今日最重要o既一個行程,
就係重遊阿蘇火山。
11年前o既夏天, 小弟黎過阿蘇火山,
不過嗰時陰天又大霧, 草千里 就連半里都睇唔到。
今次陽光普照, 諗住實冇死啦, 點知......

黎左九州超過一個星期,
今日總算真真正正睇到全紅o既紅葉喇T_T
不過呢個留番遲少少先講,
而家先由早上o既活動講起。
正如琴日篇blog小弟最後提到,
十年後重臨高千穂, 係要實現心願,
完成一件十年前做唔成o既事,
就係係真名井の滝下面划艇!
今日會由西向東, 橫跨三個縣,
分別係長崎県、熊本県、同埋宮崎県。
本身諗過好唔好經過熊本県o既時候,
順便睇下熊本城修復好未, 不過時間好似有啲趕,
所以最後都係skip左。
琴日編野花左好長時間寫,
瞓得覺黎已經成點鐘=.=
check天氣報告,
仍然係話今日會落雨的......
噢...我o既阿蘇呀T_T
(再一次強調, 唔係蘇施黃!)
早上六點鐘爬起身,
半個鐘梳洗好check out埋就出發去阿蘇。
先將背包放係JR熊本駅o既locker。
成日都諗, 香港係咁話自己係旅遊天堂,
但就連鐵路站一個locker都冇......
locker真係好幫得手架! 背包客o既恩物
正如琴日所講,
因為天雨關係,
由肥後大津駅開始, 列車行駛唔到,
於是要係肥後大津駅落車,
轉搭JR安排o既接駁巴士去阿蘇駅。
天氣一直都唔多穩定,
成個天都係雲,
仲間唔中落毛毛雨添,
再望上群山之中,
啲山頂都係俾厚厚o既雲遮住......
我o既阿蘇T_T
落左接駁巴士,
去到阿蘇駅登山巴士站,
更加得到一個令人咀喪O既事實:
因為天雨關係,
部份路面被沖毁,
加上遊客少,
一日只有四班車來回!!!!!!
(本身都有十零班架......)
不過因為預左時間搭早車,
所以比起改左時間表o既第一班巴士仲要早到,
算係不幸中o既大幸。
可惜因為回程班次時間所限,
要比原先o既計劃提早完結阿蘇旅程,
如果唔係搭唔到車去下一站「鹿兒島」!
之前一直都陰天落雨,
不過係等頭班登山巴士嗰個零鐘,
竟然出太陽!!!
出太陽小弟係歡迎,
不過可唔可以留番小弟上左山先出太陽呢?
(下圖見到o既山已經係阿蘇山一帶)