但講到住&行就比較有信心,
今先講「住」。
---ゲストハウス (Guest House)---
即係好似YMCA咁o既形式架啦。
多數都係一人一間房or數人一間房,
然後廚房、廁所都係一齊share。
因為係share廚房廁所,
所以房租都比較平,
另外一般般黎講房間入面基本家具齊全,
(衣櫃、床、書枱)
而common o既廚房都有齊廚具,
咁大家就唔洗未搵到野做, 先花一筆錢買家具廚具。
(最重要係買左, 又要諗搬唔搬番香港......)
仲有一個好處, 就係呢種guest house,
好多時都有好多唔同國藉o既人住,
就以小弟為例, 小弟住嗰時, 有以下國家o既人:
日本、香港、中國、台灣、韓國、
美國、俄羅斯、法國、意大利、非洲
大家一齊煮野食、一齊打機、一齊去旅行,
確實係一啲幾難得o既經歷~
不過正如一開始講, 呢種旅宿比較適合長住,
因為好多時呢啲旅舍o既最短租約會係一星期或10日以上,
就算有啲可以斷日計, 都會變得幾貴下。
長住搞掂左, 就睇下短時間住一兩晚嗰啲喇,
當然唔只working holiday, 呢種亦適合過日本旅行幾日o既朋友。
---カプセルホテル (Capsule Hotel)---
大家以為business hotel價錢已經低? 低處仲有更低。
capsule hotel (膠囊旅館) 仲平, 平均2000~2500yen一晚左右。
雖然capsule hotel出現左好一段時間,
但都容小弟解釋下咩係capsule hotel。
capsule hotel講緊係瞓覺o既地方好似一個膠棺材咁,
不過唔係由上面揭蓋, 而係由腳板嗰邊爬入去(見下圖)。
大家聽到capsule, 可能會覺得會好細,
但其實一般黎講, 係入面坐直個人都唔會頂到頭殼頂。
一間大房入面會有好幾十個膠囊,
房可能係分男 / 女 或者係 吸煙 / 非吸煙
而沖涼會係某一層o既大澡堂,
好多時都會有埋桑拿、按摩椅等設備。
小型o既行里可以放係提供o既locker,
而大型o既行里可以寄存係接待處。
女孩子最擔心當然係人身安全問題啦。
以小弟所見, 又唔覺得話女仔會好危險,
因為男女通常會分房, 甚至係分層,
(唔係上下層, 而係講緊可能係5樓男仔, 7樓女仔)
沖涼都有分開澡堂, 男女碰面,
頂多都係接待處or搭lift o既時候。
反而好多capsule hotel 會出啲超平o既plan吸引女生......
作為男生, 有時都真係幾妒忌......
總而言之, 如果只係諗住有得沖個涼, 瞓個覺的話,
capsule hotel會係一個平價之選。
只係唯一有o既缺點,
就係capsule hotel o既膠囊係冇門, 只有布簾(見上圖),
如果係醒瞓o既人, 應該會冇覺好瞓。
---インターネットカフェ / 漫画喫茶 (Internet Cafe / Manga Kissa)---
インターネットカフェ即係所謂o既網吧,
而漫画喫茶係睇漫畫o既咖啡廳(「喫茶」即「Cafe」)。
講係咁講, 其實係日本, 兩者幾乎係同義。
因為而家o既網吧 / 漫画喫茶,
基本上都係有漫畫小說雜誌睇 + 有電腦用 + 水吧任飲。
方便起見, 下文小弟總括為「網吧」。
一般網吧都會有大量漫畫、雜誌、輕小說,
而坐位形式基本上有3種,
分別係OPEN席、MAP席、SOFA席,
當然有啲會再細分, 例如MAP席有時會有分有坐墊or冇坐墊,
SOFA席會細分咩式o既梳化,
有啲價錢不變, 有啲價錢有細分,
閣下要事先check下或睇清楚。
另外仲有 deluxe席 同 雙人席, 當然價錢一定會高啲。
OPEN席, 即係一個大o既area,
冇間開一格格, 你望到我我望到你。
店員安排or自己搵個位坐低, 鐘意做咩都得。
有啲枱可能提供有上網線俾大家插自己電腦,
or店內有無線上網。
當然呢種形式係最平。
然後就係MAP席或SOFA席嗰啲。
點解叫席唔叫房,
因為絕大部份網吧o既獨立席都只係用木板間開,
上頂係通窿, 所以嚴格黎講唔算係房。
MAP係講地面鋪一層軟墊, 頂龍俾個cushion你(見下圖),
不過呢種坐位比較好瞓,
所以如果間店爆滿, 多數都係呢種坐位冇先。
另外SOFA席入面係普通硬地,
入面有一張可以調角度o既大班椅,
話就話可以調較到近乎平臥,
但小弟覺得始終唔係咁好瞓。
大部份網吧o既MAP席間格大小都上圖差唔多。
(上圖拍攝自COMIC BUSTER 鹿兒島中央駅店)
而SOFA席就只係電腦枱高少少同埋有張大班椅。
價錢方面, 真係講唔埋,
視乎邊區、服務等因素,
不過多數都有ナイトパック(晚間package), 會比日頭o既package平。
多數晚上6-~8小時太概 1200~2000yen。
又係啦, 事先上網check下。
除左有電腦用、有書睇、有水吧任飲之外,
有啲網吧仲提供有沖涼房,
因為真係唔係間間有,
大家真係要事前上網check定。
沖涼房數都係得一間, 有人用緊就要等佢用完先入得。
一般都係頭 N 分鐘一個價, 過時之後每 n 分鐘加錢, 間間唔同。
例如COMIC BUSTER東京田町店頭15分鐘100yen, 之後每15分鐘100yen。
但同樣係COMIC BUSTER, 京都四条烏丸店頭30分鐘300yen, 之後每15分鐘80yen。
同一個集團, 唔單只時間價錢計法唔同, 服務都唔同,
例如東京田町店就真係只提供沖涼房,
但京都四条烏丸店就提供埋毛巾、沖涼+洗頭液 & 牙刷。
至於邊間多啲野提供, 網上都未必check到......
除左有時有啲隣居間中發出嘈音,
同埋唔會話太多行里, 可以放入坐位的話,
網吧可以話係窮拎遊日本o既救星!!!
以下兩間係日本比較大型o既網吧連鎖店,
第一間係小弟去開, 又平又多分店o既COMIC BUSTER
http://www.comicbuster.jp
第二間叫自遊空間
http://jiqoo.jp/index.php
---カプセルホテル (Capsule Hotel)---
唔係呀馬, 又講capsule hotel?
呢一節想介紹o既,
唔係住入去capsule, 而係再縮骨啲, capsule都唔住!!
呢個方法係利用一啲capsule hotel會歡迎顧客只使用浴場服務,
價錢可能講緊係500~1000yen左右。
因為有啲capsule hotel (或者係銭湯, 即日式澡堂)冇時間限制,
兼且會有common area俾大家休息, 好多時仲有梳化椅。
於是大家可以沖完涼, 坐係梳化椅瞓過夜。
當然, 呢種形式的話, 行里冇得寄存,
亦都未必有得上網, 加上啲人出出入入嘈住晒,
所以與其都係俾差唔多成千yen, 要瞓得咁折墮,
小弟都係情願俾多少少錢去網吧。
---予約(BOOKING)---
如果係係日本長期逗留, 而又有日本o既手提電話的話,
真係不妨註冊, 利用一下日本o既網上酒店予約網。
因為好多時through呢啲網都有優惠, 而且有積分,
積分可以用番落book酒店, 真係幾抵。
而且唔只高級旅館、一般酒店、business hotel,
仲可以book capsule hotel 同一啲guest house。
以下比較common o既酒店預約網。
じゃらん
http://www.jalan.net/
楽天
http://travel.rakuten.co.jp
沒有留言:
張貼留言