總網頁瀏覽量

2012年10月19日 星期五

WWOOF第三十九日 --- 雜談: 山葡萄 / 煮飯 / 動漫

雜談一: 山葡萄



今日又有新野做,
早上用左一個小時執埋最後o既豆之後,
就要去摘「山葡萄」。

啱啱問過wiki老師,
睇黎「山葡萄」只適合係溫帶氣候生長,
所以香港搵唔到,
連wiki老師都唔知「山葡萄」中文名係咩,
只係佑道學名叫Vitis coignetiae。



雖然叫山葡萄,
但唔洗上山先有,
只係普通o既藤蔓類植物,
只要爬上樹就搵到。



於是小弟就要爬上兩三層樓咁高o既樹摘呢啲死人山葡萄......




除左摘山葡萄之外,
仲要係某一種樹上摘佢o既果實,
不過呢個實在係唔知佢叫咩名,
只係知可以食用, 同埋可以用黎做果醬,
味道有啲似奇異果。

下兩張圖青綠色嗰啲波仔就係。



山葡萄食落似藍莓,
細細粒, 過啲核同普通提子一樣大,
仲要有三粒咁多,
所以實際上冇乜肉食=.=




雜談二: 煮飯



今日又屎忽痕煮晚飯。

其實都唔係突然屎忽痕o既,
蕃茄炒蛋, 宿主夫一直都想知道要點整,
宮保雞丁, 係小弟之前見到有腰果賣, 於是想試下整,
兩種肉餅, 係因為黎到都冇乜幾可食咁多肉, 於是整黎食下。

冬菇蒸肉餅

榨菜肉餅

蕃茄炒蛋。
宿主夫人話想學整,
但實際上小弟都係第一次整=.=
不過出黎個味道又唔錯,
果然炒o既野, 都係求其撈埋炒就OK

宮保雞丁(腰果version)

網上有食譜話腰果最後撈埋就得。
小弟選取左另一個食譜o既做法,
就係先炸一炸腰果,
果然好食好多。



宿主平時都只係食兩碗飯,
不過今餐一食就食左四碗=.=
其他人都提升左飯量50~100%




雜談三: 動漫



《ヱヴァンゲリヲン新劇場版:Q》
其實好早已經公報左幾時上映,
不過小弟一直都冇留意,
直到琴晚突然醒起, 上網check,
發現17/11上畫!!!  啱啱好趕得切 \(^o^)/
之前冇睇到《魔法少女リリカルなのは The MOVIE 2nd A's》已經非常後悔,
今次唔可以錯過,
決定買T-shirt + 前賣券嗰一set!


琴晚睇左《ハヤテのごとく! CAN'T TAKE MY EYES OFF YOU》第三話。
點解作畫可以崩成咁=.=
はやて用左生髮水都算啦, 點解連ヒナギク都崩得咁誇張......
ヒナギク邊有吊眼吊得咁勁......
還番之前o既ヒナギク番黎呀 (´・ω・`)

沒有留言:

張貼留言