天橋立

唔好俾個題目呃左,
小弟並冇去到天橋立,
只係今日同店長進藤傾開偈,
講起想去天橋立,
不過因為鐵路車程長、車費貴,
所以未必去得成。

原來進藤係天橋立附近住過一排,
佢話我知有巴士往返天橋立同大阪,
車程唔差太多(2小時20分同3小時o既分別=.=),
但價錢平差唔多一半!!!!



雖然係咁,
但一程仍然要二千五百yen左右=.=

天橋立(AMA-NO-HASHIDATE)係京都北邊一個景點,
係日本三大景之一。
(其余兩個係廣島宮島神社大鳥居, 同仙台松島)
話就話係三大景之一,
但其實除左睇嗰條好長o既沙洲之外,
附近係冇乜野好睇的。

你話二百幾蚊一程車去睇一睇抵唔抵,
兩睇啦。
人一世物一世,
難得過到黎日本,
都唔知幾時先再有機會,
趁仲係日本, 大把時間plan,
去睇一睇都無妨。