大掃除

日本同中國一樣,
有大掃除o既習慣。
而小弟打工嗰間拉麵店,
就係今日做大掃除。

不過唔係唔做生意大掃除,
而係下中午唔開門嗰幾個鐘做。
結果下午休息得番一個鐘左右=.=



為左獎勵自己(世上最多人用o既籍口)搵到工,
係附近書店一口氣買晒《Megami》同《娘Type》。
(宅讀物, 唔明不必深究)
幾時睇? 當然係晚上嗰更,
冇乜客o既時候睇啦。

今日小弟o既工作範圍又進一步擴大,
因為今日要開始學埋炒飯......
我跟進藤教o既, 炒左幾碟,
佢試食完, 話有兩碟得,
其他三碟差少少野,
但我食完, 都唔覺得有咩分別......=.=

唔知點解, 八點幾嗰個時間先係最冇人,
於是進藤先生坐左係度訓,
加藤小姐睇電視,
而我就睇《Megami》。

十一點幾十二點零零丁丁黎左幾個客啦,
正諗住差唔多收工之際,
老闆同隔黎分店o既人黎左,
搞試食會, 研發新menu咁,
又試食我炒o既飯.......

俾人話我用得太多油=.=

結果搞得黎,
都成兩點先走得......

開始睇驗到我老豆o既生活。
小弟老豆都係做飲食,
好多時都係十點幾起身番工,
放工番屋企已經係十二點左右
中間仲要冇休息。
(當然冇咩客o既時候可以蛇開)
呢個情況下, 放工左工,
都真係想見到有人等自己番屋企。