遊盪的一天

而家都習慣左九點幾起身lu,
不過可以再提早啲就更加好。



起身, 覆下e-mail咁啦。
呀媽send左個e-mail,
叫我報告下近況,
仲話西詳細啲咁話喎。

之後上網睇下啲求職廣告啦,
不過都唔啱。
唔係我要求高,
而係對方要求高......



係skype同靜岡o既日本朋友傾下,
睇下佢有咩意見咁啦。

然後又睇下求職書。





中午出左去心齋橋、道頓堀嗰邊,
嗰邊話晒都叫旅遊區同鬧市,
應該都有啲工做下掛。

不過意外地......比想像中少.......
就算有, 都係番工時間番到比較夜,
點零兩點鐘咁。
我想話, 尾班車番屋企係23:45.......



道頓堀...
五個月前同屋企人黎日本旅行,
最後嗰店就係呢條街,
不過五個月後o既今日,
行呢條街時o既心情沈重好多......

其實今日美其名係搵有冇工,
實質上係黎散心, 話晒今日星期日,
都冇乜心情搵工,
打電話俾人人地都唔知睬唔睬我。



反正行到去道頓堀,
就向南行埋落日本橋啦,
俾得錢搭車出黎,
唔行番夠本咩。

都係行下animate呀, とらのあな（虎之穴）咁啦,
當然我唔會再花錢買野,
不過當係俾自己一個目標,
要搵到工黎呢度消費!!!



番宿舍, 順便買今晚o既晚飯啦,
拉麵+餃子+半個生菜,
366yen搞掂。



而家一般都可以維持到每日用少個150yen,
如果唔洗出街搭車,
更加係平一截。



聽日除左要搵工之外,
仲要去ゆうちょう銀行（日本郵政開o既銀行）開戶口,
因為發覺原來新生銀行o既認受性唔高,
打工滙人工, 好多時都唔可以用新生銀行。

所以聽朝第一個任務係開戶!

然後其他野就會水到渠成

...........................................應該