0530又要爬起身再戰京都紅葉喇。
京都有三間寺廟比較早開門,
一間係清水寺, 0600就開門,
另外兩間就係東本願寺同西本願寺。
兩間都係六點唔夠就開門。
而小弟今日先到東/西本願寺。
六點鬆啲到達京都站附近o既東本願寺,
太陽都未出黎=.=
其實東本願寺比較靚o既紅葉,
並唔係係寺入面, 而係對出嗰條大馬路中間。
比較有代表性o既有上、下圖o既蓮花噴水池。
不過可以見到, 銀杏葉都未黃晒(右手邊嗰棵)。
因為東本願寺有好多其他建築修複緊,
所以可以睇o既野唔多......
見冇乜野好睇,
於是出發去西本寺喇。
叫得西本願寺就當然係係西明啦。
由東本願寺向西行10-15分鐘,
就會見到西本願寺o既太鼓樓。
咁西本願寺入面有菊花參賽o既展品。
咁o既菊花都係第一次見。
西本願寺出名o既, 唔係真係紅色o既品種,
而係上、下圖兩棵銀杏,
變晒做金黃色, 但係好靚......
不過而家仲係青BB =.=
仲要係古蹟內,
好冇興趣想睇下係點o既樣。
上堂唔知係咪要念《波若多羅密心經》?
難得小弟咁早爬起身,
但東/西本願寺冇乜野睇,
實在係有少少失望......
慢慢行番去京都駅,
搭巴士去北野天滿宮。
其實北野天滿宮唔係小弟原本主要想睇紅葉o既地點,
不過見順路, 就去埋啦。
好耐之前都講過,
叫得天滿宮o既都係供奉一個叫 菅原道真 o既人。
詳請睇番N年前一篇BLOG:
http://japsleevefish.blogspot.hk/2012/01/blog-post_24.html
所以天滿宮都會有好多牛o既像。
亦都係紅葉o既景點,
點知完來1000先開放
而家先0900......
之前睇資料見話北野天滿宮開0900,
仲以為境內其他野都係添......
ANYWAY, 望下御土居個公園範圍,
啲紅葉都唔係話紅左好多。
算, 因為下午行程緊密,
加上本身都唔係好想睇,
所以都係走人。
晚上好似有亮燈,
不過唔走番番黎喇。
下圖係北野天滿宮o既一條後巷,
如果啲樹正式紅晒的話, 一定好靚......
好喇,
終於到左今日o既戲玉開始喇。
一開始就撞左兩次板(本願寺天滿宮),
真係有啲失望同擔心。
不過金閣寺冇辜負小弟o既期望!
抵小弟再次光顧呢度。
有關金閣寺o既介紹, 可以睇番以前o既BLOG:
http://japsleevefish.blogspot.hk/2012/01/blog-post_16.html
未入參道, 已經可以見到外面o既紅葉。
雖然境內o既紅葉樹只係紅左約60%左右,
但已好靚。
上面嗰啲只係參道同售票處附近o既紅葉,
已經有好多好景~
其實由頭先啲相已經可以見到,
冇一張相係冇人的。
(除非影向天或影向草地中心)
果然, 一正式入到去......
維園年宵咁......
勁多學校旅行團同埋耆英團......
上次黎金閣寺時陰陰地天,
今次天公造美, 終於可以影到藍天下o既金燦燦!!!
真係十萬個高興!!!!!!
係紅葉下品茶, 真係幾唔錯,
不過小弟冇咁o既時間同金錢......
本來今朝二重打擊, 都幾灰,
但金閣寺完全補番晒數。
滿足地離開金閣寺,
向下一站龍安寺進發。
本身應該一直線行去龍安寺o既,
不過見旅遊書一角仔介紹過下等持院,
見都係兜到15~20分鐘路,
於是過埋去睇下。
等持院個名好似怪怪的。
等持院因為係鎌倉時代武將足利尊氏o既墓所而聞名,
而足利尊氏o既法號係等持,
所以就叫等持院。
院內仲放左足利家15代o既木像,
不過木像唔可以影相, 所以放唔到上黎。
褪色褪到睇唔到,
不過就係咁先好。
個庭園其實都幾靚。
不過啲紅葉樹都只係紅左30%~40%左右.....
過多一兩個星期會好好多。
好似話個庭園o既湖o既心字形,
不過都係不識盧山真面目......
逛過等持院後,
今次真係去龍安寺喇。
途中要經過立命館大學外o既一條小徑(下圖)。
真係點睇都咁靚。
龍安寺,
印像中好似蘇斯黃都有介紹過。
完完全全係仲未紅......
上圖全部都係紅葉樹,
不過紅左o既都唔夠一成......
如果轉晒紅的話, 會變成一條紅色o既隧道。
龍安寺知名o既庭園。
lei~ 一共有15 舊石, 但從任何角度睇都總會見唔到其中一舊, 嗰個石庭~
以前係大阪都見過,
圓形o既石上有「隹、五、矢、止」四個字樣,
乍看唔知寫咩, 但加埋中間正方形o既口,
就會變成下面咁
五
矢口隹
止
讀做「吾唯知足」意思眾說紛紜，
不過應該係解作「知足常樂」咁上下。
睇唔到紅葉造成o既隧道,
有啲失望, 不過算啦, 「知足常樂」,
起碼都唔係見唔到紅色。
收拾心情,
下一站仁安寺~
門口左右兩邊o既仁王像。
好似地毯一樣~
睇完仁和寺, 係門口搭JR巴士,
直接到高雄area (唔係台灣嗰個高雄)。
果然係郊區山中, 紅葉都比較早,
沿途都零零散散有啲紅葉,
到左落車, 更加漂亮。
下兩圖就巴士站附近o既景觀。
高雄範圍o既三個主要寺廟: 神護寺、西明寺、高山寺,
都係圍繞係山峽,
所以要睇呢三個寺廟,
就要係咁係啲山路走=.=
不過沿途o既山路附近全部都係紅葉樹, 靚。
行到呢度,
開始落毛毛雨。
見到路邊有啲攤檔賣炸紅葉=.=
見幾過隱, 加上當避雨,
於是買左包, 係店入面慢慢食。
一袋500yen。
炸紅葉, 入面真係紅葉黎架!
不過......其實唔好食。
食到o既就只有炸漿o既味道,
味道exactly同新年o既角仔一樣......
ANYWAY, 唔好食, 亦都唔抵食,
不吃也罷......
反正其實未食飯,
於是試下店入面其他食物。
都係啲大路o既和菓子。
因為其實店都唔係話好多客,
所以店主o既呀叔們都好得閒,
於是埋黎同小弟搭訕。
又一次, 講左超過十句o既對話,
對方都仲以為小弟係日本人。
就係吹水、食和菓子o既時候,
突然落狗屎落左十分鐘,
小弟唔係為食的話,
已經變成落湯雞。
(雖然小弟有帶遮)
食完野, 雨都停左,
先向神護院前進。
沿途o既紅葉景都好靚。
通往神護寺o既石階,
同山寺有得fight......行到HIHI......
途中有啲茶居,
啲紅葉o既數量,
同之前睇o既寺廟不相上下!!!
紅葉唔係唔好,
不過地方太大, 有啲疏。
剛入神護寺, 的確紅葉唔係好多,
不過行到後山 雲錦峽之後,
就眼前一亮!!!
呢個地方比較深入,
比較少人行入黎,
但大家唔可以錯過。
行番出去。
向下一站進發。
行十分鐘左右就到西明寺。
西明寺大唔係話好大,
但設計幾風雅。
又再行山路,
入黑前最後一站係高山寺。
離開高山寺已經係五點幾。
因為高雄area晚上有亮燈,
見差唔多入黑, 所以係路邊睇小說,
(《SWORD ART ONLINE 7》)
等個天全黑, 然後就影夜晚o既紅葉。
一邊影一邊行番去神護寺。
因為高雄寺同神護寺o既亮燈只係做到1900
(神護寺參道亮到2000)
所以其實得一個多小時影, 唔係好夠,
不過跑住咁上山, 總算趕得切......
沿路出番巴士站搭8號系統市巴士到四条烏丸。
一日o既行程就咁結束,
攰到坐係度可以即刻瞓得著e_e
今日o既行程概覽
沒有留言:
張貼留言