七日六夜 北海道的自駕魷 第六日 --- 登別地獄谷

今日呢程車超喪,

一口氣由北道東面o既阿寒湖,

連渣4個半鐘車, 350km, 到北海道西面o既登別地獄谷。

事實上登別地獄谷一帶,

小弟兩年前已經黎過,

今次真係純純帶屋企人黎,

所以只係求其hea影幾張相。

而且今次黎到, 天氣唔係話咁靚,

想睇詳細資料同埋靚啲o既相,

看官可以睇番小弟兩年面嗰篇遊記:

北海道 (有珠山+登別地獄谷)

間歇泉

地獄谷再行入啲,
會到達大湯沼,
其實係一個大形熱水湖,
不過唔知點解小弟父親似乎對呢個大湯沼好有興趣,
企係度望住個出煙o既湖望左好鬼死耐,
真係有啲意想不到......

今日介紹下下榻o既旅館先,
之前死慳爛慳, 都係為左今日住好啲。
話就話住好啲, 其實又唔係話真係好鬼貴,
at lest唔係top level嗰種,
不過一家四口, 35160yen (包和食晚餐早餐),
對平時窮遊日本o既小弟黎講,
已經係極盡奢華。

登別カルルス温泉　ホテル岩井
距離登別地獄谷有少少距離,
不過渣車的話十幾分鐘就到。

二十畳以上o既房間。
註: 一畳, 即係一塊畳（他他咪）
日本人數房間面積o既方法,
一塊他他咪係3呎 x 6呎。


旅館仲有天然溫泉水o既澡堂,
不過小弟父親唔太習慣浸溫泉




包和式晚餐,
唔好睇碟碟都細細份,
其實食食埋埋都好鬼飽,
母親同個妹當然係食唔晒,
父親都係啱啱食得晒,
結果要小弟清碟。

就咁, 四個幾鐘o既渣車疲於奔命一掃而空,
浸過溫泉, 晚上睇下電視,
舒舒服服咁瞓個覺,
預備聽日歸途。