WWOOF最後一日

今日係小弟係北海道WWOOF體驗o既最後一日,
不過今日o既工作如常,
全日坐係度滅豆=.=



講番重點先。

小弟都算好彩, 遇著一個唔錯o既WWOOF。
一日工作六個小時, 只係加過一次班,
餐餐實食得飽, 晚上自由時間任上網。

當然小弟冇參加過其他WWOOF,
不過由其他人口中聽唔少恐怖o既WWOOF,
例如五點起身開始工作到晚上六點=.=

有機會的話, 都想再黎探訪~



今晚最後的晚餐係すき焼き,
即係廣東話o既「壽喜燒」。
宿主因為聽小弟話未食過,
於是就趁今日出市鎮之餘買材料。

先用油開鑊, 然後放牛肉。

牛肉呀, 好多牛肉呀~

然後放砂糖同豉油。

牛肉熟左就可以夾起

浸下生雞蛋黎食。
超好食!!!!!!

食左兩輪之後,
開始放其他料:
豆腐、京葱、菜、芋絲、芽菜等

再加上適量o既砂糖同豉油調味,
煮熟就食得。

就咁, すき焼き就為小弟o既WWOOF生涯畫上完美o既句號~