不過話遲少少, 其實都係六點半就起身,
七點幾就搭京阪到嵐山。
上次黎嵐山係睇櫻花,
而今次黎係睇紅葉。
果然, 同上次黎o既時候相比,
嵐山已經完全換晒新裝。
http://japsleevefish.blogspot.hk/2012/04/blog-post_11.html
根據旅遊書資料,
先到一個「穴場」,
日文「穴場」(ANA-BA) o既意思係「少人知o既好地方」。
目的地係京阪嵐山站西面十分鐘路o既法輪寺。
吸引o既原因係因為法輪寺有一個平台,
可以望到嵐山市鎮o既全景。
不過如上圖所見,
都仲係青綠色。
電電宮(個名咁搞野o既)
法輪寺供奉o既其中一個神,
呢個神保有關電o既野,
如從事電訊、電台、電力工作o既人......
......以前啲神咁前衛o既。
神社正式開門o既時間係0900,
但小弟0800已經到達,
通向平台o既門上左鎖, 又有木柵圍住,
不過一場黎到冇黎由唔到平台睇下架,
於是唯有越過欄杆到平台......
個view的確係唔錯,
如果大家去嵐山, 時間上又有少少充裕的話,
不妨可以到訪一下。
然後就正式向嵐山主要o既景點出發喇,
行程同半年前睇櫻花一樣,
先到JR嵐山駅坐觀光小火車到亀岡,
然後再坐船沿保津川出番嵐山。
先過橋到中之島。
到左中之島,
就係影渡月橋o既其中一個好地方。
渡過渡月橋
沿大路向JR嵐山駅行,
途中經過天龍寺, 雖然會去, 但唔係而家。
0845左右到達,
買車票同船票。
詳情唔再多講喇,
大家參考番春天嗰次啦
http://japsleevefish.blogspot.hk/2012/04/blog-post_11.html
不過補充番少少。
小火車第一班係0907開,
而售票最早係0840開始,
所以再早去都冇用。
可能因為小弟今次買票買得早,
所以唔同上一次,
今次獲得第五卡車箱o既指定席,
亦即係開放式車箱嗰一卡。
雖然今次得到開放式車卡o既指定席,
但今日好明顯俾春天嗰次多好多人=.=
結果唔可以係車箱內走動。
而最大o既問題係小弟坐左手邊,
但多數風景都係係右手邊,
所以影到o既相俾上次更少=.=
唯有乖乖坐係度,
用雙眼拍攝, save係大腦 入面。
到左亀岡,
坐巴士到上船o既地方。
禍不單行,
小弟今次坐船,
坐著機乎係船o既中間,
兩邊都係人,
加埋個天幕,
跟本睇唔到啲乜。
好在小弟今次係第二次坐,
如果唔係條氣會更加唔順......
因為小今次已經係第二次坐,
所以對於坐呢個觀光船有少少總結:
佢雖然係叫no先上船,
但其實並冇劃位。
岸上o既工作人員「大概」會按以下次序fill滿隻船
1)坐滿前面兩三排
2)坐船o既左邊(右邊上船)
3)安排外國人坐船o既後面(方面船尾舵監視)
4)最後填滿上船位附近o既位(右邊中間)
所以如果要坐到好位,
有以下建議:
一係就最早上船, 可以坐前面,
如果唔係就留到最後最後先上船可以坐最右邊。
因為排中間上船的話,
就會被夾係船o既最中間,
而且一個人坐, 被安排坐中間o既機會仲大,
因為搵你黎攝位嘛。
ANYWAY, 以上o既都只係小弟兩次經驗得出o既結果,
sampling pool唔夠大, 只可以作為參考, 不可盡信。
總之, 小弟因為被夾係中間,
要影到相, 真係花左九牛二虎之力......
大家唔好期待嵐山o既紅葉會成個山峽都紅晒,
其實嵐山o既紅葉靚在紅紅綠綠,
再加埋泛舟湖上o既意境。
不過按船夫所講,
小弟而家呢個時間,
其實都唔係最當紅o既時間,
可能要再多兩個星期會更靚。
因為冬天, 再加上呢幾日都冇落大雨,
河比較少水, 所以船o既行走時間亦都較長。
好似話快的話大半個鐘都可以行完,
但小弟呢次就行左差唔多兩個鐘。
不過對於坐船o既人,
當然係慢慢行, 慢慢睇最好啦。
落左船, 向亀山公園山頂進發,
因為亀山公園有個望落嵐山唔錯o既view,
上次賞櫻o既時候都唔記得左去。
亀山公園o既山腳到山腰之間都幾多人,
但上到展望台, 就只係見到上圖嗰四個人......
不過行咁多樓梯上黎都抵o既,
因為個view真係唔錯。
遊完嵐山, 上埋亀山公園, 時間已經差唔多成點鐘@﹏@
真係冇諗過咁花時間,
仲有「好多」寺廟神社未去......
嗱嗱聲先到行程o既第一站, 寶嚴院。
個庭園院幾大幾雅致~
離開寶嚴院,
經過一條路, 有爆多羅漢。
再到天龍寺。
其實天龍寺參道o既紅葉已經係最多最密,
入面庭院o既唔係唔靚o既,
不過冇乜太大suprise。
有冇睇屋頂嗰條龍?
上次俾人呃過一次入去已經夠晒啦! 仲入去睇?
詳情可以睇番上次遊嵐山篇BLOG=.=
http://japsleevefish.blogspot.hk/2012/04/blog-post_11.html
上兩圖就係天龍寺參道同攝神社o既紅葉,
而下圖開始就係庭院。
天龍寺真係好多人,
要影到冇人o既相,
真係要僕好耐=.=
下圖都係天龍寺o既參道,
做左臨時停車場。
下一個目的地係弘源寺。
其實本身冇打算去弘源寺,
而旅遊書亦都冇介紹,
不過頭先係寶嚴院,
佢地兩間寺廟做緊聯合promotion,
如果分開買票就各500yen
但兩間一齊買就只需900yen。
(只係平100yen=.=)
ANYWAY, 小弟就係因為咁而入埋去睇。
其實除左門口嗰兩三棵紅葉灌木之外,
弘源寺同紅葉扯唔上邊......
不過入面sell一個歷史遺產。
「蛤御門の変」o既時候,
長州藩係天龍寺一帶團兵,
當時啲士兵食完飯冇屎痾,
就係寺內玩刀, 用日本刀砍柱......
然後就紅沿竹林之道到野宮神社。
上次遊嵐山篇BLOG冇介紹到o既龜石,
話許住願摸下就會願望成真......
野宮神社入面o既神社,
供奉白福稲荷, 保安產。
然後繼續沿竹林之道,
深入嵯峨野範圍。
途中經過天龍寺北門。
事實上上次黎嵐山,
小弟就係經天龍寺北門走,
咁會比較慳時間,
不過小弟因為頭先要到弘源寺,
所以由正門出, 兜左少少路。
要數嵐山睇紅葉o既著名景點,
一定係常寂光寺!!!!
一定唔可以錯過!!!
一入去好似冇乜野睇咁,
咁係因為而家時候尚早,
再過多一個星期左右,
上圖o既綠色都會轉紅色。
不過上天都待小弟不薄,
最靚o既地方都已經紅左唔少,
就係下圖嗰條好斜o既石階。
呢條石階兩邊o既紅葉,
紅o既好鮮紅,
黃o既都好黃,
形成好強烈對比,
紅葉再落係翠綠o既地衣上,
更加係鮮豔奪目。
而上左石階,
建築群o既紅枼亦都紅左約5、6成。
因為實在好靚,
所以係常寂光寺花左唔少時間,
但因為仲有好多寺廟未睇,
所以不得不離開......
下一站係二尊院。
上次黎嵐山時只係經過,
冇入去睇。
二尊院範圍比想像中大,
除左主建築群o既紅葉幾靚之外,
墓地嗰邊都有唔錯o既紅葉。
離開二尊院,
繼續深入嵯峨野,
到達祇王寺。
祇王寺上次都有黎過,
唔知點解小弟幾鐘意祇王寺o既氣氛,
所以就算冇紅葉,
小弟都會黎逛一逛。
唔知係咩, 但幾得意。
高高o既樹,
稍為陰暗o既地表+翠綠o既地衣青苔,
秋天時再配以落葉, 真係一流,
如果過左一個多星期黎, 一定會更加紅更加靚!!!
小弟亦都係隨手影影,
但越睇越鐘意呢張相!!!
好似話因為出年係蛇年,
所以買番個白蠶繭會好意頭,
但蛇同蠶繭有咩關係, 小弟都唔係好清楚......
紅葉比想像中多。
原來沿竹林o既小路上,
有一個六面六體菩薩。
好似話六個菩薩負責六道,
順時針方向用水淋六個菩薩,
就可以流去罪孽咁話。
然後繼續向嵯峨野最深處行,
真係好深, 要再行多十五分鐘......
先到嵯峨鳥居本。
嵯峨鳥居本 為 愛宕神社 o既門前町,
以前作為神社前o既小村, 都幾繁榮,
不過而家只係保留有五六間小屋,
可以一睹當年o既建築。
再行, 已經行到完全唔覺得係遊客區。
右手邊係公路,
左手邊係山, 沿路只有樹木同草......
但入面就係愛宕念佛寺o既所在。
愛宕念佛寺都有紅葉睇,
但愛宕念佛寺最出名o既唔係紅葉,
賣個關子先。
登登,
就係羅漢喇!
愛宕念佛寺, 又叫「千二百羅漢の寺」,
境入面有爆多羅漢,
而且全部都好cute~
不過唔只, 仲有。
又係羅漢。
時間已經係1630,
其實仲有兩三個神社寺廟想去,
不過已經有冇乜時間,
於是半跑咁出番去,
結果只黎得及去大覺寺,
仲要去到, 人地已經開始關大門,
留番側門俾人走,
所以入唔到庭園睇......
1700, 肚餓。
你話唔係咁早呀馬。
其實大家有冇發現,
小弟呢三日基本上冇提過食lunch。
一係就買便利店o既飯團,
一係就好似琴日咁係小食店買少少野食左算。
因為行程實在太密,
唔容許小弟坐低慢慢食......
搵地方食野,
但搵極都唔啱心水,
結果陰差陽錯,
唔知點解又走番去上次幫襯過間......
呢間野出名豆腐同埋腐皮。
上圖o既定食約1600yen。
本來有啲寺廟晚上都有light -up,
但實在係太攰喇.......
同埋小弟主觀覺得紅葉o既light up冇櫻花咁好睇,
所以都係選擇左番網吧瞓。
沒有留言:
張貼留言