WWOOF第三十日 --- 雜談: LEO / 狸貓 / 紅葉 / 搬草

雜談一: LEO



呢隻就係之前一開始提過,
但影唔到相o既嗰隻肥貓。
隻貓叫LEO, 肥到乜咁,
平時好馴良, 不過成日蝦另一隻老貓。
ANYWAY, 呢隻貓任搞唔嬲, 又肥,
所以成日捉佢黎玩

雜談二: 狸貓



終於可以近距離見到狸貓喇,
不過又係係公路上俾車撞死左o既......
今次呢隻死得比上次隻狐狸更慘,
爆晒肚流晒啲內臟出黎......

上圖見唔到個頭,
係因為個頭以一個冇可能o既角度擰左去背面......

可能因為讀理科,
對啲內臟都幾有興趣。



雜談三: 紅葉

話晒呢排都凍到得4、5度,
所以好多樹都轉晒黃色、紅色,
不過下圖係工作時用手機影,
所以影得唔係好鮮色。

雜談四: 繼續搬草

以為搬草o既工作可以告一段落,
不過結果分完薯仔之後,
又係要搬稻草=.=
好在今次連續幾日冇落雨,
啲草比較乾身, 唔太重......

當然, 上圖嗰位唔係小弟。

搬草就係為左幫啲薯仔保暖=.=
下圖遠處嗰幾包就係薯仔。