叫ちゃんちゃん焼き(CHAN-CHAN-YAKI)
簡單黎講, 就係將啲菜同三文魚放係鐵板上面煎熟,
不過今餐冇三文魚, 於是用秋刀魚......
ANYWAY, 小弟唔係好食熟魚......
咁上下熟之後,
淋上味噌, 然後兜均。
上網睇番, 正常好似係用白味噌,
不過宿主自家製o既只有紅味噌......
正常用咩蔬菜小弟唔係好知,
不過今餐全部都係農場收成o既蔬菜:
南瓜、茄子、薯仔、翠玉瓜等......
講番今日,
琴晚都講過今日會有啲特別啲o既行程。
事源係有一晚食飯,
宿主收到個電話,
係附近一個朋友打黎,
問佢有冇人, 可唔可以今日黎幫手,
時薪1000yen, 做兩個鐘!!!!!!
反正而家農場冇咩野趕住做,
於是宿主就應承左。
平時農場係0700起身、食完早餐0900先工作,
但今次o既請求係0800開始工作,
而且由農場要開30分鐘車去,
於是0600就要起身......
對方係兩夫婦,
都差唔多年屆60, 個仔先高中......
聽宿主講, 男o既係一級建築士、女o既係護士,
本身生活應該幾無優,
不過唔知點解會無啦走左黎北海道種冬菇=.=
冇錯, 今日要做o既係種菇場o既工作。
0800去到, 同兩夫婦、佢地個仔,
另加3人, 係屋前匯合之後就到工場工作。
一如所料, 又熱又濕, 仲有一陣菌味。
工作一半o既架已經種滿冬菇,
而另一邊係吉的。
今日o既工作, 係要將啲冬菇o既種連培養基放上吉o既架上面。
聽落好似好輕鬆, 不過大家睇埋下圖先講......
影唔晒咁長o既貨櫃放滿一箱箱培養基,
一棟9箱, 後面仲有四棟......
一箱裏面有12個冬菇種連培養基,
於是一個早上o既工作就係不停咁將呢一舊舊野放上架......
做到半路, 有休息時間不特止仲有點心、飲品提供,
諗番以前係拉麵店做就真係=.=
花左三個小時, 終於將成車菇放晒上架......
唔知要過幾耐, 先會生到好似下圖咁呢?
被問起番香港之後有咩做,
菇場主人講笑咁問小弟有冇興趣係度工作,
小弟真係認真地猶豫左一陣!!!
係呢啲自然環境當中,
又唔洗對住啲搞事o既屎忽鬼,
有番一定o既人工的話, 都真係一個唔錯o既選擇......
菇場主人o既屋企連包裝場。
種左好多好靚o既花。
屋入面仲有一棵好大o既仙人掌。
菇場主人種作啲山葡萄,
不過好乸酸>＊<
連埋將啲吉箱搬番上貨車,
早上一共做左3.5小時,
3500yen!!! YO!!!
有時唔知話日本人嚴謹好定係太要求高好,
例如好似啲菇咁, 只要唔夠圓,
又者係個菇傘裂開左, 就唔能夠賣出,
於是菇場主人就會將啲呢菇送俾左隣右里,
當然唔少得我地嗰份啦。
番到農莊食完飯,
當然要繼續工作啦!
今日係拔蘿蔔。
有好多不成樣子o既唔可以俾客人,
於是就咁放係度成為下一水o既肥料=,=
沒有留言:
張貼留言