種善因, 得善果

點解會有個咁o既標題?
事情要追遡番到四年前。

四年前, 小弟仲係大學三年級生,
當時大學舉辦一個兩年一度o既國際性學術會議,
而參加會議o既包括有兩個黎自名古屋大學o既日本教授,
同佢地o既一個博士學生。



小弟因為負責接待o既工作,
所以有機會同呢三位日本人交談。

當時小弟都只係學左三年日文, 半桶水都冇,
但就係度也文也武, 用日文同佢地交談。
唔係話崇日, 只係學左幾年日文,
都想搵個機會用下, 所以都好主動同佢地傾偈。

其中個女教授話聽講半島high tea好出名,
於是小弟就係會議o既第二日帶佢地三個出尖咀,
又飲茶、又high tea、又行太空館、又睇星光大道,
做左個旅遊大使。

三日o既會議完左,
之後o既一個月斷斷續續都仲有同佢地e-mail contact。
後來冇乜再聯絡, 但新年都有寄賀卡俾嗰個博士生。



今年黎左日本working holiday,
前排打算去名古屋之前,
發左個電郵俾嗰個博士生(都畢左業lu),
問下佢名古屋有咩好睇好食係當地人先知o既,
順便打算見下佢地。
不過回覆番黎, 原來呢個博士生已經去左東京做野,
唔係名古屋。



冇乜特別, 件事丟低左。

不過黎緊9/8 - 12/8, 小弟會去東京睇「祭り」,
(括住有原因的, 三日後自有分曉)
因為小弟係窮拎一個, 盡量都唔想花錢係住宿,
呢個時候就諗起呢位博士生喇!!!

厚住面皮send e-mail問佢可唔可以俾我係佢度過夜。
結果係9/8晚因為佢有野做唔方便,
但10/8同11/8就冇問題咁話!!!!!!

太好了,
起碼慳番兩晚房錢!!!