http://japsleevefish.blogspot.hk/2012/10/wwoof_13.html
有好多冬菇做手信,
當然係唔食唔得啦!!!
當日o既晚餐就係食冬菇喇。
有就咁齋煎同攘豬肉兩種。
太好食了!!!!!! \(^o^)/
從來未食過咁清甜o既冬菇!!!
唔洗放任何調味, 鹽都唔洗放。
小弟到左呢一刻先知冬菇係咩味!!!
反而覺得攘豬肉嗰啲唔好食......
因為M小姐第二日(15/10))就離開農莊,
而宿主夫人想知道之前食過o既蘿蔔炒蛋點整,
於是再叫M小姐整一次先好走。
材料有
蛋 --- 夠食o既份量
蘿蔔 --- 有番咁上下多
油 --- 適量
麻油 --- 少許
生粉 --- 酌量
牛奶 --- 隨便
糖 --- 按個人喜好
鹽 --- 唔好太多
水 --- 按情況
先落少少油同麻油,
係咁依炒下啲蘿蔔之後加少少水炆稔。
按份量將生粉、牛奶、糖、鹽同蛋拂均撈埋,
然後倒埋落蘿蔔到兜兩兜,
咁上下就可以上碟喇~
好似話係台灣o既家庭小菜。
今日係一間溫室度工作,
外面凍到HIH, 但溫室入面就熱到鏢汗......
工作內容係回收溫室入面,
用黎撐扶植物o既鐵杆同繩。
工作好似好簡單,
不過問題係因為入面o既植物已經好耐冇打理,
所以生到成個森林咁=.=
沒有留言:
張貼留言