WWOOF第二十六日 --- 蟲

今日講下「蟲」



甴曱:

之前都聽過有傳, 話北海道係冇甴曱的。
然後睇漫畫《甴曱娘》都係咁講。
(順帶一提《甴曱娘》半動畫化左, CV: 能登麻美子)
初初都唔係好信,
但有一晚食飯講起甴曱,
北海道土生土長o既FA小姐話真係冇見過真o既甴曱......

所以北海道可能係一眾怕甴曱o既人o既福地。





カメムシ(KAMEMUSHI):

カメムシ、日文漢字又寫左「椿象」、「亀虫」,
唔知係咪全日本都係咁,
但至少係北海道o既郊外,
天氣一轉涼, 啲椿象就會搵暖o既地方避寒。
當然, 最容易搵到o既避寒地方就係民居.....

於是呢個星期, 不斷都有椿象飛入屋。

普通o既蟲的話當然唔係問題,
問題係椿象會放出惡臭,
唔可以拍死佢或徙手捉......

一開始, 大家都係用紙巾拈起然後掟出屋外,
但後來屋主夫人整個容器,
用竹枝將椿象挑入去,
啲椿象就爬唔番出黎。
遲啲影左相放上黎。