好喇開估喇,
今日小弟去左邊度賞櫻?
就係京都隔離個縣---滋賀縣。
滋賀縣係邊?
下面地圖括住嗰三個地方,
就係小弟今日遊覽o既地方,
大阪就係地圖o既最左下角......
又係晨早六點爬起身啦。
首先由大阪搭粒幾鐘車黎到近江八幡。
到達時已經係八點半
近江八幡位於琵琶湖東面,
當時豊臣秀吉個家姐個仔---豊臣秀次,
將近江八幡 打造成一個繁華o既商業城鎮。
琴晚睇地圖,
見由車站去到個景點,
都只不過係一直線兩三公里路,
所以都冇打算check巴士路線同埋搭巴士。
結果一行就行左半個鐘,
仲要係以競步o既速度行......
首先黎到o既係八幡堀,
一條長6公里o既運河,
當年商人就係以呢條運河作水路交通。
當然小弟唔會行晒6公里啦......
