禍不單行

今日真係.......

需知道晚上嗰八個鐘真係悶到嘔的,
所以一般都係坐係廚房o既啤酒箱吞Pop,
亦因為坐左低, 由店外面望入黎係見唔到小弟我地。
(如果唔係點睇書呀、閤眼瞓丫)

點知十一點左右,
大老闆無啦啦殺到黎。
我都算醒架喇, 雖然用手機睇緊片,
但一聽到汽車o既閂門聲即刻撲出去相迎,
不過尾原就仲未知咩事。



其實坐係度吞pop,
由小弟第一日番工, 進藤 同 加藤 都已經係咁做,
不過可能因為而家生意越黎越差啦,
所以近排兩個老闆都好肉緊。

一入到舖, 大老闆就已經係度鬧 尾原,
質問佢係度搞緊乜,
尾原梗係唔會話吞緊pop啦,
唯有無言以對。

一來小弟想幫佢解圍,
二來為免燒埋黎小弟嗰疊,
所以小弟即刻用一早諗好左o既幾個話題,
係咁問大老闆:
「盞燈壞左幾時換呀?」
「琴日又有兩個人打電話見工」
「乜野乜野同乜野乜野唔夠, 買唔買好」
成功轉移視線。


點知好戲在後頭......


大老闆無啦啦拎左一疊A4傳單,
叫小弟同尾原對摺。
傳單內容係「逢食拉麵一碗, 送炸雞塊一客」
Fxxk!!!


問大老闆幾時開始呢個宣傳
「聽日」
$#%^*&%$^#&$%(


再問大老闆個宣傳搞到幾時
「一直」
%^&*#@%^@!%$&#*$#^%@!(#)*(!)#*



有排忙=.=



摺完傳單就當然係去派啦。
踩住單車, 見有民居就派。
派傳單都唔係咁討厭o既,
好過屈係店入面先啦。



然後凌晨一點左右,
大老闆就走左。



不過
禍不單行, 福無雙至。


過左一點,
嗰個隊酒癲女人又入黎隊酒.......
隊到凌晨三點先走......
晚晚係咁飲, 遲早肝硬化......





炸雞無料......實有排忙啦,
(日文「無料」即「免費」 )
唔只係客人多左會忙,
食材o既準備亦都多左麻煩左......

好采o既係小弟仲有個半月就唔撈,
唔好采o既係小弟仲有43日工要番......