六日五夜 老套行程東京魷 --- 第五日 大涌谷 + 秋葉原

食過早餐, 最後衝刺浸多轉溫泉,

1000 check out去旅遊景點喇。

上次小弟一條魷黎箱根, 因為火山活動活躍o既關係,

大涌谷一帶都封鎖左唔可以進入。

所以今次黎箱根, 除左因為呢個老套o既旅遊路線之外,

其中一個主要o既目標, 就係要黎大涌谷喇。

六日五夜 老套行程東京魷 --- 第四日 箱根神社（九頭龍神社） + 溫泉旅館

第4日行程, 主要係箱根一帶,

然後係箱根o既溫泉旅館過一晚。

首先坐JR到小田原駅,

先係小田原駅買箱根o既周遊pass。

係小田原買箱根周遊pass有一個好處,

就係呢度o既旅遊資訊中心有箱根最新o既消息,

例如有冇火山活動影響地區o既開放、

會唔會因為大風而影響纜車行駛、

又或者會唔會因為大霧而影響遊覽船運作等等,

從而再計劃行程、買幾多日o既pass。

小弟確認好情況之後, 就買左兩日pass,

然後搭車到箱根湯本。

小弟都係為左呢個行程, 上網check過先發現,
原來係箱根湯本駅o既月台, 扶手電梯旁,
有一個接收行里o既counter。

只要交低行里、填低資料、同埋俾低少少錢,
職員就會將行里送到閣下下榻o既旅館。
於是遊客就可以無拘無束咁玩到夠鐘check in,
又唔洗自己將行里抬上抬落,
話晒箱根有好一部份旅館都係山上,
又或者距離車站有少少距離。

六日五夜 老套行程東京魷 --- 第三日 紫陽花in長谷寺 + 鎌倉大佛 + 八幡宮 + 江之島

第一第二日都冇話有啲好實在o既景點,

黎到第三日, 終於叫做真正去觀光喇。

揀得係藤沢住, 就係貪佢係江ノ島電鉄o既總站

江ノ島電鉄簡稱「江ノ電」,

係江ノ島、鎌倉一帶o既路面電車,

大部份o既景點, 都可以靠江ノ電去到。

六日五夜 老套行程東京魷 --- 第二日 行街(上野、新宿、原宿) + 藤沢 牛たん 佐助

今日終於開始有內容喇,

不過一黎首先講明先,

唔好見到標題, 就期待小弟會介紹去邊度購物,

每個人都有擅長同唔擅長o既野,

而小弟最唔擅長就係shopping.......

由頭講起先,

住得係上野, 就梗係放啲行里係上野, 然後逛上野啦。

九點幾, 乜店都未開, 就行吓街市呢啲早開o既野先啦。

七日六夜 箱根東京千葉魷 第二日 --- 箱根 + 千葉モノレール×俺ガイル痛列車

小弟平時都係遲起身之人,

加上琴日活動超過18個小時,

應該瞓晏啲先係。

但小弟都係晨早七點幾起左身,

再浸溫泉風呂!

大老, 兩皮幾yen住一日, 浸到甩皮都繼續浸啦。

浸完食早餐,
仍然係由嬸嬸送到黎房間,
換句話說, 一check in左, 基本上都唔洗再離開間房。
呢種廢人式o既生活真係正!!!

七日六夜 箱根東京千葉魷 第一日 --- 芦ノ湖 + 箱根神社（九頭龍神社） + 甘酒茶屋 + 箱根旧街道 + 溫泉旅館

又到左八月底,

有爬開文o既朋友都會察覺,

到左呢個時期, 小弟都會去一轉日本,

參加ANIMELO SUMMER LIVE,

今年本打算唔黎架喇,

不過有朋友抽到飛,

結果都係黎左......

都係啦, 唔會淨係聽演唱會o既,

係演唱會之前, 通常小弟都會黎個小小o既旅行。

plan行程o既時候諗起, 小弟黎咁多次日本,

都未黎過溫泉熱點箱根!!!

於是小弟就決定去一轉箱根,

book間勁貴o既溫泉旅館,

黎個豪華溫泉之旅。

去程, 小弟仍然係選擇深夜o既廉航,

咁就可以請少日假, 而又玩盡第二日。

可能因為小弟遲check in o既關係,
一班九成滿o既機,
小弟竟然可以坐到係兩個吉位旁邊,
超lucky。
可以推起扶手, 打橫瞓晒三個位~

香港時間1150,take off,
日本時間五點左右landing,
太陽都未出黎。

藤子・F・不二雄博物館 (多啦A夢博物館)

「多啦A夢」,
呢個名字應該冇人唔識,
就算唔係動漫迷, 就算對次文化冇興趣,
都一定會聽過呢個名。

而家o既世代, 小弟唔清楚,
但對於小弟80後呢一代,
多啦A夢(叮噹)的確係陪伴住我地成長,
為我地帶黎快樂o既回憶。



不得不承認小弟係有啲失敗,
之前係川崎住左三個星期,
都唔知原來川崎有個多啦A夢博物館。
(正確黎講係「藤子・F・不二雄博物館」)
直到之前九月, 因為係多啦A夢生日(100年前o既=.=)
有好多話題, 新聞亦都有題及,
小弟先知道川崎有藤子・F・不二雄博物館。

不過遲到好過冇到,
總算可以係番香港之前到訪藤子・F・不二雄博物館一次,
而呢個亦都係小弟先到關東, 然後先番大阪o既原因之一。



講多少少, 80後或以前o既年代,
大家應該聽開叫「叮噹」多過叫「多啦A夢」,
一來第一次接觸已經係聽「叮噹」,
二來「叮噹」兩個字比較鏗鏘、簡潔、順口,
亦都好符合角色o既印象(頸上o既貓鈴)。

其實「多啦A夢」先係原名,
「多啦」, 日文「ドラ」,
係由「ドラ猫」(貓o既種類) 衍生出黎,
絕對唔關「銅鑼燒」事。
而「A夢」, 日文「えもん」,
有一說係話係日文名字「衛門」,
而事實上藤子・F・不二雄老師亦都有「21エモン」這一作品。

不過因為早年中港台盜版猖獗,
未得授權已經用「叮噹」呢個名出版,
所以大朋友們都聽開叫「叮噹」。

及後, 將漢字圈入面「多啦A夢」o既名字統一,
成為左藤子・F・不二雄老師o既心願,
而經過各界o既努力之後,
藤子・F・不二雄老師亦都最終如願以償。



講番番黎,
同宮崎駿o既 三鷹の森ジブリ美術館 一樣,
藤子・F・不二雄博物館o既門票係預約制的。
香港要點買小弟就唔清楚喇,
係日本, 大家可以係LAWSON便利店o既售票機買到,
門票為1000yen。
不過唔識日文, 同埋唔熟識便利店購票機用法的話,
可能有少少難度。
ANYWAY, 因為真係有好多人o既關系,
小弟四日前係札幌已經買定飛。



由川崎駅搭南武線,
半個小時左右係登戸駅落車。
其實可以早一個站係宿河原駅落車行過去,
不過登戸駅有專巴直達,
快唔係快好多, 不過一場黎到,
睇下巴士都好丫。

小田原城 + 江ノ島

難得黎到神奈川,
又點可以唔到小田原城、江ノ島、同埋鎌倉呢!!!
鎌倉同江ノ島, 兩年前去東京時,
有日本o既fd帶路, 所以已經行過,
不過當時去到江ノ島已經係夜晚,
所以除左夜景之外乜都睇唔到。
於是今次去小田原城之外,
順便去多次江ノ島補數。



晨早八點出門口,
搭巴士轉JR,
去到小田原已經係十點左右。

七日六夜 東京鎌倉 自魷行 第三日 --- 鎌倉 + 江ノ島

***************************************************
呢篇blog係三年後寫番o既回顧,
詳情請參閱「七日六夜 東京鎌倉 自魷行 Preface」,
當然, 看官無視呢點就咁睇落去都唔係問題。

***************************************************



今日o既行程比較特別,
因為就連小弟自己都唔知行程係點......



事源係小弟一直都有玩日本社交網mixi (即係類似Xanga咁啦),
而開始左冇耐有有個日本人B小姐Add左小弟。

B小姐好鐘意香港, 黎左香港都六七次,
所以同好鐘意去日本o既小弟傾得埋。
(唔好諗咁多啦, B小姐大小弟好幾年)

而今次B小姐知道小弟黎日本,
於是就包辦左小弟一日o既行程。

七日六夜 東京鎌倉 自魷行 Preface

大家好, 呢一篇野,
其實係三年後寫番轉頭的,
因為最初嗰時只係打算係呢個blog寫working holiday o既野,
(講緊o既係yahoo未執之前嗰個blog)
不過過左一年之後, 又唔想浪費左呢個blog,
所以補番以前o既日本o既經歷。



第一彈有「四日三夜 廣島四國 旅行團」
有興趣o既可以按以下o既link閱覽
四日三夜 廣島四國 旅行團 Preface
四日三夜 廣島四國 旅行團 第一日 --- 厳島神社
四日三夜 廣島四國 旅行團 第二日 --- 今治タオル博物館 + 德島阿波踊り
四日三夜 廣島四國 旅行團 第三日 --- 明石海峽大橋 + 孫文紀念館 + 姬路城
四日三夜 廣島四國 旅行團 最終日 --- 岡山後樂園

多謝捧場m(_ _)m



好, 講番今次o既「七日六夜 東京鎌倉 自魷行」