北海道 (神威岬+島武意海岸+余市蒸溜所+倶知安じゃが祭り)

星期日係農場o既假期,
本身小弟都冇話有咩特別計劃,
其他WWOOFer有計劃的話小弟唔介恴一齊出去玩,
冇的話小弟都樂得清閒。

琴晚, 星期六晚,
正當小弟計劃緊點hea左個星期日o既時候,
農場場主拎左張print out俾小弟,
話俾小弟知今日係倶知安有節慶,
問小弟有冇興趣,
同其他WWOOFer一齊去玩。

小弟又真係冇乜所謂,
問埋其他WWOOFer之後,
就決定左今日黎個自駕遊喇。
渣車o既當然係小弟啦......



小弟以兩年前對蘭越、倶知安一帶o既認識,
用左一晚就計劃左行程。
就係先去倶知安租車,
然後渣車去神仙沼→神威岬→島武意海岸,
最後番倶知安睇巡遊同煙花。

其實除左倶知安o既節慶之外,
其他景點小弟全部都去過晒......
不過算啦, 當散下心,
亦都為8月尾同屋企人o既北海道自駕黎個駕駛預習。



同平時差唔多時間食完早餐,
我地兩個台灣人、一個星加波人、同三個香港人,
就去蘭越駅搭JR。
但其中一個台灣人因為有行程,
所以唔會同我地玩, 而係繼續搭去第二個牧場工作。

一個台灣人、一個星加波人、同三個香港人,
早上九點幾到達倶知安,
車站對出o既大街已經封左路,
為全日o既活動作準備。

上圖唔係影得好好,
文字係「じゃが祭り」,
じゃが係日文薯仔o既頭兩個音,
因為呢一帶好多人種薯仔,
加上今日好多活動都係以薯仔為主,
所以節日名稱加上薯仔為gimmic。

WWOOF第七日 --- 煮飯

呢個農場其中一個特別o既地方,
(其實都唔係好特別)
就係如果WWOOF有興趣的話,
可以參與煮飯。

其實小弟係屋企係唔會煮飯的,
但一場黎到, 都想試下煮,
一來俾其他地方o既人試下香港o既食物,
二來, 見到啲人食得開心, 小弟都高興。
三來, 都叫做多謝農場主人,
二話不說就應承俾小弟帶埋愚妹黎農場搞搞震。


煮就識煮o既,
不過因為好少煮,
所以啲食材處理、先後次序唔係咁得心應手......
結果五個菜用左兩個鐘......
如下圖

WWOOF第六日 --- 觀星

黎到北海道蘭越呢個窮鄉僻壤,

小弟最想做o既其中一件事,

就係影星星。

香港o既光污染太嚴重,

好難影到靚相, 再加上小弟o既外行人裝備,

影星星簡即係mission impossible。

唯有黎到呢啲山卡啦先影。

其實每晚都有影啲,

不過儲埋一次過係呢篇post放出黎。

影多好多 (好多唔見得人)

只係揀幾張出黎。

北斗七星, 亦即係大熊座o既身同尾

WWOOF第五日 --- 成吉思汗

2012年o既WWOOF,

都出過同一個title o既文章,

(http://japsleevefish.blogspot.hk/2012/09/wwoof_13.html)

不過呢度容小弟重覆。

「ジンギスカン」, 直譯為「成吉思汗」。

如果同日本人講北海道料理,

第一樣諗起o既一定係佢。

食「成吉思汗」? 非也,

其實「成吉思汗」係指烤羊肉。

同上次唔同o既係,

上次係中午食, 今次係旁晚食。

主要係因為農場場主,

見我地男生日日挖窿咁出力出汗,

於俾食番餐勁o既!

食「成吉思汗」當然係正啦,

但係戶外食, 更添風味!!!!!!

WWOOF第四日 --- 親親大自然

今日仍然係繼續挖窿.......
應該呢一個星期都會係做同樣o既野......



雖然辛苦,
但仍不忘自得其樂,
今次為大家送上好多小昆蟲、動物o既圖片

↑　先係毛蟲
其實毛蟲並唔新奇,
只係乜都影一餐......



↓　然後有下圖呢隻野。

WWOOF第三日 --- 挖窿

先講下而家農場有咩人先。

1) 農場場主兩夫婦啦

2) 另外女仔方面:

一個台灣女大生, 小弟o既愚妹

3) 另外男仔方面:

小弟(香港代表), 一個台灣人(廿幾歲), 一個星加波人(三十幾歲)

可能因為難得有三個男生作為戰力,

所以農場場主俾左個任務我地......

場主話上圖嗰塊空地,
近幾年種野都唔係話種得好好,
所以要黎講大工程, 改善土質。

點改善?
就係挖一條條坑,
約半米深、大半米闊。
挖好之後放入禾桿草, 再堆肥,
然後最後將挖出黎o既泥冚番上去......



工具就只有,
四輪驅動開斗輕貨車,
尖頭剷x2, 平頭剷x2, 三叉戟 x1,
車輪手推車

that's all.........

WWOOF第二日 --- 簡單介紹

係呢度, 向未睇過日本 WWOOF in 北海道 2012o既朋友,
做個簡單介紹啦。

WWOOF係一個組織,
入面登記左世界各地o既小型農場,
供大家做農場、牧場o既生活體驗。
大家俾幾百蚊會費,
就可以click入去睇下有咩農場揀, 繼而報名。
農場一般都唔會俾人工,
但會提供住宿及飲食。

小弟今次去o既農場,
係位於日本北海道, 一個叫蘭越o既地方,
一個正常香港人聽都未聽過o既地方。
要數附近比較有名o既名字, 應該都係二世古。

兩年前小弟working holiday,
曾經係度做過六個星期,
今次揀番同一個農場,
係因為一來已經認識左農場o既場主啦,
二來係因為以小弟o既認知,
呢個農場o既工作算係唔辛苦。


0700左右起身,
梳洗之後幫手準備早餐,
0830開始工作到1200 (3.5h),
中午食完飯, 1400 開始工作用 1630 (2.5h)
全日共工作6小時。

除工作及準備早、晚飯之外,
所有時間都係自由時間。
所以其實都幾free。

工作內容唔定,
一般黎講, 女仔都係摘下瓜果咁。
唔同一般農場---只種一兩種農作物,
呢個農場種十幾種野, 所以工作好多元化。
而男仔一搬係搬搬抬抬、做粗重野(伏線)。

WWOOF第一日 --- 舊地重魷

日的地係北海道蘭越o既農場,
亦係小弟兩年前渡過左愉快的六週o既農場。
(請參閱 http://japsleevefish.blogspot.hk/2012/09/wwoof.html)

今次小弟由香港出發,
乘搭PEACH o既航機,
經大阪轉機到北海道。

為左好好利用時間,
小弟選擇左28/7凌晨0035 出發o既班機,
即係話小弟係27/7晚上十點幾十一點已經到到機場。

2014 7-8月 日本旅魷 --- 序

小弟今年又黎去日本喇=.=
行程簡略如下:

27/7-8/8
香港→北海道WWOOF→東北三大祭(ねぶた、竿灯、七夕)
→返港

20/8-1/9
香港→北海道自駕魷→日光、那須
→埼玉ASL演唱會→返港

事源係咁的,

小弟幾個月前同屋企人提過,

不如暑假掟個妹去北海道o既農場經歷吓、辛苦吓,

反正小弟去過嗰個農場,

農場主人都幾好人, 又唔係話非常辛苦。

父母都表示有興趣。

但估唔到佢地真係當真,

仲追問小弟行程、買機票o既野......

於是今年o既日本旅魷就誕生了。

因為愚妹不諳日語,

英文亦係有限公司,

於是小弟要先同愚妹到農場,

一齊工作一星期,

指導之餘觀察一下。

然後小弟離開, 留低愚妹係農場,

小弟就順便睇埋東北三大祭,

最後由東京返港。

仲要番工架大佬!!!!!!

兩個星期後, 一家人去北海道,

接愚妹走之餘全家自駕魷,

然後家人首先返港,

小弟就去埼玉睇埋演唱會先返港。

完美的行程!!!!!

可以惜人算不如天算OTZ

欲之後事如何, 大家可以留意黎緊o既魷日記(T_T)

內容包括:
1) WWOOF in 北海道 2014
2) ねぶた祭一日魷
3) 突發東京hea住魷
4) 北海道的自駕遊
5) 日光世遺一條魷
6) 再黎東京hea住魷 (未寫)