日環蝕

其實個日環蝕係發生係「聽日」21/5 o既早上,
不過以小弟o既生理行為黎計,
都係寫埋係今日啦。
何況以格林威治時間黎計,
今次日環蝕的確發生係20/5。
(日本+9, 香港+8)

今日星期日,
無料炸雞塊的第二日。
(真係唔慌唔冇料......)
生意同平時一樣=.=
除左準備o既食材多左麻煩左之外......

ANYWAY,
無驚無險, 又放23點。
番房都係講下電話、洗下衫咁啦。

同平時番工一樣, 凌晨三點就瞓。
其實呢幾日keep住睇天氣報告,
都係話大阪係日蝕o既時候多雲......
本身都諗住放棄唔睇日蝕架喇,
瞓多幾個鐘唔好?

不過諗諗下,
都係起一起身睇下啦,
反正聽日放假,
同埋日環蝕同普通日蝕唔同,
又真係幾罕見o既。

初虧好似係係0615左右,
於是0600就爬左起身。

小弟住嗰度,
天台係開放俾人晾衫的,
不過範圍細,
又有高高o既鐵絲網圍住,
加上可以走動o既天台部份o既東面,
俾幢大廈遮住, 睇唔到=.=

其實天台鐵絲網外仲有好大個空間,
而且可以避開東面幢大廈。
可幸鐵絲網下部有成呎高o既空間,
基本人小弟打橫碌過去完全唔係問題。

係就係碌到出去見到東面喇,
不過成天都係雲......

暫時撤退, 番房。
反正都醒左,
hea多陣先啦,
上下網睇下資料咁,
0620, 姑且拎埋相機腳架上天台啦。



意外地,
雖然個天都仲係好多雲,
但有四成天空都已經係藍天,
包括有太陽嗰part!!!!!!

雖然初虧已經開始左,
但天台得我一個,
可能因為傳煤一味只係宣傳日環係0729開始成形啦。
後來陸續有人上黎天台,
見到我出左鐵絲網外面,
大家都有樣學樣。

其實要用相機影太陽,
需要有適當o既濾鏡,
不過一來濾鏡要成萬yen, 冇錢買,
買左又要買埋adapter, 一闊三大。
二來又唔知好唔好天, 買左冇得影盞搞......
於是只好用最細光圈(36F), 最低ISO (100),
同埋最低白平衡(-5.0)影......
隔離個中國人用CPL Filter, 不過同小弟影出黎o既都係差唔多......

唔講咁多,
下面係日環蝕o既相,
由初虧到食甚之前(即由開始日蝕到形成環狀之前)
每張相隔約4-6分鐘左右。

一來因為啲雲越黎越多,
二來, 生光 同 復圓, 其實只係 食既 同 初虧 o既相反,
所以嗚金收兵, 番房處理埋啲相,
早上九點左右再瞓過......



唔知咩叫「初虧」「食既」「食甚」「生光」「復圓」o既,
又或者唔知點解日環食咁罕有o既,
睇番初中o既綜合科學丫唔該。



一年後顧:
諗番轉頭, 小弟真係超級好彩到唔知點形容
需知道日環蝕係極少有o既天文現象
當時, 香港只係見到日偏蝕
而當日, 全日本都唔係話全國都咁好天見到日環食or偏蝕
小弟咁好彩係呢個時候黎到日本
又咁好彩天氣都叫OK
睇到是次天文奇觀
唔係超級好彩仲可以叫咩