飛關東

因為連續兩晚都要寫好長篇o既BLOG,
加上呢兩日係咁行山, 勁攰,
於是今日瞓到0900先起身

離開旅館, 向北海道o既國際門戸---新千歲機場進發。
當然, 小弟冇咁快番香港,
只係飛關東, 再次係日本老師屋企暫住幾日。
其實冇咩特別計劃,
只係幾enjoy住係老師屋企,
又好掛住隻狗,
又好想再逛多次秋葉原,
同埋想去多啦A夢博物館。

反正飛東京同飛大阪o既價錢差唔多,
由東京再搭車到大阪都只係多花3000yen。
而住係老師屋企, 仲包兩餐, 免住宿添XD

於是小弟就乘坐jetstar,
由北海道一口氣落到去成田機場喇。



可能初初係農場時秤行里唔夠準確,
加上當時又未執好晒,
仲諗住預約寄艙25kg夠有突,
結果要寄艙o既行里最後係有34kg=.=
預約定寄艙唔係好貴,
但現場OVER WEIGHT就好甘,
於是唯有將9kg孭上身帶入艙。

話就話每人只可以帶10KG上身,
不過計埋相機、結緍禮物等,
小弟身上孭左14KG。
anyway, 可能因為行里睇落唔係好大件,
所以冇人理, lucky~

大家知道, 飛東京一定係利用成田機場,
但又有幾多人知, 成田機場唔係係東京都,
而係係千葉縣?

如果係動漫迷的話,
聽到千葉縣, 就一定會諗起一套近期大熱o既作品,
就係《俺いも》喇。

反正千葉市中心唔係好遠,
於是打算去川崎(日文老師屋企)之前逛一逛千葉,
再黎個聖地巡禮。

1400起飛, 1530著陸,
出得機場已經1600,
到達千葉市中心已經係五點幾,
個天已經黑晒......

點解!? 只不過係十月尾,
五點就天黑有冇搞錯!?!?

聖地巡禮巡唔成,
好在經千葉到川崎都唔係兜好遠。
反正都要轉車,
於是兜一兜車站周圍,
然後影番下個JR千葉駅,
就搭車連跨兩個縣到川崎。

點解會冇左大鐘旁邊「JR千葉駅」o既大牌!?!?