晨早流流0500就爬左起身。
梳洗完, 做埋最後o既執搭,
就正式離開呢個住左三個星期o既兩層樓房。
搭第一班o既巴士(0538)到川崎駅,
時間都只不過係0555左右......
預早左, 不過唔緊要,
見有車就搭。
話晒都搭過N咁多次JR,
就算唔跟check好左o既時間表,
都知道點樣搭唔會搭錯。
最重要o既係,
東京圈內o既鐵路,
幾乎日日都有人身事故,
唔係飲醉酒跌落路軌就係自殺,
只不過東京有N咁多條鐵路,
睇下中唔串你要搭嗰條。
基於以上原因,
都係盡早離開首都圈比較隱陣。
小弟今日去o既地方(其實成個東北都係)比較隔涉,
有啲冬瓜豆腐延誤左一班車,
除時要等多幾個鐘先有下一班......
