八日七夜 北首都圈 毒撚魷 第五日 --- 由草津溫泉到ASL

有時有啲野, 決定o既對與錯就在於一線。
琴日題過, 參觀完白根山本身好攰,
打算直接番住宿唞唞,
最後都係決定捱多陣,
睇埋個「湯揉み」先。

結果個決定係啱的,
因為今朝一起身,
就落雨落到HIHI!!!!!

本身打算今朝今朝去「西の河原大露天風呂」浸下的,
而家去唔成, 不過無傷大雅。
攤唞吓執下行里、confirm啲巴士同列車班次,
十點幾就動身出發番番去埼玉縣,
事關由今日開始一連三日, 係小弟今次黎日本o既main dish!!!

之咪就係Animelo Summer Live (ASL)囉。
唔知咩係ASL o既朋友,
可以去番以前o既一篇blog睇,
唔會花大家好多時間。
http://japsleevefish.blogspot.hk/2012/06/animelo-summer-live-2012.html

有關ASL o既內容, 小弟會另開新版講,
所以呢度唔多提喇。

而因為落雨o既關係,
今日亦都冇乜觀光,



不過有少少題外話。

由於小弟今次係八日七夜o既行程,
為左減少行里, 所以只係帶左5套衣物,
打算係下榻o既旅館用洗衣機洗。

點知,
小弟呢一連三晚o既capsule hotel,
竟然係冇洗衣機的!!!!!!

咁點算!?!?!?

當然, 熟知日本o既小弟, 並唔會咁快認輸。
由於小弟住o既地方, 唔係市中心,
附近一帶亦都幾多民居,
所以小弟都幾肯定, 呢度附近係會有コインランンドリー的。

コインランンドリー   --- Coin Laundry, 即係入銀仔洗衣店。
問下住宿嗰度, 附近有冇Coin Laundry啦,
但佢同小弟講, 最近嗰間都要行三十分鐘......
都冇辦法, 大熱天時, 小弟冇理由著番之前嗰啲臭衫,
只好行三十分鐘去洗衫。

到日本旅遊的溫馨提示

由於有朋友將前往日本,
於是促成小弟寫呢個一topic

其實呢一個topic想寫好耐,
不過因為範圍太大, 內容又雜, 無從入手,
所以一直只係係構思階段。
就算而家寫, 都未必寫得好全面,
亦有可能有好多錯漏,
寫好後會不斷儉閱、修改, 請多多包涵。

港日文化差異 之 俾錢

今次講下俾錢,
你話唔係呀馬, 俾錢都要講?

係呀, 因為呢啲細眉細眼野,
一般人唔會好留意, 尤其是首一兩次去日本o既人,
但的而且確好易中招, 仲要係幾瘀架添=.=
就係因為小弟試過, 唔想大家有同樣慘痛經歷,
所以容小弟係度講下。



鉄路

而實之前都講過, 不過實在要再三係度講多次。
日本o既售票機, 無論係買儲值咭定係買單程車票都好,
都一定係***先入錢***的!!!

香港o既售票機係:
1) 先禁啱車站、成人小童、同埋人數
2) 部機會顯示出相應價錢
3) 大家再按價錢入抄

於是香港人去到日本就中晒招喇
因為日本o既鉄路係(單程票):
1) 有理冇理先入錢
2) 部機會show你可以買到o既票種
e.g. 你入520yen硬弊, 佢會show 150、170、200......510 (如下圖)

3) then你按你要買嗰個距離o既金額(先進o既可以揀埋人數同埋成人小童)
4) 然後就會即刻出票and找錢

櫻花---日本賞櫻經驗談

冬去春來, 到左三月至四月
又係日本櫻花盛開o既季節
雖然小弟講唔得上係日本通
但請容小弟係度「識少少扮代表」
分享下去年係日本賞櫻o既經驗同資訊
希望幫到plan緊黎緊去日本睇櫻花o既朋友們


賞花時期

賞櫻最大問題
莫過於花期只有一個星期至十日
加上受氣溫、風勢等影響
要預早plan留日賞櫻時間
可以話同買馬仔冇乜分別……
事實上小弟去年亦因為天氣遲遲未轉暖
所以幾度押後出遊計劃

每年差唔多到櫻花季節
日本都有好多網站預計花期
儘管個個網站o既預測都差唔多, 但總有啲唔同
大家不妨睇多幾個, 然後拉個平均
要注意o既係字眼「開花預想」同「満開預想」
「開花預想」講o既係該景點有櫻花開始開
而「満開預想」, 即係指該景點最多櫻花開o既時間
當然, 櫻花都有好多品種, 開花有早有遲
啲開花o既「預想」都只不過係一個normal distribution o既統計

死窮鬼遊日本心得 之 住

其實之前o既衣&食都唔係小弟o既強項,
但講到住&行就比較有信心,
今先講「住」。



---ゲストハウス (Guest House)---

即係好似YMCA咁o既形式架啦。
多數都係一人一間房or數人一間房,
然後廚房、廁所都係一齊share。

因為係share廚房廁所,
所以房租都比較平,
另外一般般黎講房間入面基本家具齊全,
(衣櫃、床、書枱)
而common o既廚房都有齊廚具,
咁大家就唔洗未搵到野做, 先花一筆錢買家具廚具。
(最重要係買左, 又要諗搬唔搬番香港......)

仲有一個好處, 就係呢種guest house,
好多時都有好多唔同國藉o既人住,
就以小弟為例, 小弟住嗰時, 有以下國家o既人:
日本、香港、中國、台灣、韓國、
美國、俄羅斯、法國、意大利、非洲

大家一齊煮野食、一齊打機、一齊去旅行,
確實係一啲幾難得o既經歷~

不過正如一開始講, 呢種旅宿比較適合長住,
因為好多時呢啲旅舍o既最短租約會係一星期或10日以上,
就算有啲可以斷日計, 都會變得幾貴下。



長住搞掂左, 就睇下短時間住一兩晚嗰啲喇,
當然唔只working holiday, 呢種亦適合過日本旅行幾日o既朋友。



---カプセルホテル (Capsule Hotel)---

大家以為business hotel價錢已經低? 低處仲有更低。
capsule hotel (膠囊旅館) 仲平, 平均2000~2500yen一晚左右。

雖然capsule hotel出現左好一段時間,
但都容小弟解釋下咩係capsule hotel。
capsule hotel講緊係瞓覺o既地方好似一個膠棺材咁,
不過唔係由上面揭蓋, 而係由腳板嗰邊爬入去(見下圖)。

死窮鬼遊日本心得 之 衣&食

小弟總括下係呢一年玩日本o既經驗,
嘗試寫下點樣可以平玩日本



衣:

事實上小弟因為帶夠衫去日本,
幾乎冇買過衫, 所以呢方面o既經驗唔多。
不過都有少少可以分享下。

唔好係大舖頭買衫, 呢啲係必然架喇。
有好多人話上網購物, 如果一次過買的話,
就算計埋手續費都有平, 呢個都係事其。

不過有更縮骨o既方法, 只要閣下唔介意著舊衫的話......

紅葉---日本紅葉經驗談

講起秋天, 大家都會諗起京都紅葉
小弟瘋狂地連續四日去左41個京都紅葉名所
未必講得上100%正確, 但都有少少心得分享下
希望幫到各位



天氣 

由秋入冬, 京都平均介乎5~15度之間
如果冇日照而又吹風的話
體感溫度都幾低下
帶埋手襪就冇死
不過中午如果有陽光的話
都可以幾熱下
所以雖然要多穿衣
但最好係容易除o既外套

日本巴士經驗談

有啲「事到如今先寫」o既感覺。
不過今日冇乜野好寫,
所以搵啲野寫下。


日本巴士主要分三類 (小弟自已分):
1a) 普通路線巴士 (行番該市內, 或近郊)
1b) 高速巴士 (跨市)
2) 高速巴士 (跨縣)
3) 觀光路線巴士

離開大阪 + JR經驗

今日正式離開住左八個月o既大阪,
向關東進發。

約好左1000退房,
0830起身, 不過其實行里一早執好晒,
咁早起身都冇野好做,
結果又係上網hea下咁。

0930, 換好衫,
真正完成最後o既執拾,
就去辦退房手續。

1030左右出發,
搭地鐵到東梅田,
然後用青春18,
一口氣由大阪搭到去東京。
今次JR要搭9個幾鐘,
連埋地鐵嗰程, 成10個小時。