第一OP「FOOL THE WORLD」。
隨住唱到副歌, 螢幕o既和風建築燃燒起黎,
大家o既螢光棒亦都跟住轉做紅色。
何其壯觀。
第二首係「境界の彼方」,
小弟仲諗住舊年唱左今年唔會再唱添,
不過首歌都幾好聽o既。
唱「境界の彼方」時, 大家又好自動咁將螢光棒轉番做藍色。
當然, 唱到副歌時, 大家都會好hi咁爆UO,
小弟因為都幾鐘意呢首歌,
所以都爆左支UO。
歌同歌中間講幾句野, 都係講話開演唱會咁啦。
原來みのりん咁啱都係出度第十週年。
啲人成日話佢雞仔聲、電子聲,
但小弟又唔覺丫, 把聲都算好聽得黎,
最緊要係唱功好嘛。
如果聲優歌手唔只御三家, 而係四天王的話,
小弟會揀みのりん。
就算再紅再大牌o既歌手都係唱三隻歌左右,
而みのりん第三隻歌, 就係今季新番,
《RAIL WARS!》OP, 「向かい風に打たれながら」。
套動畫除左黑絲同大波之外, 真係不敢恭唯,
其實首歌都唔係咁match套動畫,
但只係就首歌而言, 都係一首好聽o既歌黎o既。
跟住出場o既歌首同唱o既歌,
又係承接住《RAIL WARS!》,
講緊o既係由着到五顏六色o既ZAQ,
唱出《RAIL WARS!》ED, 「OVERDRIVER」。
老實講, 小弟唔係咁鐘意呢首歌......
然後繼續呢首rap歌之後,
仍然係繼續rap。
因為ZAQ為左大會, 寫左首Rap,
只係短短一兩分鐘, 將咁多年ASL o既主題串起黎。
即係大會歌list入面o既「ZAQNESS」。
最後唱出「Alteration」(ささみさん＠かんばらない)
全場螢光棒轉晒做黃色。
舊年想聽但係冇唱, 估唔到今年唱番~
小弟即刻又爆左支UO......
---------------------------------------------------------------------------------------
跟住有sweet ARMS出場,
得罪講句, 唱o既咪又係得嗰兩首~
就係「Trust in you」, 同埋「デート・ア・ライブ」。
其小弟都期待過佢地會唔會唱《うぽって!!》OP「I.N.G」
唱o既時候, 背後大螢幕播住《デート・ア・ライブ》兩季o既剪輯片段,
螢光棒o既顏色上, 大家都有少少唔知點好,
紅色、藍色、紫色都有, 而小弟係用紫色。
sweet ARMS唱完之後冇乜點講野就極速走左~
---------------------------------------------------------------------------------------
跟住出場o既, 都係組合,
不過知名度同人氣就比sweet ARMS優勝得多。
咪就係一眾毒拎又要睇又要屌,
但又將啲大會週邊買到斷晒貨,
山本寬 巴打所打造o既「Wake Up Girls」囉~
唱o既當然係《Wake Up Girls》o既歌啦。
先係動畫第二OP「7 Girls War」。
本身首歌都係好聽架喇,
如果有睇動畫, 再投入啲,
彷彿好似見到七位新人聲優一直以來o既努力、汗水同淚水咁。
噢, 可能係小弟諗多左......
著o既衫係動畫入面參加決賽o既服飾,
而一眾觀眾亦都好識做, 全場螢光棒轉晒做綠色~
同動畫一模一樣!!!!
下半部係動畫截圖。
雖然係新人聲優, 但以邊跳邊唱黎講,
歌唱力一啲都唔算差, 舞蹈亦都好齊,
更能感受到七位小女孩下o既苦功~
而背景螢幕亦都播住動畫入面o既舞蹈,
同台上七位歌手互相輝映。
但係係呢個咁值得感動o既情況下,
田中美海個咪唔知壞左定點, 冇聲!!!!!!!
不過美海不為所動, 繼續跳唱~
雖然係意外, 但亦都証明左一樣野,
ASL冇咪咀!!! 至少, WUG佢地冇咪咀!!!
唱完, 清談時間時,
可以見到有個工作人員衝出黎換咪www
壓軸唱o既(其實只係兩首啫......)
當然唔少得出道作, 亦都係劇中角色出道作,
劇場版o既主題曲「タチアガレ！」。
(《WUG》係先有劇場版, 再出一季動畫)
同樣地背景螢幕亦都播住動畫入面o既舞蹈,
但好可惜, 真人嗰七位並冇パンチラ......
---------------------------------------------------------------------------------------
跟住都係組合,
係《アイカツ! -アイドルカツドウ!-》
呢個動畫+遊戲o既組合--- STAR☆ANIS。
老實講, 小弟真係一啲認識都冇,
只係臨黎ASL之前, dl左啲歌黎溫習而已,
不過以現場反應黎睇, 以乎係日本都幾有支持,
但主要以十幾廿歲為主......
在小弟而然, 佢地都算幾好待遇,
係全場粉紅色螢光棒之中,
可以唱到3 in 1 o既串燒,
(「アイドル活動！」「Signalize!」「ダイヤモンドハッピー」)
再加一首full (「SHINING LINE*」)
---------------------------------------------------------------------------------------
再黎, 都仲係組合
老實講, 小弟唔認得佢地,
有印象o既, 都係《STAR DRIVER》同埋《となりの怪物くん》......
講緊o既係9nine, 唱《マギ》第二季第二ED「With You／With Me」。
說實話, 每次睇完《マギ》,
小弟都會飛左ED, 所以呢首歌一直都只係聽過第一句......
由前台o既升降台升上黎,
跳舞都跳得唔錯,
但小弟真係對佢地冇乜興趣......
---------------------------------------------------------------------------------------
連續出左四個組合之後,
終於有番個單人。
仲要係慢歌~
由ナンジョルノ(南條愛乃)唱出《東京レイヴンズ》第一片尾「君が笑む夕暮れ」,
仲要係special arrangement, 由鋼琴伴奏o既acoustic version。
由藍色螢光棒, 伴住柔和o既歌聲同美麗o既鋼琴聲,
實在係今日ASL o既一片綠洲~
小弟真係好鐘意呢歌, 渣車o既時候會係咁loop。
動畫都好推薦大家睇~
話說, ナンジョルノ唱功好多好多,
果然係經過flipside同ラブライブ o既歷練~
---------------------------------------------------------------------------------------
跟住氣氛一轉, 突然間又變番好rock o既歌,
就係谷本貴義 o既《ドラゴンボール改》歌曲2 in 1串燒,
「Dragon Soul」同埋「空・前・絶・後 Kuu-Zen-Zetsu-Go」
全場即刻一片火紅。
谷本貴義搞爛gag,
係台上好high咁嗌
「盛り上がってるかーい」(大家高興嘛?)
「おー！！！」
「まだまだいけるかーい」(仲有冇力繼續呀?)
「おー！！！」
「ドラゴンボールかーい」(Dragon ball 好嘛?)
「お、おう......」
[「かい」係玩食字「改」, 即係嗌緊Dragon ball
o既同時玩緊《龍珠改》o既食字]
講番「Dragon Soul」同埋「空・前・絶・後 Kuu-Zen-Zetsu-Go」
本身小弟都冇聽過兩歌, 但為左ASL就搵黎聽下,
又幾易上口, 尤其是「Dokkan Dokkan」呢個call,
全場一齊嗌, 好high。
---------------------------------------------------------------------------------------
谷本貴義並未退場,
反而家加多兩個人,
成為左組合 Project.R
佢地好強調, 個讀法係
project - doct - R......
唱《トッキュウジャー》主題曲「ビュンビュン! トッキュウジャー」時,
三個人跳上高台車, 由台o既右邊,
一直巡遊到D block同 C block 中間,
不過唔知係咪架車預唔啱時間,
首歌就完嗰時都仲有一大段路未行,
結果架車臨尾係咁狗衝到會場左邊出口,
燈光變暗, 佢地都落車退場。
---------------------------------------------------------------------------------------
完上半場之前, 梗係要搵番啲咁上下o既人黎壓軸啦。
呢個重任由ALTIMA負責!!!
先係唱出上季番《ストライク・ザ・ブラッド》第二OPBurst The Gravity,
睇得nico nico多「うちの子風邪」呢句係腦內揮之不去......
當然, 要搞high個場, 近排o既名曲Burst The Gravity不可劃缺啦!!!
最搞笑o既係, 大螢幕上出現好似nico動画 o既橫向字幕,
「ヒェアー」係咁飛www
入副歌之前嗰句「オバマが到来」當然唔少得。
搵番好多當年睇《AW》時o既回憶~
歌又好聽、字幕又好笑、call又齊,
真係好過隱www
最後唱出Burst The Gravity Single入面另一首歌「CYBER CYBER」。
首歌未聽過, 但頭先玩得太開心, 情緒一直高漲~
唱「CYBER CYBER」o既時候, 仲要求觀眾一齊用右手做個C字放係額前。
俾SAT見到有個觀眾用錯左右手, SAT寸個觀眾唔識分左右www
仲要唔係就咁唱完就算,
仲叫埋WUG、STAR☆ANIS、9nine,
台上面勁多人。
唱到最後, 梗係唔少得ALTIMA o既招牌動作, 三角形logo啦。
但需知道, 連WUG、STAR☆ANIS、9nine都跟住做,
勁搞笑
---------------------------------------------------------------------------------------
休息十五分鐘之後, 又開波喇~
負責帶番氣氛呢個重任,
交係流田Project身上。
香港o既朋友未會好認識佢地,
但佢地自己組band唱動漫歌, 係日本都幾多名,
仲自己出埋碟。
去年, 佢地就負責第二日中場休息o既餘興節目,
係さいたまSuper Arena場外演唱, 直播到會場內。
今年, 佢地終於正式作為表演嘉賓企係ASL呢個台上!!!
唱出o既係「未来聖闘士Ω～セイントエボリューション～」。
結他彈出聲o既時候, 大家奇怪點解只聞聲響, 未見其人。
原來結他手企係左arena control area後面個高台上!!!
夠晒特別。
唱完之後o既清談時間,
主音好淚動咁講「けやき広場からやっとここに来れた！」
(意譯: 最初係さいたまSuper Arena外面露天場地表演, 今日終於可以企係台上! )
然後就脆左係地上親吻大地,
著實係感動.......
---------------------------------------------------------------------------------------
估唔到流田Project咁快就solo完, 不過仲有下文。
上半場o既Project.R出番黎同佢地合作,
jam左首《機動戦士ガンダムΖΖ》o既OP,
「アニメじゃない〜夢を忘れた古い地球人よ〜」。
小弟唔睇高達, 左以未聽過,
但首歌好熱血, 全場keep住紅色螢光棒。
---------------------------------------------------------------------------------------
聽完咁熱血o既野, 突然間氣氛一轉,
小杉十郎太用七十年代風格做廣播(應該係錄音),
跟住奏起新番《六畳間の侵略者!?》o既ED「恋はみるくてぃ」。
petit milady o既 悠木碧 同 竹達彩奈,
著住裙擺好大o既裙出黎。
不過同PV唔同, 佢地並冇戴住埴輪(ハニワ),
取而代之, 係由兩個back dancers 戴住www
雖然冇戴住埴輪係頭上,
但佢地跳o既舞都係同PV一樣,
好似木偶咁o既動作, 點知點解小弟覺得好可愛。
此時, 台下亮住綠色螢光棒。
綠色? 真係啱咩?
清談時間, 兩個人傾傾下鬧交?
圍繞住納豆o既問題, 係台上鬧起上黎o既兩位最後嗌出
「もう！大ッキライ！」
然後唱出第二首「スキ、キライ、キライ、大スキ」......
O 左咀.......
不過幾搞笑
其實小弟想聽《とある飛空士への恋歌》OP「azurite」多啲......
話時話,
兩個件衫都幾谷胸XP
傳說中o既乳袋www
另外, 小弟主觀覺得, 肥達點唱,
感覺都好似係桐乃唱歌咁......
---------------------------------------------------------------------------------------
然後, 到左解開小弟最大迷題o既時間:
艦隊これくしょん -艦これ-
先出場o既有第一航空戦隊 旗艦二代:
赤城 同 翔鶴
聲優分別係 藤田咲 ＆ 野水いおり,
唱出「暁の水平線に」。
點解會係用黃色螢光棒?
跟住o既有金剛型高速戦艦:
金剛・比叡・榛名・霧島
聲優只係一個: 東山奈央!!!
東山唱「提督との絆」o既時候勁pro,
可以分得番開用四把聲黎唱!!!!!!
當然, 東山奈央都係以金剛o既造型唱歌~
老老實實, 小弟冇玩開艦これ......
---------------------------------------------------------------------------------------
跟住小野賢章一出, 即係變左女觀眾o既世界,
只聽到尖叫聲不絕於耳......
唱o既係《黒子のバスケ》第二期第二ED「FANTASTIC TUNE」。
因為小弟都有追開《黒子のバスケ》,
所以對首歌都有啲印象,
但最令小弟有印象o既,
係小野賢章唱完之後勁high,
無啦啦係台上打左個後空翻!!!!!!
當然, 又惹黎女觀眾一陣o既尖叫。
---------------------------------------------------------------------------------------
然後繼續係男歌手,
人稱「不死蝶之ani -song singer」和田光司!!!!!
呢度真係要介紹下佢 :
1999年以《數碼暴龍》主題曲「Butter-Fly」出道
可惜2003年發現患上咽喉癌而養病
2005復出, 雖然因化療而一度失聲, 但為左開番聲, 積極參與演出
2011癌症復發, 再次退出
2013年10再次宣佈復出
其實出道之前都有好多經歷, 大家可以上wiki睇下。
當然, 上到黎ASL, 都係唱番首本名曲「Butter-Fly」啦!
說實話, 小弟細個個年代仲未係《數碼暴龍》,
亦都冇聽過, 但不愧為係首本名曲,
孤陋寡聞o既小弟竟然都有啲印象!!!!!!!
知道和田光司o既背景, 聽起「Butter-Fly」上黎特別感動~
---------------------------------------------------------------------------------------
男歌手黎到呢度先,
接住落黎, 有近排大紅中紫o既藍井エイル。
螢光棒o既顏色都好易估, 藍色~
先唱出今季新番《SAO》2 o既OP「IGNITE」,
即刻已經有好多人爆UO。
第二首, 係小弟最想係live聽到o既「シリウス」。
動畫「シリウス」本身已經係好熱血o既歌,
再回想埋《キルラキル》o既OP片段同劇情, 真係超high!
唱到第一次副歌同埋最後一次時,
小弟都各爆左支UO。
現場聽到呢首真係好感動!!!!!!
---------------------------------------------------------------------------------------
之後黒崎真音出場,
同藍井jam歌, 又係高達?
《機動戦士ガンダムSEED》o既人OP---「Believe」
然後淨番黒崎真音,
同小弟預期o既一樣,
都係唱番《東京レイヴンズ》片頭「X-encounter」,
其實小弟覺得首歌嘛嘛。
另外, 小弟印象中黒崎真音好似係紫色,
但唔知點解, 好多人都仲係用住頭先o既藍色......
可能紫同藍睇落差唔多掛。
---------------------------------------------------------------------------------------
跟住, 又係南條,
不過今次係以 fripSide o既身份出場。
再加埋後日 ラブライブ , ナンジョルノ都幾唔得閒......
一黎都係唱番啲大家耳熟能詳o既歌,
《電磁炮》o既「Sister’s noise」。
唱第二首之前, 先介紹Back Dancers,
走左班五顏六色o既人出黎,
完來係《ブラック・ブレット》入面o既天誅ガールズ~
當然唔少得, 大家一齊嗌天誅ガールズo既slogan啦
ナンジョルノ「あなたのハートに！」
「天誅！ 天誅！」
Producer 兼鋼琴手Sat, 好鬼馬咁話 「好似有位人物都靜靜雞黎左會場喎」
台下o既觀眾們醒水知咩事, 即刻係咁嘈。
ナンジョルノ唯有好尷尬咁話, 本身後日先出場,
所以要大家細細聲 :
ナンジョルノ「かしこい、かわいい...(細聲)」
結果觀眾們卻奶力都出埋o既勁大聲嗌「エリーチカ」
就連螢光棒都轉埋做水藍色.......
ナンジョルノ即刻好緊張, 叫大家真係要細細聲,
於是又講多次「かしこい、かわいい...(細聲)」
今次觀眾們真係用咬耳仔咁細o既聲講「エリーチカ」
二萬七千人o既竊竊私語聲, 真係咁大個仔第次聽......
終於可以唱第二首,
就係《進撃の巨人》偽OP (誤) o既「Black Bullet」www
清談, 發表: 横浜アリーナlive決定!!!
恭喜恭喜
fripSide咁紅, 唱多數當然未為過啦,
第三首, 都係離唔開老本行,
《電磁炮》o既「only my railgun」。
小弟想睇live o既魔術師變大耳www
---------------------------------------------------------------------------------------
壓軸會係邊個呢?
而家睇住嗰演出名單, 梗係講得出啦,
但當時見到T.M. Revolution o既時候,
真係有啲意外。
因為小弟認識佢o既時日唔多,
係由《ヴヴヴ》同水樹合唱時開始。
啱啱上網check, 先知道點解叫T.M. Revolution,
同埋原來1996年已經出道~!!!
不過佢出場之後, 就知度點解搵佢黎壓軸,
因為佢真係好high同埋好熱血。
唱o既第一首係「WHITE BREATH」。
1997年TMR就係憑呢首歌上左紅白!!!
唱完之後, 大嗌
「T.M.Revolutionがアニサマに帰ってきたぞ！」
(意譯: T.M.Revolution再次回歸ASL喇!!!)
然後就好型咁pat低左件外套,
露出佢o既二、三頭肌。
其實佢都幾型, 可惜只係灓細粒左啲。
第二首係「INVOKE」,
《機動戦士ガンダムSEED》o既OP。
而第三首係「ignited―イグナイテッド―」
《機動戦士ガンダムSEED DESTINY》OP
今日都幾多高達喎~
唱完之後, 條友係咁爆左好多說話,
以佢o既聲浪同語氣黎講, 唔係「講」, 而係「爆」。
因為好長, 唔詳細講, 內容大概係話:
>TMR覺得音樂無分範疇, 管他係J-POP、J-ROCK定動漫歌
>TMR覺得冇話宅唔宅, 唔洗理邊個係自己人, 邊個非我族類
>有人話TMR為左得到唱動漫主題曲, 所以先咁講(以上兩點), 向呀宅獻媚...
關你差事, TMR係鐘意先咁做, 旁人冇資格說三道四
爆完之後,
TMR就話, 將佢自已第一首(動漫)歌獻俾大家
「HEART OF SWORD～夜明け前～」
(《「るろうに剣心 -明治剣客浪漫譚-》主題曲)
小弟文字可能唔係咁好,
但成個壓軸都好熱血好high,
至少比起去年頭兩日壓軸只係係咁嗌副歌、call好得多。
經過今日, 對TMR刮目相看!
---------------------------------------------------------------------------------------
壓軸完左, 要到主題曲了。
只見全場暗晒, 大螢幕上scroll住演出者及工作人員名單,
到最後, 過往九年ASL o既logo閃過,
然後停留係2006年o既「OUTRIDE」
音樂響起, 一眾歌手唱出「OUTRIDE」o既主題曲。
原來今年特別啲, 係會揀番以往o既其中一首唱
而家睇番, 唱呢首一啲都唔奇,
因為呢首作詞係奥井雅美,
作曲係影山ヒロノブ。
JAM Project係度唔唱幾時唱。
唱完之後, 各個演出者逐個打招呼。
當個個都係差住大會件T o既時候,
只見其中一個上半身特別多肉色,
咪正正就係TMR囉。
佢只係將住T 搭住係膊頭,
露出兩盞車頭燈..........
當然呢個俾人擺黎做話題啦。
唔記得邊個講起話露乳頭好型,
然後叫影山佢地露一下。
影山話佢地啲阿伯, 露左都冇人會高興,
就叫奧井雅美露,
奧井雅美即刻作狀挪起件衫www
另外, 印象深啲o既有WUG啦。
WUG邀請大家一齊嗌,
「皆、がんばっべ」
(「大家, 加油」o既東北方言)
台下o既呀宅梗出盡奶力咁嗌啦~
仲有o既係, 藍井話想大家幫佢完成個心願,
就係平時大家嗌o既「えい、えい、おう～」
今次想大家嗌成「えい、えい、る～」
即係諧音藍井エイル o既後面三個音。
來者不拒o既呀宅當然唔會拒絕啦。
全場27000人嗌完「えい、えい、る～」之後,
只見藍井一臉滿足。
再唱埋今年o既主題曲oneness之後,
29/8 ASL2014第一日演出就真係完晒lu~
---------------------------------------------------------------------------------------
小弟個人記性有限, 做左MEMO都冇可能記到咁多野,
所以以上o既記錄有利用網上資源作參考,
圖片亦都係由網上搜尋得來的,
在此列出資料來源, 以示敬意。
(排序不分先後)
http://blog.livedoor.jp/animesong_gamesong/archives/39920716.html
http://maitosenpuji.blog.jp/archives/1008431522.html
http://minkara.carview.co.jp/userid/203950/blog/33917536/
http://salvare014.blog.fc2.com/blog-entry-40.html
http://yuukiaoi-matome.blog.jp/archives/12042426.html
http://mainichi.jp/graph/2014/09/01/20140901mog00m040010000c/001.html
http://uni1027.blog.fc2.com/blog-entry-49.html
http://www.jiji.com/jc/d4?d=d4_ll&p=asm901-20140831013
http://p.twipple.jp/user/nomizuiori
http://www.s-w-g.co.jp/%E3%80%8Canimelo-summer-live-2014%E3%80%8D%E5%AF%8C%E6%A8%AB%E7%BE%8E%E9%88%B4/
http://ameblo.jp/wakeupgirls/entry-11898801577.html
http://buzz.news.yahoo.co.jp/article/ba6981f1075d0e1b62a8e0c15d7b1b3991e9ddb2/
http://togetter.com/li/712910
http://p.twipple.jp/3lXUK
http://intention-k.com/blog/2014/08/
http://ddnavi.com/news/199229/2/
http://visual-matome.blog.jp/archives/1008565486.html
アニサマの面白さを伝達するために、
写真などいろいろ拝借させていただきました。
勝手なことですが、申し訳ございません。
もし著作権などの原因で削除させてほしい場合、
ぜひ連絡してください。
沒有留言:
張貼留言