屈蛇於日本人家中

得到係日本o既友人邀請,
今日到靜岡, 呢位朋友o既屋企屈蛇。

約好左1900係浜松駅等,
一早check好JR o既時間表,
用青春18由天王寺搭去浜松。

 一開始都好好地的,
點知去到大阪,
告示板因為電纜發生故障,
由高槻到京都o既電列車全部停駛!!!

OH!!!
$%^&*()_&^%#%@^#*&(_$



等小弟仲用左青春18=.=
不過好采, 問JR職員點算o既時候,
佢教小弟搭京阪鐵路到河原町,
然後轉地鐵到京都。

小弟都擔心要唔要另外買車票,
因為京阪同地鐵都係私營o既鐵路。
不過個JR職員話唔洗。

初初都唔係好信,
但去到京阪o既車站,
見到已經一早貼晒告示,
又開放入閘機俾持有JR車票o既人過閘,
仲派埋紙仔教你點去京教車站。

不得不讚JR o既聯絡真係做得好好,
唔知電纜係今日幾時壞丫,
但睇得出所有o既配套做得好足,
亦冇出現混亂。
JR、京阪、地鐵o既職員都對流程好了解,
一問就即刻可以好清楚咁回答。

反觀香港o既地鐵,
上星期o既9號風球事件=.=

ANYWAY,
好采今日唔係去旅行,
而只係去人地屋企玩啫,
如果唔係真係成個行程俾佢搞禍晒。

加上今次經過o既地方都係大城市,
(京都、名古屋)
所以唔洗擔心miss左一班車要等第二日。

比原定遲左半個鐘到浜松,
不過個fd(SK先生)都因為工作遲左到。

其實去SK先生屋企都冇乜野做,
都係傾下偈hea下咁。

話時話由15/7開始日日都趕頭趕命去旅行,
咁得閒地過日辰真係好耐都未試過......