16日15夜 九州半月自駕魷 --- 第十三日 舊千燈寺跡 + 兩子寺 + 九州自然動物公園African Safari

上圖係両子寺o既紅葉,

不過今日o既第一次站係先去旧千燈寺跡。

旧千燈寺跡。

所以睇紅葉有時都真係幾令人氣餒,

完全係青BB, 一啲都唔紅,

下圖個棵, 已經係旧千燈寺跡入面最紅o既棵。

就小弟所見, 其實境內都有好多楓樹,

只係一啲都冇轉紅,

所以如果能夠撞著佢轉色的話,

呢個景點都會好靚。

冇紅葉睇, 咁唯冇睇下古跡囉。

叫得旧千燈寺跡,

即係話大多數建築物都已經唔係到,

得番零星o既殘留物。

沿住山路向盡頭行,

會到達一間起係戈崖入面o既廟舍。

另外仲有啲細o既廟社係崖壁入面(原本),

不過原來o既建築物已經冇左。

見到個戈崖上面啲石咁樣隆出黎,

見到都覺得牙煙。

Anyway, 冇乜紅葉睇, 

於是去下一個景點, 両子寺。

明明両子寺同旧千燈寺跡,

大家都係附近, 相距唔超過10公里,

但両子寺就完全係另一個景像,

大部份紅葉都轉晒紅。

咁樣的話今日總算有番啲收獲。

呢條兩邊有石燈籠o既小參道,

可以話係両子寺o既招牌打咭位。

另外, 上圖呢個近入口o既池塘都唔錯。

有時淨係得樹都有啲悶,

有啲建築物襯托吓都幾好。

兩子寺佔左都好一大個山頭,

建築物都幾多, 慢慢行行影吓相都要大半個鐘。

又係一幢依山而建o既廟舍, 奧ノ院。

廟社o既背面同石壁中間形成左一個小個空間,

亦都用埋黎做拜祭用途。

冇乜野, 就咁點吓爉燭。

好有心機咁用木板封實條邊。

除左紅葉, 都仲有其他植物係好靚的。

上幾篇遊記, 小弟都提過,

近年愛上左去啲動園、水族館呀咁。

咁啱大分県就有個Safari Park, 名為African Safari。

因為小弟揸車, 所以都冇係入口嗰啲影相喇,

一黎就直奔野生動物園區。

都冇乜好講喇, 大家直接睇動物相啦。

如果閣下冇揸車,

就可以坐上、下圖o既觀光車進入園區,

園方仲會提供食物俾大家餵動物。

其實呢方面, 個個野生動物園都大同小異。

白虎

個園區都幾大, 我唔識比較呢個定係Fuji Safari 大啲,

但總之就兩個都唔細。

睇完野生動物園區,

就去番一般園區食野,

然後睇下其他小動。

小馬

每個動物園都一定有水豚,

因為日本人覺得佢地好萌。

除左上兩圖o既狗corner之外, 仲有下圖o既貓corner。

小蘿莉見到袋鼠好興奮。

松鼠猴o既展館。

細細隻好可愛。

天竺鼠corner,

要抱的話, 就一定要戴上園方提供o既藍色手襪。

其實仲有小刺蝟o既corner,

小弟都有去摸吓抱吓,

亦都係要戴手襪。

不過因為抱嗰時影唔到相, 所以冇圖片放上黎。

雖然小弟上文好似冇乜詳細介紹呢個動物園咁,

但唔代表呢個動物園冇野睇。

只係因為小弟已經係第二次黎呢類動物園,

所以說明從簡。

African Safari絕對係一家大細值得黎o既動物園, 夠玩大半日。