炸雞塊的第一天

唔清楚背景o既,
請瀏覽琴日o既blog。

今日星期六,
但生意都係一般,
縱使出埋免費炸雞塊o既呢一招,
人客都只係輕微上升。

不過都仲未可以咁快定案,
話晒都只不過係第一日。

但就係因為唔知會有幾多人客黎,
成日擔心食材會唔會唔夠, 洗唔洗準備,
全日唯持住警戒狀態,
肉體上唔係話好攰,
但精神上比較疲勞=.=

要真正摸清客流量,
唔過番一個兩個星期都唔會知......



真係好唔想係呢間死人野打工,
不過仲有六個星期,
捱埋佢啦。



遠在紐西蘭o既PTP先生,
收到你o既名信片喇。
大家都係身在異國打份死人工,
鬼叫你窮呀頂硬上啦。