最後一戰秋葉原

因為日文老師今日中午開始唔得閒,
所以小弟早上就要離開住所,
但番大阪o既巴士要晚上2335先上車,
中間嗰段時間做乜?
最好o既打法時間方法當然係逛秋葉原啦。



當然現金o既日本,
除非係去尋寶又或者買舊o既玩具,
如果唔係基本上網上可以睇得一清二楚。

不過小弟並唔係嗰啲秒秒鐘都對住螢光幕o既人,
所以每一次去秋葉原,
都總有好多新發現。

你話「大阪唔係有日本橋,
同秋葉原一樣係關西o既集中地咩?」
的確, 日本橋係關西o既動漫集中地,
但秋葉原, 係係世界o既中心!!!
規模同氣氛完全唔係嗰班。

所以點都要係離開首都圈之前再戰秋葉原!
以下係今日o既一啲小發現


1) 
UCC又同EVA合作出咖啡
上次小弟已經飲到反肚
今次又要再次灌咖啡

2) 
見到有いか娘 o既墨魚汁意大利粉賣
本來都心郁郁想買番包
不過1000yen......

3)
animate頂層半邊撥左黎做小圓o既corner

有 1 : 1 マミ

件 T 花到

當然唔少得QB

仲有其他周邊

同場仲有劇場版o既絵コテン、原画等~
不過嗰啲唔可以影相



4) 
ラジオ会館工地o既圍板換上左《little busters》o既角色

5) 
小弟一直都想試下去メイドカフェー,
小弟雖然唔萌女僕,
不過人生終需一死,
試下又何妨。

其實大阪都有,
不過之前一直都唔敢大洗,
所以冇機會去。

而家, 一來時日無多, 金錢預計都應該夠用,
二來, 今日約左北海道農莊認識o既Y先生,
可以拉埋佢落水,
話晒一個人入去, 都真係有點兒......



求其去左一間メイドカフェー

入到去見店內貼出黎o既記事、播o既片
先發覺間野原來都(好似)幾出名
不過小弟去嗰個時間介乎午飯與下午茶之間
所以冇乜人

墊枱紙


小弟叫左個オムライス, 盛惠1600yen......
因為小弟日文花名叫いか
所以個女僕就寫いか
不過再加上さま時......
識日文o既朋友都應該知出左咩問題......

開頭叫佢畫なのは
不過佢似乎唔識畫
之後佢數左好多動畫角色
(離唔開ONE PIECEI、小圓、銀魂嗰啲)
不過小弟廢事煩
叫佢畫龍貓算

Y先生叫左個炒飯

1400yen

菜單

該店可以俾客人試下幫動畫配音
然後燒錄成DVD
不過要先交低2000yen
同埋段動畫, 好似係啲好囧o既片


大家最關心o既當然係女o既質素
絕對OK!!! (以小弟去嗰時嗰三個o既質素)

見到有個最靚o既, 搵機會撩佢傾偈
點知傾多兩咀, 先發現原來佢係中日混血,
轉用普通話傾=.=
(果然混血o既都唔差得去邊)
當然唔可以影樣



6) 
隨便貼貼

ｐｒｐｒ



7) 
小弟今日o既斬獲
《生徒会役員とも》第七卷



8)
逛完秋葉原食埋野,
時間都只係2100左右。
2130左右到達集合o既地點---新宿。

當然小弟唔會係寒風下等兩個小時喇。
雖知道日本網吧多如天上繁星,
於是去左新近一間,
上兩個小時網, 酒水任飲,
埋單都唔洗800yen。

2335上車,
正式向大阪踏上歸途。