16日15夜 九州半月自駕魷 --- 第三日 雷山千如寺大悲王院 + 唐津城 + 旧三菱合資会社唐津支店本館（唐津市歴史民俗資料館） + 鏡山公園

今次點解揀黎九州,
就係因為十一月正正係九州紅葉o既檔期。

冇錯, 京都都係咁上下時間,

但因為京都大致上都去過了,

所以今次特登揀九州,

加上有兩星期, 可以慢慢揸車玩。

八日七夜 昇龍豪食自駕魷 --- 第六日 松本城 + 諏訪湖(《你的名字》聖地) + 形原温泉紫陽花祭 + 磯丸水產

今日行程實在有太多好o既相片,

但爭扎左一大輪之後, 

都係決定揀《君の名は。》(中譯《你的名字》)聖地巡礼o既相片,

用黎做吸睛圖, 陣間中段會講多啲。

黎到集體行程最後一日,

早上一打開窗簾, 天氣好到爆。

大家要知道, 其實六月底o既日本,
天氣都唔係話好隱定,
但一連幾日都冇落雨, 實在係天公造美。

先黎食個早餐,
其實小弟平時又遲起身, 又唔食早餐的,
但到左旅行, 生活反而仲健康左XD

七日六夜 本州極西櫻花魷 --- 第五日 千光寺公園 + 廣島原發DOME + 廣島平和記念公園 + 廣島平和記念資料館 + 早見沙織Concert Tour 2019 "JUNCTION"廣島公演

琴晚早左番酒店休息都好,

今朝可以早啲出發去賞櫻,

同埋應付今日全日豐富o既行程。

《響け! ユーフォニアム》京都聖地巡魷

是咁的,
事源係小弟一直都有玩開銅管樂器,
但卻一直都冇自已o既樂器。

終於決定把心一橫,
係日本yahoo拍賣落標買左件易手銅管樂器。
不過因為送貨唔包海外,
於是就寄左去日本在住o既前日文老師屋企,
然後小弟就買張平機票去攞貨。

就算係咁, 樂器價格+酒店+機票, 都一定平過係香港買易手。

另外, 反正都係去日本,
於是決定留番一日黎做自己鐘意做o既野~
就係動畫《響け! ユーフォニアム》o既聖地巡礼喇!!!

一來因為小弟本身都有玩銅管樂,
二來呢套動畫質素都好高,
所以小弟都好鐘意呢套動畫,
一直都想搵機會去聖地巡礼一下,
今次終於如願以償喇!!!

因為咁, 呢編文章o既內容非常毒,
冇興趣o既朋友可以關閉此頁面。



下午五點幾著陸関西空港,
六點幾離開機場, 直奔前日文老師o既家,
拿取銅管樂。
因為同老師都好耐冇見, 所以都一齊食過個飯。

因為老師住嗰區都係啲住宅區,
冇話有啲咩好出名o既食肆,
所以都只係去左啲好地道o既居酒屋。

menu, 睇到眼都花@_@
情況就好似香港餐館o既海鮮紙咁.......

十日十一夜 立山黑部登山魷 --- 第九日 冰見 + 忍者小靈精火車 + TRUE TEARS 聖地巡禮

先簡介一吓今日o既行程先。

本身都冇話決定好今日去邊,

一係去城端嗰邊, 一係去氷見嗰邊,

不過目的都係差唔多,

就係旅遊, 順便聖巡埋動畫《TRUE TEARS》o既景點。

考慮到氷見嗰邊近海, 仲話有個魚市場添, 好似好吸引咁,

於是最後決定左去氷見。

途中經過高岡一帶, 都係《TRUE TEARS》o既聖地,

不過有關聖地巡禮o既部份, 會放係呢篇日誌o既後半部。

好可惜, 事車上氷見冇想像中咁多野睇,

再加上MISS左最重要嗰班巴士,

所以整體黎講, 今日o既旅程唔係話咁精彩......

由富山坐あいの風とやま鉄道到高岡,

為左聖巡《TRUE TEARS》,

特登行一個站到越中中川(詳情見後半部),

然後搭下圖o既JR氷見線到總站。

好耐以前見過旅遊書介紹氷見線,

因為氷見係《忍者小靈精》作者---藤子不二雄Ⓐ o既家鄉,

所以氷見市有好多《忍者小靈精》o既相關裝飾之外,

JR氷見線仲會有列車貼滿《忍者小靈精》o既圖案。

小弟當年仲心諗, 「小弟先唔會黎呢啲山卡啦地方」,

點知真係風水輪流轉, 小弟真係黎到呢個山卡啦o既地方......

一出車站, 已經見到local o既的士都貼有《忍者小靈精》o既圖案。

十日十一夜 立山黑部登山魷 --- 第八日《 クロムクロ 》聖地巡禮 總集

一開始小弟已經講過,

今次黎立山黑部同埋富山縣, 其中一個目的,

係因為要黎一個《クロムクロ》o既聖地巡禮,

為左避免純綷想睇遊記o既朋友感到煩悶,

小弟將呢三日聖巡o既內容歸納晒係呢個POST,

希望巴絲打們會喜歡。

如果對動漫冇興趣o既朋友, 可以跳過呢個POST。

小弟先講番今日o既聖巡先,

然後再補番之前兩日係立山黑部o既聖巡。

先介紹下套動畫先。

《クロムクロ》係由動畫工司P.A. WORKS製作,

2016年4月~9月日本地上波首播。

動畫中多次出現以立山黑部同富山市為背景o既場面,

因為咁, 所以係立山黑部同富山市多處,

都有相關o既動畫產品, 同埋有聖巡o既地圖免費任攞(下圖)。

聖巡地圖封面底

十日十一夜 立山黑部登山魷 --- 第六日 立山黑部

小弟都係序入面講過,

今次黎立山黑部,

其中一個目的係新番動畫《クロムクロ》o既聖地巡禮,

不過為免影響遊記o既序述,

所以聖巡o既野寫係另一個POST, 唔係呢度記述,

詳見「十日十一夜 立山黑部登山魷 --- 第八日《 クロムクロ 》聖地巡禮 總集」

番番正題

正如琴日所講, 台風10號迫近,

雖然唔係吹中長野、富山縣, 

不過外圍雨帶影響, 加上山上天氣多變,

由小弟到達立山o既長野縣入口---信濃大町,

已經一直落雨, 好在小弟係出發前已經買左雨衣,

加上有朋友相贈長遮一把。

上圖: JR信濃大町駅
下圖: 車站外, 開往立山山腳扇沢駅o既巴士站。

十日十一夜 立山黑部登山魷 --- 第五日 松本城

去完一連三日o既Animelo Summer Live, 真係攰到嘔……

而今年小弟係第一年ASL完左stay behind旅行,

(以往係旅行完先ASL)

所以行程上今日安排得鬆動啲。

因為主要目標係上立山黑部,

但如果一口氣由東京搭車到立山範圍的話,

要黃昏先上到山, 結果都係要等第二日先可以觀光。

反正都係要第二日先上到山觀光,

於是小弟決定係長野縣o既松本落一落腳。

老老實實, 松本其實除左松本城之外, 都真係冇乜野好睇,
首先, 佢唔係話係啲咩大城市,
睇吓下圖車站附近o既環境就知,
車站前啲大廈, 高極都高唔過10層……

Anyway, 去觀光案內所睇下有咩發現, 丫又真有架喎。

原來松本市係人氣漫畫(連載完結),

兼今季新番, 兼真人版化o既作品 --- orange o既舞台。

不過可惜, 小弟對呢個作品一般般。

七日六夜 箱根東京千葉魷 第三日 --- 俺ガイル聖地巡禮(葛西臨海水族園) + アニメトカフェ×IM@S CG + 東京アニメセンター

睇標題都估到,

今日全日都係同動漫有關o既話題......

承接琴日o既痛車,

今日都係同小說、動畫《やはり俺の青春ラブコメはまちがっている。》有關。

今日小弟係黎聖地巡礼,

《やはり俺の青春ラブコメはまちがっている。》第二季最後一集o既重要場地,

位於千葉西面, 就係迪迪尼隔離o既水族館,

名為「葛西臨海水族園」。

官網http://www.tokyo-zoo.net/zoo/kasai/

老老實實, 小弟唔係套套動畫都黎聖巡,

要真係好睇, 小弟又好鐘意,

先會願意為佢花時間花錢去聖巡~

不過黎完之後發覺,

就算唔係因為動畫, 純粹以觀光心態黎睇,

葛西臨海水族園都係一個值得一睇o既地方。

JR京葉線, 京葉線 葛西臨海公園駅 落。

七日六夜 箱根東京千葉魷 第二日 --- 箱根 + 千葉モノレール×俺ガイル痛列車

小弟平時都係遲起身之人,

加上琴日活動超過18個小時,

應該瞓晏啲先係。

但小弟都係晨早七點幾起左身,

再浸溫泉風呂!

大老, 兩皮幾yen住一日, 浸到甩皮都繼續浸啦。

浸完食早餐,
仍然係由嬸嬸送到黎房間,
換句話說, 一check in左, 基本上都唔洗再離開間房。
呢種廢人式o既生活真係正!!!

週未極速毒撚魷 第二日 --- 東京練馬區《四月は君の嘘》聖地巡禮 + 秋葉原 + ラブライブ！The School Idol Movie 監賞

儘管經過琴晚o既KSL,

fing螢光棒fing到手都軟,

趕車又趕到腳都跛,

但今朝都係要一早起身,

去東京西面o既練馬區,

進行動畫《四月は君の嘘》聖地巡禮。

冇睇過呢套動畫o既朋友,

小弟係度真心推薦。

《四月は君の嘘》並唔啲好萌o既動畫,

而係非常悽美o既愛情小品,

加上畫中加入古典樂o既元素,

同埋動畫製作公司A-1渾身o既演出,

絕對係近年數一數二好睇o既動畫之一。

廢話少講,

由小弟住o既上野網吧,

搭山手線內回り到池袋,

本身應該係轉西武池袋線的,

點知入左東武個閘......

anyway, 最後都成功坐西武池袋線到第一個目的地,

西武池袋線練馬駅。

頭先趕上車冇發現,

落車先知, 原來小弟坐嗰架列車,

外面包上《暗殺教室》o既warping!

週未極速毒撚魷 第一日 --- 千葉《俺ガイル》聖地巡禮 + 第一屆KING SUPER LIVE

先講明, 講得毒撚遊,
即係都暗示左今次呢個行程係非常之「宅」及「毒」,
冇興趣o既朋友可以回上頁, 或者直接close左個browser佢www

話說會有呢個週未極速毒撚魷,
係因為小弟之前屎忽痕,
見KING RECORD 搞動漫歌演唱會,
啲陣容都唔錯, 於是手痕走去抽門票。
又俾小弟咁好彩(定唔好彩)抽中喎,
於是就計劃, 點樣可以睇live, 唔洗請假,
又可以好充實咁用盡呢個行程,
於是就生成左呢個週未極速毒撚魷。


先係星期五(19/6)一放工即刻仆去機場,
坐1910 o既飛機到羽田,
到達羽田已經係20/6(六)凌晨0100......

初初仲以為要係機場過一晚夜,
但原來仲有尾班巴士,
於是花左1860yen搭巴士到秋葉原,
再步行過去小弟最常用嗰間上野comic busters網吧過夜。

補充一句, 小弟呢兩晚都冇訂酒店,
兩晚都係瞓網吧的~

七日六夜 北海道的自駕魷 第四日 --- 帶廣 ( 花畑牧場+ 十勝ばんえい競馬 + 真正十勝豚丼)

離開民宿ステラ, 進入第四日o既行程。

要求甚高o既父親, 對呢間民宿o既評價甚高,

母親仲話有機會的話, 黎住番幾日咁話。

小弟都覺得, 冇預約到呢間民宿o既晚餐有少少遺憾,

一次黎一定預約埋晚餐試下~

以小弟o既超緊密變態行程,

早上九點就已經要出發,

事關淨係上午, 就已經要渣150km o既路程到

帶廣南部, 全速前進都要兩個半小時......

當然啦, 辛苦o既只係小弟,

因為其他人上左車就開始瞓......

本身打算上午都係係富良野一帶睇下花田的,

不過話晒琴日都睇左三個,

母親話不如睇下其他野,

於是小弟採用備用景點,

就係帶廣o既花畑牧場。

兩日兩夜 突發東京 hea住魷 第一日 --- 御茶ノ水 + 神田明神 + 秋葉原

完全突如其來,

冇時間性、冇計劃o既東京兩日遊。

作為呀宅o既小弟, 又唔會去新宿、渋谷嗰啲架喇,

於是酒店都揀左上野,

近秋葉原之餘, 搭車去機場都方便。

小弟愚妹係條懶蟲,

問佢出唔出街, 佢死都話唔出,

於是小弟自己一個行。

先去 御茶ノ水 逛下。

御茶ノ水出名在有條叫樂器街o既街道,
一條約二百米o既街道, 兩旁都係賣樂器o既商店。
小弟一直都聽好多人講過, 今日見得閒, 於是過黎行下。



好快就見到, 迎頭一間賣弦樂器o既商店。

入去行左個圈, 啲野勁貴囉唔該,
香港賣60幾70蚊o既松香,
呢度要成千幾二千yen......
百零二百蚊o既肩托賣成四千幾五千yen......

琴, 小弟就唔會買番香港架喇,
啲譜睇落, 又唔係好吸引......
結果小弟行左一陣, 好快就走左。

另外仲有啲管樂樂器o既店,
不過小弟冇帶mouth piece黎,
想試下吹都冇法........



打算行去秋葉原時醒起,
神田明神就係 御茶ノ水 同 秋葉原 中間,
於是順便去逛下。

-------------------------------
以下跟住落黎全部都係宅話題,
冇興趣o既朋友可以將遊標移向右上方,
然後向住個 「x 」 click 一下
-------------------------------



神田明神有咩咁出名?
咪就係當紅o既動、漫、音樂 系列《ラブライブ》o既舞台之一囉!
スピリチュアルやねん!!!

八日七夜 北首都圈 毒撚魷 第七日 --- 俺妹痛列車

第七日o既活動 

可以話係繼ASL之後, 小弟期待已久o既活動之一。

就係坐 千葉モノレール 俺妹痛列車!!!!!! 

多得佢延長服務期間(本身六月底收皮),

小弟先得以係ASL行程內一坐俺妹痛列車!!!!!

行程第七日嗰朝成個朝早,

用左黎朝拜俺妹痛列車!!!

不過上月台之前,

首先係要去買《俺妹》限定車票。

有追POST o既朋友應該記得,

小弟幾日前先買左張架?

http://japsleevefish.blogspot.hk/2013/08/blog-post_21.html

無錯,

但因為張飛o既圖案分平日同假日兩款,

上次買o既係平日,

今次要補番買假日嗰張!!!

車飛就好少話賣晒o既,

成功購買之後,

小弟就上台月,

開始一整個早上o既車河~

詳細都冇乜好講喇,

大家睇相啦~ 

「俺妹号」入站喇!!!!!!

上圖可以見到,
都有好多毒宅同小弟一樣,
係度起勢咁影起勢咁影!

八日七夜 北首都圈 毒撚魷 第六日 --- 埼玉鷲宮《らき☆すた》聖巡

因為就番ASL o既場地, SAITAMA SUPER ARENA,
所以小弟下榻於川越o既Capsule Hotel。

晨早七點幾爬起身,
都係為左聖地巡礼......
咁都話左呢次係「北首都圈 毒撚魷」咯。

首先係遊一下《宮河の空腹》o既聖地---川越一帶。

其實《宮河の空腹》, 係《らき☆すた》o既spin off,

《らき☆すた》就好多人識喇,

不過應該唔會有太多朋友識《宮河の空腹》呢套動畫(T_T)

由川越駅搭東武到川越市駅,
一出站已經有動漫o既資訊,
不過唔係小弟o既target 《宮河の空腹》
而係《神様はじめました》 。

八日七夜 北首都圈 毒撚魷 第四日 --- 草津溫泉

******
是日行程有一部份以動漫為主,
對於唔熟識動漫o既朋友,
文中會有適當提示讓大家跳過
******



毒撚遊黎到第四日,
今日o既目的地係距離東京約百幾公里,
群馬縣o既草津溫泉~

草津溫泉, 係日本三名泉之一,
另外仲有 兵庫縣有馬温泉 及 岐阜縣下呂温泉。
草津除左溫泉之外, 仲有附近o既火山湖白根山都好出名。

其實小弟唔係話十分鐘意浸溫泉,
不過一來, 草津溫泉成為左《俺妹》聖地,
二來小弟一向好鐘意啲奇山異石、特別地質環境,
所以將草津溫泉納入行程範圍。



最初睇天氣預告仲擔心會落雨唔知點好,
點知當日晒到頭暈,
真係天公造美。



拎晒各樣行里,
五點幾六點就要起身。
由上野搭兩個鐘JR到長野原草津口,
再轉JR巴士到草津溫泉鄉。

其實本來由上野去草津唔洗搭咁耐的,
不過有爬文o既朋友可能會記得,
小弟係用關東7日任搭pass,
7日內任搭關東JR, 一不過唔可以搭特急、新幹線,
加上呢啲偏遠路線, 車唔多, 所以只好慢慢搖火車。
不過小弟並唔討厭, 反而好鐘意係咁轉車~

上圖呢啲咁原始o既列車, 東京都內都好少搭到,
門係要人手自己拉的(下圖)。

轉下車、瞓下覺,
早上八點半左右就到達 長野原草津口。

八日七夜 北首都圈 毒撚魷 第三日 --- 千葉 + 茨城 聖地巡礼

行程第三日,

瞓唔夠五個鐘又起身@_@ 

早上七點已經由上野到達千葉......

今日全日都係聖地巡聖,

由千葉, 沿京葉線一路巡番去東京,

相關畫主要係《俺いも》第二季同埋《俺がいる》。

(即係港譯o既《我妹》同《果青》啦)

如果想睇番《俺いも》第一季o既聖地巡礼的話

可以睇番小弟以前一篇blog

http://japsleevefish.blogspot.hk/2012/10/blog-post_31.html

唔講咁多喇, 大家睇圖啦~ 

先係千葉駅周邊 

京介同黑貓打情罵俏o既地方 

八日七夜 北首都圈 毒撚魷 第二日 --- 偕樂園 + 大洗 + 築波JAXA

******
「偕樂園」 以及 「築波JAXA太空中心」之章節
並非動漫為主, 而係以一般觀光目地參觀
對動漫、聖地巡礼冇興趣o既朋友
可以用 Ctrl + F 然後　鍵入key word跳到有關章節
******



今朝神咁早0545就起左身,
香港時間都只不過係0445=.=
咁早起身做乜,
當然就係開始聖地巡禮啦,
因為check過時間表,
今日運行o既《ガールズ＆パンツァー》o既火車,
啱小弟schedule o既只係得兩班,
其中一班係早上0642......

琴晚到水戸時已經凌晨點幾鐘,
黑潻潻乜都睇唔到,
而家經過車站,
先見到原來車站點面有個《水戸黃門》o既雕塑。
(《水戸黃門》係日本經典o既古裝劇,
受歡迎程度大概就好似當年o既包青天咁啦)

聖地巡礼 《俺の妹がこんなに可愛いわけがない》

---聖地巡禮---

其實係之前 小樽 嗰篇BLOG都有提過,
http://japsleevefish.blogspot.hk/2012/10/blog-post_25.html
但小弟係度詳細啲再介紹多次。



咩係「聖地巡礼」?
講o既係動畫、漫畫出現過o既現實地點,
FANS到訪當地參觀,
甚至嘗試影番同動畫內鏡頭一樣o既相。

香港人好似冇乜聽過「聖地巡礼」咁,
但其實係日本已經存在左一段時間。
而且而已經成為左旅遊產業重要o既一環。
甚至會為當地帶黎意想不到o既收益。

要講帶起「聖地巡礼」呢樣活動o既契機,
可以數番幾年前o既一套動畫叫《らき☆すた》(LUCKY STAR)。
《らき☆すた》係以埼玉縣為故事舞台,
由於呢套動畫非常受觀迎,
於是有好多fans到埼玉縣, 動畫參考o既實景參觀,
為本身已經老人化o既小市鎮帶來生氣以及旅遊收益,
而當地o既一間神社, 搞得好不熱鬧!

有關《らき☆すた》, 小弟去過, 寫左兩篇
http://japsleevefish.blogspot.hk/2012/08/blog-post_27.html
http://japsleevefish.blogspot.hk/2012/09/x.html

近兩年, 更加有地區o既商會睇中呢點,
於是集資資助動畫工司製作動畫,
條件當然係以當地為故事無台,
其中o既表表者可以數

《True Tears》--- 富山県南砺市
《花咲くいろは》--- 石川県湯涌温泉
《輪廻のラグランジェ》--- 千葉県鴨川市
《TARI TARI》--- 神奈川県江の島
etc...

有關《TARI TARI》o既江の島, 小弟都去左, 寫左BLOG
http://japsleevefish.blogspot.hk/2012/08/blog-post_30.html

因為日本經濟一直冇起色,
再加上人口老化、少子化,
所以好多小鎮都為經濟衰退而攪盡腦汁,
聖地巡礼的確係其中一個辦法。

其他人例牌都會問,
「去番動漫場景參觀咁又點呀?」
你唔問下點解年中咁多人去赤壁旅遊?
道理都係一樣。



好, 講番番黎



之前由北海道番關東,
打算經一經千葉黎個聖地巡遊,
不過當時到達千葉已經天黑=.=

事隔幾日,
對於當日遊唔成, 心有不甘,
反正今日冇野做,
於是就搭車去了左個心願。



首先當然係千葉駅,
影唔係好困難, 亦都唔太尷尬,
反正小弟平時旅行都會影車站,
問題係點解唔見到簷篷上o既大字牌>.<