新世紀福音戰士 新劇場版: Q

琴日完成左連續四日o既地獄式京都紅葉之旅,
夜晚執番啲行里呀剩,
搞到兩三點先瞓。

但今朝晨早八點幾鐘又爬起身,
不為其他, 而係去小弟番香港前最後一項活動~~~
睇戲!!!

就係今日o既title, 《新世紀福音戰士 新劇場版: Q》
難得係小弟番香港之前一日首影, 死人都去睇!!!



望穿秋水, 期待已久!!!!!!



地點係難波TOHO戲2院, 睇1035嗰場,
不過因為出門口遲左,
掹掹緊, 1030先到戲院。
因為小弟一早已經係網上劃位購票,
所以唔需要再排隊買飛,
只要係旁邊o既自助出票機,
輸入購票no同電話號碼就即刻攞到戲飛。

見時間唔係好夠,
本來打算嗱嗱聲入場架喇,
點知經過賣爆谷o既地方,
見到有EVA特別版o既爆谷set, 1500yen。
忍唔住誘惑, 結果買左。

爆谷個紙袋。

爆谷set送小figure。

啱啱好1035趕到入場啦,
懷住超期待, 但又怕聽唔明o既不安進入戲院
點知完來頭25分鐘都係廣告......
日本啲戲院咁坤人o既!!!



1100正式開始放映。



《EVA》 新劇場版有4部曲,
係因為要做「起、承、転、結」(即中文: 起承轉合),
所以今次《Q》係「転」!!!

成個故事, 去到今集有好大o既轉變,
唔單只故事發展同電視版已經完全冇關係,
劇情一開始仲同上次有好大o既gap (當然劇中慢慢補完)。

小弟真係不得不佩服庵野秀明, 完完全全真係俾到好大o既suprise!!!
頭嗰大半個鐘, 每一分鐘都有驚喜,
所以小弟點解希望大家唔好睇劇透,
睇左劇透, 到時上畫去睇就唔好睇......

基於上述原因,
小弟係度唔多講劇情,
而講下角色們o既表現。



由於今集o既綾波レイ係第二個,
所以比起第一個, 冇咁多感情, 戲份超少, 對白亦然。

明日香好似冇以前咁傲驕,
多左幾分成熟(精神上), 魅力好似冇以前咁大。
(小弟個人主觀感覺, 反正小弟本身係綾波派)

真希波比上集更萌,
明明打緊都可以係度哼歌仔,
有一幕回答明日香時, 更用EVA做出啲港女動作(不過小弟受 ),
成場o既語尾不斷「にゃ」, 「にゃん」,
小弟差啲就要轉投真希波麾下。
坂本真綾係得o既!!!!!!

至於等左好耐終於担大旗出場o既薫,
同真治兩個簡直係旁若無人, 基情洋溢!!!
雖然冇電視版o既肉帛相見,
但精神層面上俾電視版更甚......
薫今次當然亦都死, 但死相得比電視版更殘酷。

男主角真治......
......算啦, 一如既往
都係一個見到就眼火爆o既廢柴一條

至於其他角色, 葛城美里 勁型。
而小弟一直都好鐘意o既伊吹, 完全係性格崩壞。


睇完當然係買俾《EVA》吸下水啦。
買左本小冊子(豪華版), 1500yen(下圖)。

叫你睇戲前唔好拆開黎睇。

小冊子o既封面。

入面o既插圖。

綾波レイ, ｐｒｐｒ

基情洋溢

事後?(誤)
腐女子大歓喜

明日香左下件戰鬥服幾型

都係鐘意白色o既レイ多啲

大家好關心, 係宣傳短片出現嗰個粉紅色泡泡頭,
好遺憾, 其實係雑魚一條......

反而鈴原サクラ(CV・沢城みゆき)一出,
已經虜獲左小弟個心!
睇個姓大家都應該估到係邊個。

最終回預告
嗰個符號係樂譜上o既repeat sign,
即係重覆前面o既部份
有何用意?


今晚番宿舍,
因為之前整過一次薯仔炆雞, 但當時冇椰奶,
有一個好奄尖聲悶(講笑)o既香港女仔話冇椰奶唔好食。
後來佢搵到椰奶, 買左罐番黎......
即係擺明要我整多次啫。

於是今做就做我o既最後的晚餐喇。


三餸:
薯仔炆雞
甘筍炒蛋
炒雜菜

其實小弟煮野真係好求其,
但大家都話好食.......