宝具

哈哈哈, 終於到手喇。

一個月前SK小姐由大阪番香港,
當時小弟托佢手係香港買野,
趁今日放假, 約佢出黎食飯之餘交收貨物。

講緊o既係microSD card。

估唔到小弟都會有要用microSD card o既呢一日......

有左佢, 小弟就唔怕番工晚上嗰八個小時o既折磨喇!!!
哇哈哈哈哈。





事源小弟晚上番工嗰八個鐘,
客又唔係多, 又冇其他野好做,
但近排大、細老闆黎舖頭黎密左,
係店到用電腦始終危險性大。

咁啱小弟個手機可以插microSD card,
(其實日本應該冇手機係插唔到=.=),
於是叫SK小姐幫小弟係香港買番張,
等小弟可以放啲影片入去,
番工o既時候吞pop用手機睇。



不過有一個技術上o既問題,
就係發覺手機唔可以直接播放mp4檔。
於是小弟用有限o既電腦知識,
得知要先轉做3GPP2格式。

於是花左一個下午o既時間,
上網搵相關o既convertor。
一番尋覓+嘗試,
終於成功將影片轉做3G2檔,
係手機度播放,
有左呢個宝具,
話知佢晚上做幾多粒鐘丫!!!!

哇哈哈~