總網頁瀏覽量

2012年10月5日 星期五

WWOOF第二十五日 --- 教日本人用梅菜

之前都講過呢個日本家庭爆多廣東菜o既材料。
屋主夫人曾經拎過一包梅菜問小弟點用。
的確, 啲咁o既野俾外國人, 真係唔知點用.
就算係小弟o既,
所知道要用梅菜o既就只有蒸肉餅同梅菜扣肉......

梅菜扣肉, 平時係屋企都好難做得好食,
莫講話小弟而家身在日本,
所以只有梅菜蒸肉餅呢個選擇。





一如既往,
小弟煮餸都係唔會量下要幾多克、幾多ml, 求其就好了。

豬肉攪碎: 夠食就OK
梅菜: 適量
蠔油: 酌量
鹽: 係咁依
生粉: 少許
油: 求其
麻油: 的咁多

豬肉打到起膠,
然後調味攪均,
再加埋梅菜攪,
蒸得咁上下,
食得。


越係簡單o既菜就越係難煮得好食。
初初仲擔心調味唔知會點,
但結果, 完全係冇問題!!!
香港的味道!

沒有留言:

張貼留言