WORKING HOLIDAY......完結了

為期一年o既working holiday完結了......(T﹏T)

1120到達關西機場,
坐1315 o既Air!ndia o既飛機番香港......

有一種達成目標後o既空虛感,
亦都有一種又要面對現實o既失落感......





回顧呢一年,
過o既時候唔多覺,
但而家睇番, 時間真係過得好快......

新世紀福音戰士 新劇場版: Q

琴日完成左連續四日o既地獄式京都紅葉之旅,
夜晚執番啲行里呀剩,
搞到兩三點先瞓。

但今朝晨早八點幾鐘又爬起身,
不為其他, 而係去小弟番香港前最後一項活動~~~
睇戲!!!

就係今日o既title, 《新世紀福音戰士 新劇場版: Q》
難得係小弟番香港之前一日首影, 死人都去睇!!!



望穿秋水, 期待已久!!!!!!



地點係難波TOHO戲2院, 睇1035嗰場,
不過因為出門口遲左,
掹掹緊, 1030先到戲院。
因為小弟一早已經係網上劃位購票,
所以唔需要再排隊買飛,
只要係旁邊o既自助出票機,
輸入購票no同電話號碼就即刻攞到戲飛。

紅葉 京都 第四日 (清水寺 + 円山公園 + 高台寺 + 知恩院 + 醍醐寺 + 毘沙門堂 + 本能寺 + 南禪寺 + 天授庵 + 永觀堂 + 哲學之道 + 銀閣寺)

因為部手提電腦年事已高,
所以雖然琴晚番網吧番得早,
但整理好啲相, upload埋之後,
已經係十二點幾一點鐘......



係紅葉o既時期,
係啲紅葉名勝要影相但影唔到人,
就只有一個辦法,
就係係冇人o既時候影。
晨早爬起身係不二o既辦法。

清水寺o既開門時間為0600,
所以小弟0430就起身,
0500由烏丸四條行到去京都駅,
然後搭0533 o既京都洛巴士到清水寺。
雖然時間只係早上o既五點幾,
但好明顯, 巴士上除左上班人士之外,
仲有兩三個旅遊人士......

果然咁屎忽痕晨早爬起身去清水寺o既唔只小弟一個......



補番, 都係嗰句,
小弟今次係睇紅葉,
所以對啲寺廟神社就唔多介紹喇,
有關清水寺、知恩院等o既介紹,
可以睇番之前o既BLOG
http://japsleevefish.blogspot.hk/2012/01/blog-post_16.html
http://japsleevefish.blogspot.hk/2012/04/incline.html


0550左右係清水道落車,
係附近o既便利店買飯團、三文治之後,
就開始上清水寺喇。

紅葉 京都 第三日 嵐山嵯峨野 (法輪寺 + 嵐山小火車 + 保津川小船 + 寶嚴院 + 天龍寺 + 弘源寺 + 野宮神社 + 竹林之道 + 常寂光寺 + 二尊院 + 祇王寺 + 化野念佛寺 + 愛宕念佛寺 + 大覺寺)

今日總算可以遲少少起身,
不過話遲少少, 其實都係六點半就起身,
七點幾就搭京阪到嵐山。

上次黎嵐山係睇櫻花,
而今次黎係睇紅葉。
果然, 同上次黎o既時候相比,
嵐山已經完全換晒新裝。
http://japsleevefish.blogspot.hk/2012/04/blog-post_11.html



根據旅遊書資料,
先到一個「穴場」,
日文「穴場」(ANA-BA) o既意思係「少人知o既好地方」。
目的地係京阪嵐山站西面十分鐘路o既法輪寺。
吸引o既原因係因為法輪寺有一個平台,
可以望到嵐山市鎮o既全景。

紅葉 京都 第二日 (東、西本願寺 + 北野天満宮 + 金閣寺 + 竜安寺 + 等持院 + 仁和寺 + 高雄 [神護寺 + 西明寺 + 高山寺])

瞓唔夠兩個鐘,
0530又要爬起身再戰京都紅葉喇。



京都有三間寺廟比較早開門,
一間係清水寺, 0600就開門,
另外兩間就係東本願寺同西本願寺。
兩間都係六點唔夠就開門。
而小弟今日先到東/西本願寺。

六點鬆啲到達京都站附近o既東本願寺,
太陽都未出黎=.=



其實東本願寺比較靚o既紅葉,
並唔係係寺入面, 而係對出嗰條大馬路中間。

紅葉 京都 第一日 (東福寺 + 大原 [三千院 + 勝林院 + 宝泉院 + 寂光院] + 鞍馬貴船)

今朝0600起身, 而家已經係晚上0200
爆眼瞓, 所以寺廟o既介紹小弟就唔做喇,
大家有興趣就自己上網問wiki老師啦。
又或者假以時日, 小弟得閒再補番......



一睇個標題就知小弟今日做過啲乜啦。
其實而家仲未係京都睇紅葉最好o既時候,
因為今年轉涼比較遲,
起碼要等到十一月底十二月頭先係全盛時期。
不過小弟就黎要番香港,
所以焗住要而家黎京都,
唯有本住睇得幾多得幾多o既心態睇啦。


正如頭先所講, 0600就爬左起身,
由大阪搭地鐵轉京阪到東福寺站。
可能因為《SWORD ART ONLINE 7》呢本小說太好睇喇,
小弟睇到唔記得落車=.=

出左京阪東福寺駅向南行前往東福寺,
又行過龍......咩事=.=

ANYWAY, 同預計o既到達時間差唔得幾遠。



講起京都+紅葉, 一般都會諗起清水寺、東福寺、南禪寺,
可見東福寺係好有人氣的。
而小弟剛進入東福寺範圍時,
就已經感受到嗰種「人氣」......
唔係因為人多, 當時「仲未」見到好多人,
而係可以見到東福寺附近o既街道,
都配以保安指揮行人、車輛。
需知道而家其實仲未係京都睇紅葉最好o既時間,
但呢度已經重兵駐守......

日本巴士經驗談

有啲「事到如今先寫」o既感覺。
不過今日冇乜野好寫,
所以搵啲野寫下。


日本巴士主要分三類 (小弟自已分):
1a) 普通路線巴士 (行番該市內, 或近郊)
1b) 高速巴士 (跨市)
2) 高速巴士 (跨縣)
3) 觀光路線巴士

最後一PLAN

13-16/11, 小弟會到京都旅行,
因為小弟差唔多係時候番香港 T﹏T
所以今次應該係小弟最後一次PLAN係日本o既旅行行程......

呢個時候,
去得京都就當然係睇紅葉啦。
不過今年轉涼比較晚,
所以其實真係全盛時期,
應該要等到十一月尾十二月頭。
只可以祈願呢四日都可以睇到靚o既紅葉啦。

因為之前已經mark實左要去邊區睇,
所以今日只係將啲地方串埋,
同埋check巴士、鐵路時間表。



總括黎講,
四日行程係

雜談

雜談一: 宇宙戦艦ヤマト 2199



事情係琴日由福知山搭去天橋立,
途中坐o既近畿タンゴ鉄道其中一架車。
無諗過咁殘舊o既鐵路都有架咁IN o既車,
講緊o既係為《宇宙戦艦ヤマト 2199》做promote o既列車。

竹田城跡(天空之城) + 天橋立

前情請先睇番琴日篇BLOG「竹田城跡 --- 天空之城」。



由勁大風o既長凳搬左去石垣底下之後,
總算叫做可以瞓得著......
不過冇耐, 四點鐘開始就已經有人登山上黎......

咁早上黎托咩!?
小弟check過, 日出要6點半先有,
如果係睇雲海, 就仲要過多個零鐘......



ANYWAY, 俾人嘈醒左都瞓唔番.....
於是又影下相咁啦。

竹田城跡 --- 天空之城

今日o既目的地係兵庫縣o既竹田城跡。
話就話係兵庫縣,
但因一來距離大阪都幾遠(下圖中「朝來」o既地方),
二來個城係山卡啦[地方,
要去的話話, 車錢同時間都幾大負擔,
所以雖然一直都好想去,
但一直都安排唔到去。
今次終於如願以償喇。

但如果專登搭車淨係去竹田城跡, 然後番番大阪,
又實在係太過唔化算,
於是行程中加入另一個唔化算o既景點,
就係非常出名, 但小弟一直都十五十六唔知去唔去好o既,
日本三大景之一 : 天橋立。
呢個就係小弟呢兩日一夜o既行程。



朝早0530起身=.=
搭地鐵到大阪駅, 轉車到 姬路駅,
再轉播但線到寺前駅,
然後再繼續搭去竹田駅,
到達竹田駅o既時候已經係差唔多9點。

焼き肉

當然,
講緊o既當然唔係香港嗰啲燒肉啦,
而係日式燒肉。

今晚因為有啲事,
所以有人請食飯,
前因唔講喇,
淨係講成嗰PART。



黎左日本咁耐,
一直都好想食燒肉,
不過一來都幾貴,
二來一條友食冇乜隱,
所以一直冇機會,
難得有人請,
當然係拆盡佢!!!

水餃

今日本身應該係無所事事的,
不過經過common room,
有幾個台灣人話晚上包水餃,
於是問我加唔加入。

反正晚上都冇事做,
於是應承左話晚上幫手包。

大阪 日本橋

今日o既BLOG,
某程度上係受人所託而寫的,
所以內容並非個個啱睇。



關東有東京秋葉原,
中部有名古屋大須,
而關西就係大阪日本橋喇。

平時小弟都係由難波駅落車,
千日前嗰邊出, 貼住車站向南行,
然後向東轉入橙色線o既路。

橙色嗰條路已經開始有啲關於動漫、遊戲o既店舖,
其中最醒眼o既有COSPA、NAMCO等。

六甲山 (六甲高山植物園 + 六甲GARDEN TERRACE)

琴晚PLAN京都紅葉之旅o既時候,
順手睇下有冇其他優惠車票,
俾小弟見到阪急有1900yen六甲山車票,
+ 來往車站&六甲山纜車 市巴士任搭,
+ 六甲山纜車任搭
+ 六甲山山上巴士任搭
+ 摩耶山纜車吊車任搭

其實一日時間咁少,
每樣都只可以搭到一次,
但條數已經係番度,
仲要有六甲山山上設施o既coupon。

最重要係一卡傍身,
就唔洗下下抄散紙.........



之前睇過下啲紅葉特輯,
話六甲山植物公園係睇紅葉o既時候,
一直都心思思想去,
今次簡直係合晒何尺。

再睇下天氣報告,
發現得番4/11天晴,
之後連落兩日雨。

因為之後仲有PLAN,
所以臨時決定今日去喇。
反正小弟都已經幾熟悉日本交通,
唔洗點check路線呀剩, 都有信心可以到埗。



於是今日就黎個小小的旅行喇。

早上9點左右起身,
搭地鐵到梅田,
先到售票處買優惠車票,
然後就坐阪急往神戸方向喇。

踩單車

因為無可能帶住單車周遊列國,
所以單車一直放左係大阪,
借住俾同一宿舍o既台灣人用。

今日見得閒 (其實由番黎大阪開始已經好得閒),
於是踩單車到天王寺,
有兩個目的, 一就係搜集下情報,
睇下關西有冇平o既車票到附近地方。
二就係到animate,
睇下有冇野買。

果然,
到親animate都係會破財的......
買左《SWORD ART ONLINE PROGRESSIVE》,
《俺いも》月曆, 同埋EVA T-SHIRT......

最後一站---大阪

琴晚搭夜巴, 番番小弟黎日本working holiday時第一個住o既城市,
亦都係今次working holiday最後一個住o既城市---大阪

途中經過靜岡o既掛川同埋滋賀o既大津,
不過都冇咩特別好講。

最後一戰秋葉原

因為日文老師今日中午開始唔得閒,
所以小弟早上就要離開住所,
但番大阪o既巴士要晚上2335先上車,
中間嗰段時間做乜?
最好o既打法時間方法當然係逛秋葉原啦。



當然現金o既日本,
除非係去尋寶又或者買舊o既玩具,
如果唔係基本上網上可以睇得一清二楚。

不過小弟並唔係嗰啲秒秒鐘都對住螢光幕o既人,
所以每一次去秋葉原,
都總有好多新發現。

你話「大阪唔係有日本橋,
同秋葉原一樣係關西o既集中地咩?」
的確, 日本橋係關西o既動漫集中地,
但秋葉原, 係係世界o既中心!!!
規模同氣氛完全唔係嗰班。

所以點都要係離開首都圈之前再戰秋葉原!
以下係今日o既一啲小發現


1) 
UCC又同EVA合作出咖啡
上次小弟已經飲到反肚
今次又要再次灌咖啡

2) 
見到有いか娘 o既墨魚汁意大利粉賣
本來都心郁郁想買番包
不過1000yen......

聖地巡礼 《俺の妹がこんなに可愛いわけがない》

---聖地巡禮---

其實係之前 小樽 嗰篇BLOG都有提過,
http://japsleevefish.blogspot.hk/2012/10/blog-post_25.html
但小弟係度詳細啲再介紹多次。



咩係「聖地巡礼」?
講o既係動畫、漫畫出現過o既現實地點,
FANS到訪當地參觀,
甚至嘗試影番同動畫內鏡頭一樣o既相。

香港人好似冇乜聽過「聖地巡礼」咁,
但其實係日本已經存在左一段時間。
而且而已經成為左旅遊產業重要o既一環。
甚至會為當地帶黎意想不到o既收益。

要講帶起「聖地巡礼」呢樣活動o既契機,
可以數番幾年前o既一套動畫叫《らき☆すた》(LUCKY STAR)。
《らき☆すた》係以埼玉縣為故事舞台,
由於呢套動畫非常受觀迎,
於是有好多fans到埼玉縣, 動畫參考o既實景參觀,
為本身已經老人化o既小市鎮帶來生氣以及旅遊收益,
而當地o既一間神社, 搞得好不熱鬧!

有關《らき☆すた》, 小弟去過, 寫左兩篇
http://japsleevefish.blogspot.hk/2012/08/blog-post_27.html
http://japsleevefish.blogspot.hk/2012/09/x.html

近兩年, 更加有地區o既商會睇中呢點,
於是集資資助動畫工司製作動畫,
條件當然係以當地為故事無台,
其中o既表表者可以數

《True Tears》--- 富山県南砺市
《花咲くいろは》--- 石川県湯涌温泉
《輪廻のラグランジェ》--- 千葉県鴨川市
《TARI TARI》--- 神奈川県江の島
etc...

有關《TARI TARI》o既江の島, 小弟都去左, 寫左BLOG
http://japsleevefish.blogspot.hk/2012/08/blog-post_30.html

因為日本經濟一直冇起色,
再加上人口老化、少子化,
所以好多小鎮都為經濟衰退而攪盡腦汁,
聖地巡礼的確係其中一個辦法。

其他人例牌都會問,
「去番動漫場景參觀咁又點呀?」
你唔問下點解年中咁多人去赤壁旅遊?
道理都係一樣。



好, 講番番黎



之前由北海道番關東,
打算經一經千葉黎個聖地巡遊,
不過當時到達千葉已經天黑=.=

事隔幾日,
對於當日遊唔成, 心有不甘,
反正今日冇野做,
於是就搭車去了左個心願。



首先當然係千葉駅,
影唔係好困難, 亦都唔太尷尬,
反正小弟平時旅行都會影車站,
問題係點解唔見到簷篷上o既大字牌>.<

川崎大師

今日本來冇乜野做的,
不過見得閒, 於是去散下步,
目的地就係而家住o既地方十五分鐘路程o既川崎大師。

聽個名好似好型咁,
其實係佛廟一個。
當然呢個地方對海外遊客黎講,
並唔係話咩值得黎o既地方,
不過係日本裏面都算係比較有名o既寺廟。



川崎大師,
正式名稱叫平間寺,
為真言宗智山派大本山o既寺。
主要係供奉日本最出名o既僧人弘法大師(法號空海)。
冇錯, 就係高野山創山人,
同埋今日四國八十八ヶ所 o既始作俑者。

川崎大師附近o既駅

川崎大師o既參道