櫻花---日本賞櫻經驗談

冬去春來, 到左三月至四月
又係日本櫻花盛開o既季節
雖然小弟講唔得上係日本通
但請容小弟係度「識少少扮代表」
分享下去年係日本賞櫻o既經驗同資訊
希望幫到plan緊黎緊去日本睇櫻花o既朋友們


賞花時期

賞櫻最大問題
莫過於花期只有一個星期至十日
加上受氣溫、風勢等影響
要預早plan留日賞櫻時間
可以話同買馬仔冇乜分別……
事實上小弟去年亦因為天氣遲遲未轉暖
所以幾度押後出遊計劃

每年差唔多到櫻花季節
日本都有好多網站預計花期
儘管個個網站o既預測都差唔多, 但總有啲唔同
大家不妨睇多幾個, 然後拉個平均
要注意o既係字眼「開花預想」同「満開預想」
「開花預想」講o既係該景點有櫻花開始開
而「満開預想」, 即係指該景點最多櫻花開o既時間
當然, 櫻花都有好多品種, 開花有早有遲
啲開花o既「預想」都只不過係一個normal distribution o既統計

港日文化差異 之 過馬路

日本o既行程完左,
寫blog o既動力亦都一下子冇左,
將呢個blog丟空左咁耐,
實在係抱歉......

其實有好多見聞想寫,
不過太多, 都唔知從何開始寫起,
亦都係咁耐都唔落手寫o既原因之一。



話說在頭,

1) 文中內容極其量為小弟個人見聞,
如內容與事實有所偏頗, 歡迎指出

2) 文中內容有可能摻有小弟以前讀過o既刊物o既資料,
如果跟閣下之著作有抵觸, 歡迎向小弟申訴

3) 因未能好好整理內容,
只係諗到咩寫咩, 文理雜亂無章, 還請見諒。



過馬路

還記得第一次跟團去日本,
過馬路o既時候,
唔知點解明明係綠燈,
都會有架車隊埋黎,
嚇到小弟即刻跑住過馬路。

相信呢個唔只係小弟o既問題,
好多唔知頭唔知路o既香港人到日本都有機會試過。

係日本生活左一段時間,
先模清點樣係日本過馬路。

死窮鬼遊日本心得 之 住

其實之前o既衣&食都唔係小弟o既強項,
但講到住&行就比較有信心,
今先講「住」。



---ゲストハウス (Guest House)---

即係好似YMCA咁o既形式架啦。
多數都係一人一間房or數人一間房,
然後廚房、廁所都係一齊share。

因為係share廚房廁所,
所以房租都比較平,
另外一般般黎講房間入面基本家具齊全,
(衣櫃、床、書枱)
而common o既廚房都有齊廚具,
咁大家就唔洗未搵到野做, 先花一筆錢買家具廚具。
(最重要係買左, 又要諗搬唔搬番香港......)

仲有一個好處, 就係呢種guest house,
好多時都有好多唔同國藉o既人住,
就以小弟為例, 小弟住嗰時, 有以下國家o既人:
日本、香港、中國、台灣、韓國、
美國、俄羅斯、法國、意大利、非洲

大家一齊煮野食、一齊打機、一齊去旅行,
確實係一啲幾難得o既經歷~

不過正如一開始講, 呢種旅宿比較適合長住,
因為好多時呢啲旅舍o既最短租約會係一星期或10日以上,
就算有啲可以斷日計, 都會變得幾貴下。



長住搞掂左, 就睇下短時間住一兩晚嗰啲喇,
當然唔只working holiday, 呢種亦適合過日本旅行幾日o既朋友。



---カプセルホテル (Capsule Hotel)---

大家以為business hotel價錢已經低? 低處仲有更低。
capsule hotel (膠囊旅館) 仲平, 平均2000~2500yen一晚左右。

雖然capsule hotel出現左好一段時間,
但都容小弟解釋下咩係capsule hotel。
capsule hotel講緊係瞓覺o既地方好似一個膠棺材咁,
不過唔係由上面揭蓋, 而係由腳板嗰邊爬入去(見下圖)。

死窮鬼遊日本心得 之 衣&食

小弟總括下係呢一年玩日本o既經驗,
嘗試寫下點樣可以平玩日本



衣:

事實上小弟因為帶夠衫去日本,
幾乎冇買過衫, 所以呢方面o既經驗唔多。
不過都有少少可以分享下。

唔好係大舖頭買衫, 呢啲係必然架喇。
有好多人話上網購物, 如果一次過買的話,
就算計埋手續費都有平, 呢個都係事其。

不過有更縮骨o既方法, 只要閣下唔介意著舊衫的話......

紅葉---日本紅葉經驗談

講起秋天, 大家都會諗起京都紅葉
小弟瘋狂地連續四日去左41個京都紅葉名所
未必講得上100%正確, 但都有少少心得分享下
希望幫到各位



天氣 

由秋入冬, 京都平均介乎5~15度之間
如果冇日照而又吹風的話
體感溫度都幾低下
帶埋手襪就冇死
不過中午如果有陽光的話
都可以幾熱下
所以雖然要多穿衣
但最好係容易除o既外套

一年來WORKING HOLIDAY成就統計

總括黎講的話,
雖然有少少變數,
但呢一年o既行程,
機本上都能按黎之前o既plan完成,
應該可以話係暫時小弟人生中最能夠成功實行, 而又最長時間o既plan。

大阪住大半年左右
--->其間做野儲錢
--->儲到o既錢用黎玩埋剩下o既時間
--->到靜岡縣o既朋友屋企玩
--->到首都圈, 住係日文老師屋企(慳錢)
--->經東北, 到北海道參加WWOOF (慳錢)
--->經大阪番香港

初初最擔心係上唔上到北海道,
但最後都上到, 亦都好采因為上到北海道,
係嗰度渡過左超級輕鬆自在o既6星期!!!




然後琴日都講過,
黎日本前最想做o既五大件事,
亦都全部達成:
1) 春天睇櫻花
2) 登上富士山
3) 參加Comic Market
4) 參加Animelo Summer Live (ASL)
5) 秋天睇紅葉

WORKING HOLIDAY......完結了

為期一年o既working holiday完結了......(T﹏T)

1120到達關西機場,
坐1315 o既Air!ndia o既飛機番香港......

有一種達成目標後o既空虛感,
亦都有一種又要面對現實o既失落感......





回顧呢一年,
過o既時候唔多覺,
但而家睇番, 時間真係過得好快......