魷日記: 大阪天神祭

2012年7月25日星期三

大阪天神祭

琴晚1900係別府坐巴士,
0800先番到黎大阪,
仲要轉地鐵,
番到房都差唔多成九點。
即刻沖涼然後洗衫。

順帶一提,
出發前管理員同小弟講,
22/7會有新同房黎入住,
今日初次見面, 係台灣人。

乾衣o既同時煮野食,
順便燒幾集動畫。
去左六日九州,
啲o既時間都唔夠,
莫講話睇動畫,
積左成廿幾集未睇......

去九州o既行程咁緊密,
一來係想用最短o既去最多o既地方,
二來係因為今日, 25/7,
係日本三大祭之一, 天神祭o既日子。
其實天神祭由由24/7開始,
不過一來對啲前奏興趣不大,
二來九州個trip,
要去埋別府的話,
點都Plan唔到24號番到黎。
三來重點係今晚。

講番正題。
之前同一幢舍宿o既台灣人邀請小弟一齊去睇。
好耐冇試過集體行動,
間中同其他人交流下一齊玩都唔錯丫,
於是應承左。

不過由九州啱啱番黎實在太攰,
所以分批出發。
小弟跟同一幢宿o既香港女仔MHT小姐一齊去。

好似話五點幾係南森町地鐵站集合,
因為早左到遲,
於是打算行去天滿宮睇下啦。
順帶一提, 天神祭主要由天滿宮負責。

呢啲大時大節,
就算唔睇地圖, 只要跟住啲人行,
就自自然然會去到有野睇o既地方。

去到天滿宮o既門口,
好多人塞晒係度。
完來係啲神輿o既行列未出發晒,
仲出發緊。

其實天神祭o既重頭戲, 即係今日,
係下午神輿由天滿宮出發,
然後係陸上巡遊,
然後再放上船,
係河上面再巡遊+放煙花。

因為太多人o既關係,
都唔係好睇到做緊乜,
只可以舉高個相機盡可能相到就影。

小弟都唔知做緊啲乜,
所以解說唔到喇,
大家睇到o既相亦都係小弟睇到o既野。

有班嬸嬸係度跳舞

因為夠鐘集合,
行番去南森町,
而家一行人有:
美國人X1
日本人X2
俄羅斯人X2
台灣人X1
香港人X2(包活小弟)

因為有兩個台灣人係較早時間,
已經到達河堤霸位,
所以我地向住河堤出發。
沿途都會見到有人抬住啲神輿係度natural high緊。

問題出現喇......
講極對方都講唔出自己所在o既位置,
只係一味話81號燈柱,
鬼叉知幾多號燈柱咩。

海上觀賞席,
應讓係要事前俾錢預約的。

幾番尋覓, 都行左差唔多成大半個鐘。
其中一個俄羅斯人明顯地已經變得冇耐性。
一時話要買野食, 一時話要食番支煙先,
後來, 個俄羅斯明顯地已經唔想搵霸左位o既地方,
一味話向北行向北行。

但其實已經行過左放煙花o既地方。
如果跟佢行的話,
嗰度只有大廈同火車橋遮住晒乜都睇唔到。
點解小弟會知?
因為有做足功課上網check,
又或者睇旅遊雜誌都會有講=.=
其實最好睇o既地方應該係橋上。

所以小弟旅行o既時候,
唔鐘意集體行動就係咁解......
嗌交多過食飯。

小弟辛辛苦苦PLAN行程,
由九州仆番黎都係想好好咁睇天神祭啫
你話小弟唔合群又好、自我中心又好、
不善交際又好、不擇手段都好啦,
小弟襯大家稍事休息o既時候,
借「上橋昅昅」為名蛇走左。
不過上「上橋昅昅」又真係冇呃人o既。

時間已經係黃昏,
橋上面已經聚集左爆多人。

一個人行動o既好處就係可以左右攝,
好容易就攝左係第三排,
以小弟o既身高, 足以影到相。

海上面勁熱鬧,
而橋上面就好熱=.=

差唔多到放煙花o既時間,
橋上o既人已經多得恐怖,
唔知條楀會唔會falling down?

終於到放煙花o既時間喇。
其實有兩個位於煙花,
首先係條河拐左個彎o既南面先放,
可以從大廈傍見到少少。
而背就係大阪城。

然後到呢邊放喇。

其實放o既數量唔係好多,
一共3000發左右,
仲要分兩邊放,
所以每次都只係掟幾粒上天,
然後要等幾分鐘,
又掟幾粒咁......

冇乜野好講喇,
睇煙花啦。