(其實都唔係好特別)
就係如果WWOOF有興趣的話,
可以參與煮飯。
其實小弟係屋企係唔會煮飯的,
但一場黎到, 都想試下煮,
一來俾其他地方o既人試下香港o既食物,
二來, 見到啲人食得開心, 小弟都高興。
三來, 都叫做多謝農場主人,
二話不說就應承俾小弟帶埋愚妹黎農場搞搞震。
煮就識煮o既,
不過因為好少煮,
所以啲食材處理、先後次序唔係咁得心應手......
結果五個菜用左兩個鐘......
如下圖
左邊同右下係蕃茄炒蛋,
左二同右上係薯仔炆雞,
左三係炒菜
右三係山寨版福建炒飯
而中下方係蒸肉餅
係度煮飯有一個難處,
就係如果係農場有o既野,
就唔可以買黎煮......
例如係蕃茄炒蛋,
因為農場有種蕃茄,
所以唔可以係超市買番黎煮。
可惜而家唔係蕃茄收成期, 冇蕃茄,
咁可以點?????
結果係用車厘茄黎煮......
意外地又幾好食喎,
不比肉茄差!!!!!!
因為弟煮晒成餐飯o既關係,
場主夫人冇野做,
於是同台灣女大生,
一齊整台式月餅(上圖)。
而食譜, 就係跟據兩年前,
同小弟同期黎農場做野o既台灣WWOOFer o既手稿!!!(下圖)
原來小弟兩年前真係留低左好多回憶!!!!!!
完成 o既台式月餅
另外場主夫人仲預先整左蛋糕,
好正!!!
食到飽晒~
沒有留言:
張貼留言